1.Uea 15:20 - Te B'aib'ara

²⁰ Ao Benatata, e karaoa te b'ai are e buubutii iai Ata ao e kanakoia tautian Turia nako Iteraera. A taua te kaawa are Iion, Taan, ao Abera-Betamaaka, ao aban Kinnerota ao Nabetari.

1.Uea 15:20 ပူးပေါင်းရင်းမြစ်များ

Karikani B'aai 14:14

Ao ngke e ongo Aberam b'a e uotakinako b'a te taenikai ai natina are Rota, ao e bootia ana mm'aane ake taani buaka aika 318 bootaia, ao a taorimwiia uea ake aman nako Taan.

1.Uea 12:29

Ao i mwina, e katuka te kaoteteei te koora are teuana n te kaawa are Betaera. Ao e katuka are temanna n te kaawa ae Taan, ao a m'ananga aomata rimoan te kaoteteei ngke e uotaki nako ikekei. Bon te bure ae moan te kakaiaki te b'ai are e tia ni karaoia Ierutarem.

1.Uea 20:1

Ao e bootia ana taanga ni buaka Benatata. Ao e raonaki irouia 32 riki taiani uea ni ikotaki ma aia aoti ao aia kaanibuaka, ao a kaai ni m'aati nako Taamaria ma ni buakanna.

1.Uea 20:34

Ao e taku Benatata, “N na kaoki taiani kaawa ake e anai tamau mairoun tamam. Ao ko konaa naba ni katei am tabo ni kabob'ai i Tamateko n aron tamau ngkai iai naba ana tabo ni kabob'ai i Taamaria.” Ao e taku Aaba, “Ngkana ko karaoi akanne nako iu, ao N na kanakoko ni kainaomatako.” Ao i mwiin arei, ao a tiainaa aia boraraoi n raoi, ao e kainaomata Benatata te uea are Aaba.

2.Uea 15:29

E m'ananga uean Aturia are Tikeraka Biretia ni buakana Iteraera i nanon ana tai n tautaeka Bika. E taui aaba ake i Kireata ao Kariraia, n ikotaki ma te kaawa are Iion are Abera Betamaaka, Ianoa, Kateti, ao Atora, ao ai uana naba ma te aba are Nabetari. I mwiina, e anaiia Iteraera man taabo aikai ao e uotiia nako Aturia b'a taenikai.

Iotua 11:2

ao nakoia naba uean aaba ake tabukibuki ake i meang, ma ake ni m'aruan te Ioretan ake i maiakin te nama are Kariraia, ao nakon naba aaba ake a rinano, ma aaba naba ake i mataniwiin taari, i rarikin Tora.

Iotua 12:3

E reke naba i nanon abana m'aruan te Ioretan man te nama are Kariraia nako aiaki nako B'atemoti (i mainikun taari are mate) ni kaineta oin te maunga are Bitika.

Iotua 19:39

Ao aikai kaawa aika a buubura ma kaawa naba aika a uarereke ake a reke i nanon te aba are a anganaki utuun te baronga are Nabetari b'a abaia.

Tani Motiki-taeka 18:29

Ma a arana te kaawa arei b'a Taan, are bon natin Iteraera temanna are bon aia bakatibu n aia baronga.