1.Uea 15:22 - Te B'aib'ara

²² Ao e tuangiia aomata ni kabane i Iuta b'a a na uotinako ni kabane atiibu ma kaai ake e kaboonganai Baatia are e kamatoa te kaawa iai. Ao e kaboonganai atiibu ma kaai naba akekei ni kamatoa iai te kaawa are Keeb'a are n aban Beniamin ao te kaawa are Mitib'a.

1.Uea 15:22 ပူးပေါင်းရင်းမြစ်များ

1.Uea 15:17

Ao n te tai teuana, e a niniia Iuta uean Iteraera are Baatia man taua te kaawa are Ram'a. Ao e a moana kamatoaan riki te kaawa, n te aro b'a e aonga ni konaa ni kamenakiia ana tautia ikekei n te aro b'a a aonga n toki aomata man te rin ao te otinako mai Iuta.

2.Uea 23:8

E bon kani bane kaawan nako Iuta ni karaoaki iai taian angakarea irouia ibonga nakon te UEA ni bangotan te aba. E kairiia ibonga aikai Iotia nako Ierutarem ao e kam'araai aia baangota b'a a na aki kamanenaaki i bukin te taromauri. Ni kabane taiani baangota ake mai Keeb'a are i meangin Ierutarem nako Beerateb'a i maiaki. E bon kamaunaa naba te baangota are i Beerateb'a are e mena i maingin te mataroa are Iotua, are e ingoanaki n aran te kabanea n rietaata ni mataniwi n te kaawa ae e buubura anne.

2.Rongorongo 16:6

Ao Ata e tuangiia kaain Iuta ni kabane b'a a na uoti nako taian atiibu ma kaai ake e kabonganai ngkoa Baatia ni kamatoa iai Ram'a. Ao e a manga kamatoai kaawa ake Keeb'a ao Mitib'a n taian atiibu akanne.

Ieremia 40:10

N na tiku ngai ikai i Mitib'a b'a N na mamaroroo ma aobitian B'aburon ni katoa rokoia. Ma ngkoe ko na nako n okira am kaawa nako ma n uotaamai uaan te tai, ao i mwiina, ko kaawakina te wain, b'aan te oriwa, ao taian uanikai aika a m'au.”

Ieremia 40:6

I iangoia b'a N na tiku i rarikiia kaain Iuta, ao I nako ni maeka i rarikin Ketaria i Mitib'a.

Ieremia 41:9

Te m'anib'a are a kaakarenako ia aia mate iai bon te m'anib'a ngkoa are e kenaki i roun Uean Iuta are Ata i bukin nnen te karau, b'a e maaku ngkoa ngkana e roko te Uea are B'aatia are uean Iteraera ni katobibia Mitib'a man tauia aomata i nanona b'a a na aki karekea aia ran.

Tekaria 14:10

Mai Keeb'a rikaaki nako Rimmon

Iotua 18:24

Kebaraammoni, Obeni, ao Keeb'a. Bon tebwi ma uoua bootan kaawa aikai, ao iai naba kaawa aika a uarereke i rarikiia.

Iotua 18:26

Mitibe, Kebira, Mota,

Iotua 21:17

A anganaki naba aua kaawa man abaia te baronga are Beniamin aika kaawa aika: Kibeon, Keeb'a,

1.Tamuera 7:5

Ao e taku Tamuera, “Tuangiia Iteraera ni kabane b'a a na bootaki ni kabowi i Mitib'a, ao N na tataro nakon te UEA i bukimi.”