1.Uea 15:18 - Te B'aib'ara

¹⁸ Ao ngke e ongo aei Ata, ao e anaa te koora ma te tirewa man ana bareti ao man ana Tembora te UEA. E anganiia tabeman ana aobitia ao e kanakoia nako Tamateko ma te rongorongo nakon uean Turia are Benatata ae e kaangai:

1.Uea 15:18 ပူးပေါင်းရင်းမြစ်များ

Karikani B'aai 14:15

Ao e tib'atib'aia ana taanga ni buaka nakon aia kurubu nako, ao a buakaniia aia kairiribai ngke e a bong, ao a kataenikaia. Ao a kakioia ni karokoa Ob'a are i meangin Tamateko,

Karikani B'aai 15:2

Ma e kaeka Aberam, “Te UEA ae Moan te M'aaka, tera bonganan kaniwangau ae Ko na anganai ngkai, ao e tuai man reke natiu? Ao e nang b'aib'ai i mwiiu ngkana I mate teuare Erietera are kaain Tamateko.

1.Uea 14:26

E anai b'aai ni kabane aika a kakaawaki man te Tembora, ao te bareti, ni ikotaki ma otangan Toromon ake koora.

1.Uea 15:15

E kaaki i nanon te Tembora koora ma tirewa ake e a tia ngaia ma tamana ni katabui nakon te UEA.

2.Uea 12:17

Ni bon te tai naba arei, e buakana te kaawa are Kaata uean Turia are Ataera, ao e taua. I mwiina, e a manga iangoia b'a e na buakana Ierutarem.

2.Uea 12:18

Ma ngaia are, e rikoi b'aai ni kabane Ioati ake a tia ni katabuaki i rouna ma ana bakatibu are Ieotiab'ata, Ieoram, ao Aatia, ni ikotaki naba ma koora ake n taian ruunib'ai ake n te Tembora ma te bareti. E kanakoi ni kabane nakon Ataera b'a te b'aintangira. Ao ngke a reke iroun Ataera, e a tuangiia naba ana taanga ni buaka b'a a na kiitana Ierutarem.

2.Uea 12:19

A bane ni koreaki taekan b'aai ni kabane ake e karaoi Ioati ngke uea i nanon te boki are Rongorongoia Uean Iuta

2.Rongorongo 15:18

E kaaki i nanon te Tembora b'aai aika a koora ao tirewa ni kabane ake e a tia boni ngaia ao tamana ni katabui b'a ana b'ai te Atua.

Ieremia 49:27

N na kaura te ai i aon oon nako ami kaawa ma ni kabuoki ni kab'akai taian nono ake karaoi ngkoa te Uea are Benatata.

Amota 1:4

Ma ngaia ae N na kab'aka te ai i aon te bareti are e kateaki iroun te Uea are Ataera, ao N na kabuokii nonon te Uea are Ben-atata.