1.Uea 16:26 - Te B'aib'ara

²⁶ Bon ti te bo raoi arona ma Ieroboam ao e kauna te UEA ae Atuan Iteraera ngke e karikiia Iteraera b'a taani bure ao taan taromauri bannaia anti.

1.Uea 16:26 ပူးပေါင်းရင်းမြစ်များ

1.Uea 16:13

A bure Baatia ma Era ao a karekeia Iteraera n te bure, ao a kauna te UEA ngke a taromauri bannaia anti.

1.Uea 16:19

E a tia n aki ongeaba Timri nakon te UEA ngke e katotonga Ieroboam, are e karekeia Iteraera n te bure.

1.Uea 16:2

Bon akea ae e ataiko mangkoa ni karokoa ae I rineiko Ngai ae te UEA b'a ko na riki b'a te tia kairiiri irouia au Aomata ae Iteraera. Ao ngkai ko a manga boni katotonga naba Ieroboam ni manga karekeia naba Iteraera n te bure. Ko a tia n rangi kaunai n te b'ai ae ko a tia ni karaoia

1.Uea 16:27

B'aai ni kabane ake e karaoia Omri ngke e uea ni ikotaki ma ana m'akuri n ninikoria a bane ni koreaki n te boki are Rongorongoia Uean Iteraera.

Taian Areru 31:6

Ko ribaia akana taromaurii atua tabeman ma I onimakiniko.

Ieremia 10:3

Bon akea nanon aia aro! A koroi ni kab'akai taian aroka, ao a karaoi taian banna iai i bukin aia bouannanti,

Ieremia 10:8

Bon akea manenan taiani bouannanti, ao bon taian nanobaba aomata akana a taromauriia!

Ieremia 14:22

A aki konaa ni karokoa te karau taian bouannanti, ao a aki konaa ni b'aka tamruru ni karau i bon irouia. Bon ti Ngkoe ae Ko konaa n taua aron te karau, ma ngaia are, ti katikui ara onimaki iroum, Ngkoe ae te UEA ae Atuara.

Ieremia 16:19

Ara UEA, boni Ngkoe ae Ko anganai te korakora ma ni kaawakinai kaanga te nono ngkana I reke n te kangaanga. Ane a na roko aomata ni kawarai man taiani botannaomata aika a raroa nako ao a na kaangai, A taromauri anti ni kewe aika a akea manenaia Ara bakatibu.

Ieremia 18:15

Ma kam a tia n rairaki nako mairou ngkami Au aomata ngke kam kabuoki taian b'ai ni kaboiarara nako ia bouannanti aika akea manenaia. Kam a tia ni kiitana te kawai nikawai ma n ira te kawai ae e aki ataaki ike a na toki waemi iai n taian bouannanti.

Ieremia 8:19

A tang au aomata i abaia ianena. Kakauongo! Ane ko na ongo aia taeka ae e kaangai, “E a tia te UEA ni kiitana Tion? E a aki Uea iai?” Ao I ongo ana kaeka te UEA ae e kaangai, “E aera ngkai kam kaunai n taromauriia bouannanti aika akea manenaia?”

Mika 6:16

E na riki aei nakoim i bukina ngke ko katotoong ana m'akuri te uea are Omri, ma natina naba are te uea are Aaba. Ko reitanako aia m'akuri, ma ngaia are, N na uruko, ao a na bane ni kakeaa manenam aomata nako. Bon akea temanna ae e na karineko.

M'akuri 14:15

ni kaangai, “Mm'aane, Kam aera ngkai kam karaoi baikai? Bon aomata naba ngaira aika ai aromi! Ao ti tuangngkami te rongorongo ae e raoiroi, b'a kam na rairaki mani baika akea bonganaia nakon te Atua are maiu, are karaoa karawa ma aonnaba, ma marawa, ma b'aai ni kabane ake a mena i nanoia.

Te Tua-Kaua 32:21

Kam taromauri bouananti aika akea bonganaia, kam kamaraka nanou ao kam kaunai. Ao ngkai N nang kanakoa nakoimi te botannaomata ae akea bonganaia ae akea manenaia b'a a na kamaraki nanomi, ma ni kauningkami.