1.Uea 17:1 - Te B'aib'ara

¹ Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

1.Uea 17:1 ပူးပေါင်းရင်းမြစ်များ

1.Uea 17:12

Ao e taku neierei, I boni koaua n aran am UEA ae E maiu b'a bon akea kanau te kariki. Bon ti iai irou ngkai te abutana te buraawa, ao teutana b'aan te oriwa. Ao i aon kawaiu ngkai n okira mwengau ma au aia aikai ni kuukana ae iai irou ngkai b'a kanau ao kanan natiu te m'aane. Ao i mwiin anne, ti nang mate ni baki.

1.Uea 17:2

Ao rimwi riki ao E taetae te UEA nakon Eria ni kaangai,

1.Uea 18:1

Ao e aki b'aka te karau i nanon tenua te ririki i aon Taamaria, ao e a moanna n tare te am'arake n taabo ni kabane.

1.Uea 18:10

I tuea nakoim n aran te UEA ae maiu ae Atuam b'a e a tia te uea ni kakaaeko n taabo nako. E kanakoia aomata b'a a na tarataraiko n aaba nako, ao ngke a bon aki roko n te kuneko ao e tuangiia taani kairiiri ni kabane n aaba nako b'a a na tuea ae bon akea ngkoe i abaia.

1.Uea 18:15

E taku Eria, “Boni ngai ana toro te UEA ae E maiu ae Moan te M'aaka, ao I berita n arana b'a N na kaitibo ma Aaba n te bong aei.”

1.Uea 22:14

Ma e kaeka Mikaia ni kaangai, “N na taekina are e tuangai te UEA ae e maiu.”

1.Uea 8:35

Ngkana tao arona b'a a bure am a Aomata nakoim, ao katuaaia n taua te karau b'a e na aki b'aka nakoia. Ao ngkana arona b'a a manga rairaki nakon te Tembora arei ma n tataro n Aram ma ni katoka karaoan te bure,

2.Uea 1:3

Ao ni bon te tai naba arei, ao e kanakoaki Eria are te burabeti are kaain Titibe b'a e na taetae nakoia ana tia uarongorongo te uea ni kaangai, E a tia Aatia ni kaakeaa are bon oin Atuana ngkai e kanakoko b'a ko na titirakina Baretebub'a i bukin ikoakina.

2.Uea 3:14

Ao e taku Eritai nako ina, Bon ana tia m'akuri te UEA ae m'aaka ae e maiu ngai. I tuea n arana b'a ngke arona b'a I aki karinea uean Iuta are Iotiab'ata ao N na bon aki kan tatarai matam.

2.Uea 4:38

Rimwi riki, ao e nako Kirekara Eritai, ao e a roko te rongo n te aba arei. N te bong teuana ngke a boowi burabeti ake a maeka ikekei ma Eritai, ao e taku Eritai nakon ana tia m'akuri, “Kukana te am'arake n te b'aata ae e buubura, i bukiia burabeti aikai.”

2.Uea 5:16

Ao e taku Eritai nakon ana tia m'akuri, “I tuea b'a N na bon aki anaa te b'aintangira teuana mairoum.” E teimatoa Naaman ni bubuti ma e bon rawa Eritai.

2.Uea 5:20

ao e taku i bon i rouna Keati, “E a tia au toka ni kanakoa Naaman ao n aki anaa te b'ai teuana mai rouna! E na riai ni butim'aea ana b'aintangira te I-Turia arei ma e aki. I tuea n aran te UEA b'a N na nakon Naaman, ao N na anai b'aai tabeua mai rouna.

2.Rongorongo 21:12

N te bong teuana, ao e reke te reta iroun Ioram mairoun Eria are te burabeti ae kaangai kanoana: Bon iai au rongorongo nakoim mairoun te UEA ae te Atua are e taataromauriia ami bakatibu are Tawita. E a ataia ae ko tuai kakairi iroun tamam are Ieotiab'ata ke Ata are tibum te unim'aane.

2.Rongorongo 6:26

Ngkana tao arona b'a a bure am aomata nakoim, ao ko katuaaia n taua te karau b'a e na aki b'aka. Ao ngkana a manga katoka karaoan te bure ao a manga tanrikaaki nakon am Tembora man tataro n aram,

Iobi 12:15

E roko te rongo ngkana E taua te karau te Atua; a roko taian ieka ngkana E kanakoi taian ran.

Itaia 49:18

Noora rarikim nako! Ko na noori aomata aika a tabe n okira mwengaia. B'a ngkai I bon maiu, Ngai ae te UEA, ao I berita b'a e na rangi n taatangiraki n ai aron te kainrou te aine ae e taabianna ni bai ni katamaroa.”

Itaia 5:6

E na onikaki nakon te rereua, e na aki kaitiakaki m'aanga ma aroka aika karib'aa; E na onrake ni kaai aika a kateketeke ao akanta. N na tuangiia taian nang b'a a na aki karokoa te karau.

Ieremia 14:22

A aki konaa ni karokoa te karau taian bouannanti, ao a aki konaa ni b'aka tamruru ni karau i bon irouia. Bon ti Ngkoe ae Ko konaa n taua aron te karau, ma ngaia are, ti katikui ara onimaki iroum, Ngkoe ae te UEA ae Atuara.

Ieremia 15:19

Ao E taku te UEA nako iu: Ko na aki katoka taetaem kaanga te baba! N na karikiko riki b'a Au burabeti ngkana ko okirai ma n taetaekina au rongorongo. I taku b'a a na kariaia te b'ai ae ko taekinna kaain Iuta. Ma ko konaa ni kaaitarai aia m'akuri nako aika a kamaraki,

Ieremia 28:8

b'a i m'aain bungiakira, ao burabeti a taetaekina te abanuea ae e korakora ae e na oreaki n te buaka, te kabuanib'ai, ao te aoraki.

Akai 1:10

Ao bon anne naba bukina ngkai e aki b'aka te aoi ao e aki reitinako te tai.

Mataio 11:14

Ao ngkana kam kani kaki i nanomi, ao bon Eria are nangi roko teuarei.

Mataio 16:14

Ao ngaiia a kangai, “A taku tem'angina b'a Ioane are te tia B'abetito. Ao tem'angina, b'a Eria; ao tem'angina b'a Ieremia, ke te burabeti riki temanna.”

Mataio 27:47

Ao aomata tabem'aang ake a teitei n ua kaan ma ikekei, ngke a ongo, ao a taku, “E wetea Eria Teuaei!”

Mataio 27:49

Ma a taku ake raona, “Tataninga, b'a ti na mataku b'a tao e na nako mai Eria ni kamaiua.”

Mataio 7:29

E reireiia n ai aron ae m'aaka ao tiaki n ai aroia aia taani koroboki.

Ruka 1:17

ao ane e na ri moan te Uea ma te nano ae korakora ao ae m'aaka n ai aron are iroun te burabeti are Eria, b'a e na kaoki aroia n reitaki ae tamaroa kaaro nakoia naati, ao ake a aki ongeaba nakoni wanawanaia aomata ake a raoiroi. Ane e na buoki nanoia aomata b'a a aonga n tauraoi i bukin te Uea.”

Ruka 1:19

E kaeka te anera ao e taku, “Kabiriera ngai, ae ana tabonibai te Atua; ao I kanakomaiakaki b'a N na taetae nako im, ao b'a N na uota te rongorongo ae raoiroi aei nako im.

Ruka 21:36

Ma kam na tantani n taai nako ao tataro b'a e aonga n reke i roumi te marurung are kam na kona iai ni biri nako mani baika nang roko, ao te kona n tei i matan Natin te Aomata.

Ruka 9:30

Ao noria, a taetae ma Ngaia uoman aomata, b'a Moote ao Eria,

Ruka 9:33

Ao ngke a nako mai Rouna, ao e taku Betero nakon Iesu, “Te Tia Reirei, e raoiroi b'a ae ti a mena ikai; ti a katei um'anrianna aika tenua, b'a teuana i bukim, ao teuana i bukini Moote, ao teuana i bukin Eria.” Ma e aki ata nanon te baere e taekinna Betero.

Ruka 9:54

Ao ana reirei, are Iakobo ma Ioane, ngke a ata te baerei, ao a taku, “Te Uea, Ko tangirira b'a ti na kab'aka te ai mai karawa b'a e na kamaunaia?”

Ioane 1:21

Ao a manga titirakinna riki ni kaangai, “Ao antai ngkoe ngkanne Eria?” Ao ngaia e taku, “Tiaki.” Ao a manga taku, “Te burabeti ngkoe?”

Ioane 1:25

a titirakina Ioane ni kaangai, “E aera ngkai ko b'ab'abetito ngkai tiaki ngkoe te Kristo, ao tiaki Eria, ao tiaki te burabeti?

M'akuri 27:23

B'a e tei i rarikiu ngke e bong ana anera te Atua, are ana aomata naba ngai, ao are I tataromauria

I-Rom 11:2

E aki kaaki taekaia ana botannaomata te Atua ake E a tia n rineia ma ngkoa. Kam aki ata rongorongon Eria n te B'aib'ara, ngke e kabuakakaia Iteraera nakon te Atua? B'a e kaangai:

Te Tua-Kaua 10:8

Ao i mwiin karinan atibu ake a tabu i nanon te Atiniberita, ao te UEA E rineia kanoan Rewi b'a tiaki ti taan uouota te Atiniberita, ma a na riki naba b'a taiani ibonga n te tabo n taromauri, ao a na kakab'aiaia naba taiani baronga n Arana. Ao a bon karaoi naba baikai ngkai.

Iakobo 5:17

Eria bon te aomata ae ti te bo arona ma arora, ao n ana tataro e bubuti b'a e na aki b'aka te karau; ao e aki b'aka te karau i aon te aba i nanon tenua te ririki ao onoua nam'akaina.

Te Kaotioti 11:6

A kona taani kakoaua akekei ni bonota karawa, b'a e na aki b'aka te karau ni karokoa koron aia bong n taetae ni burabeti; ao iai m'aakaia i aon raan, ni kona n oniki b'a raraa; ao iai naba m'akaia ni karokoi b'aai ni kamamate ni kaokioki n ai aron takun nanoia.

Tani Motiki-taeka 12:4

Ma a taku kaain Eberaim, Bon ti te bo ngkami kaain Kireata ma taan birinako n rawei maiuia mai Eberaim. Ao kam maeka naba n te aba ae abaia kaain te baronga are Eberaim ma Manate. Ma ngaia are, e botiia tautian Kireata Iebeta, ao a buakaniia kaain Eberaim ma ni kataenikaia.