1.Uea 17:13 - Te B'aib'ara

¹³ Ao e taku Eria, A na bon nakoraoi b'aai ni kabane. Ko na karaoa ane ko a tia n taekinna. Okira mwengam ao kuukana kanam ma natim. Ma ko na karekea moa kanau te kariki ae e uarereke ao uotia mai.

1.Uea 17:13 ပူးပေါင်းရင်းမြစ်များ

Karikani B'aai 26:24

Ao E kaoti te Atua nako ina n te tairiki anne, ao E taku, “Boni Ngai Atuan tamam are Aberaam. Ko na aki maaku; I mena iroum. N na bon kakab'aiako ma n anganiko am kariki aika m'aiti i bukin au berita ma Aberaam are Au toro.”

1.Uea 17:12

Ao e taku neierei, I boni koaua n aran am UEA ae E maiu b'a bon akea kanau te kariki. Bon ti iai irou ngkai te abutana te buraawa, ao teutana b'aan te oriwa. Ao i aon kawaiu ngkai n okira mwengau ma au aia aikai ni kuukana ae iai irou ngkai b'a kanau ao kanan natiu te m'aane. Ao i mwiin anne, ti nang mate ni baki.

1.Uea 17:14

E a tia ni berita UEAN ae Atuan Iteraera b'a e na bon aki babane am buraawa, ao e na aki babane naba kanoan am b'atoro n oera.

2.Uea 6:16

Ao e taku Eritai, “Tai maaku. A m'aiti riki taanga ni buaka aika iroura ni kabotauaki ma ake irouia.”

2.Rongorongo 20:17

Kam na aki buaka. Kam na ti tei ni nnemi ma ni mataku ngkana E kamaiungkami te UEA mairouia ami kairiribai. Kam na aki maaku. Kam na ti karaoa ae kam tuangaki. Ao ngkana kam m'aati n ingabong, ao e na raoni ngkami te UEA ikekei.

Te Otinako 14:13

Ao e taku Moote, “Kam na aki maaku! Taua abami b'a kam na noora te b'ai ae na karaoia te UEA ae Atuami i bukin kamaiuami n te bong aei, kam na bon aki manga nooriia kaain Aikubita aika kam nooriia aikai.

Taeka n Rabakau 3:9

Karinea te UEA n anganna am m'ane ao moan m'akoron uaan arokam ni kabane.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 41:13

Bon Ngai te UEA ae te Atua. I tautaua baim, ma ngaia are, ko na aki maaku. I roko ikai b'a N na buokiko.

Maraki 3:10

Bon te UEA Ngai ae Moan te M'aaka, ae I kaewenakoingkami b'a kam na kataai. Uoti mai ni kabane taiani kabwianib'ai nakon te auti n am'arake, b'a e aonga n reke te am'arake n au auti. Ao i mwiina, N na kauki wintoon karawa ma ni kaonrakeingkami n te kab'aia teuana ma teuana.

Mataio 10:37

Ane tangira riki tamana ma tinana nako Iu, ao e aki tau b'a e na riki b'a au reirei; ao ane tangira riki natina te mm'aane ke natina te aine nako Iu, ao e aki tau b'a e na riki b'a au reirei.

Mataio 28:5

Ao e taku te anera nakoia aine akekei, “Kam na aki maaku, b'a I ataingkami b'a kam ukoukora Iesu are kamateaki n te kaibangaki.

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

M'akuri 27:24

ao e kaangai, “B'auro, tai maku, e riai b'a ko na tei i matani kautun te tautaeka n Rom; ao noria, i bukin ana akoi te Atua nako im, ao a kamaiuaki iai aomata ni kabaneia ake a borau ma ngkoe.”

Ebera 11:17

I bukin ana onimaki Aberaam, ao e anga Itaaka b'a te karea ngke e kataaki. Teuare a atongaki taeka n akoi nako ina, e tauraoi n anga natina ae te rikitemanna b'a te karea;

1.Betero 1:7

b'a e aonga n riki kataan ami onimaki, ae kakawaki riki nakon te koora ae kai mauna are e boni kataaki naba n te ai b'a ua ra, b'a kamoamoami ma neboami ma karineami ngkana E a manga oki Iesu Kristo,