1.Uea 14:9 - Te B'aib'ara

⁹ Ko a tia n rangi ni kamaraka nanou, ngke ko kaaki taekau; ao ko karaoi bouananti man te koora. Ieroboam. Ko a tia ni karaoa te m'akuri ae moan te buakaka riki nakon are a tia ni karaoia uea ni kabane ake mai i m'aaim.

1.Uea 14:9 ပူးပေါင်းရင်းမြစ်များ

1.Uea 12:28

Ao e bubutiia taan iango b'a a na buokia n tuanga arona, ao i mwiina, e a karaoi uoua taiani kaoteteei aika koora. E kaoti nakoia aomata ao e taku, “Kakauongo aomata ni kabane. Kam a riai n aki manga nako Ierutarem n taromauri. Ao aikai atuami ake a kamaiungkami mai Aikubita.”

1.Uea 14:16

E tuuriia Iteraera ana bure Ieroboam, ao a riki b'a taani bure Iteraera iai. Ma ngaia are, E nang kamaunaa Iteraera te UEA.

1.Uea 14:22

A aki ongotaeka iroun te UEA kaain Iuta ao a kaunna riki nakon are a tia ni karaoia aia bakatibu.

1.Uea 15:29

E kaangai ngkoa ana taeka Ana burabeti te UEA are Aiia, Bon akea temanna mai buakoia m'anen ke ataeinim'aanen ana utu Ieroboam ae e na tiku ni maiu. Ma ngaia are, ni bon te tai are e uea iai Baatia, ao e kabaneia n tiringiia ana utu Ieroboam,

1.Uea 15:30

i bukina ngke e a tia ni kauna UEAN Iteraera ae te Atua Ieroboam ngke e bure are e a karika naba iai Iteraera b'a taani bure.

1.Uea 15:34

E aki ongotaeka naba Baatia nakon te UEA ngke e katotonga Ieroboam, are e karekeia Iteraera n te bure.

1.Uea 16:25

E karaoa ae moan te buakaka riki Omri nakoia uean Iteraera ake mai i m'aaina.

1.Uea 16:30

Ao e karaoi riki baika a rangi ni buakaka ririki Aaba nakoia uean Iteraera ake mai m'aaina.

1.Uea 16:31

Bon ti te bo are e karaoia ma Ieroboam. Ao ana bure riki ae moan te buakaka bon ieinna ma Nei Ietebera are natin uean Titon are Etabaara, ao e a manga taromauriia B'aara.

1.Uea 16:33

ao e katea te atiibu ae e tabu i bukin taromaurian te anti te aine are Nei Aatera. E boni karaoi b'aai aika e na rangi n un iai te UEA ae Atuan Iteraera nakoia uea ake mai m'aaina.

2.Uea 21:3

E a manga katei taian bouananti ake e a tia tamana are Etekia n urui. E a manga karaoa te baonikarea i bukini Baara ao e katea naba te boua ae e tabu i bukin taromaurian te anti are Nei Aatera, n aron are e a tia ni karaoia ngkoa uean Iteraera are Aaba. Ao e kakaonimaki n taromauria itoini karawa.

2.Uea 23:26

Ma E bon teimatoa naba te UEA ni maraki nanona irouia kaain Iuta i bukin b'aai aika a bati ake e a tia Manate ni karaoi are E un iai.

2.Uea 3:3

Ma e bon teimatoa naba ni karaoi m'akuri aika a bure are e a tia Ieroboam are natin Neb'ata te m'aane ni kareketaatiia Iteraera iai.

2.Rongorongo 11:15

E a manga bon karekeia ana ibonga Ieroboam b'a taani m'akuri n taiani baangota ake baangotan te aba i Iteraera ao n taabo n taromauri ake e a tia ni kateaki iai bouanantin te kooti are te anti ao taian kao ataei.

2.Rongorongo 33:6

ao e katea naba te atiibu are taamnein antiia ianena. E kaakaraoa naba taiani m'akuri n tabunea ao ni b'ainikawai,

Neemia 9:25

A taui taiani kaawa aika a buubura aika a matoatoa ao taabo n ununiki aika a m'aiti taian aroka inanoia; a anai taian auti aika a taubobonga b'aiia, ao ai uana naba ma taiani nne n ran, ma taian nne n aroka ni kureebe, nne n aroka n oriwa, ao taian aroka aika a rangi ni m'aiti aika iai uaaia. A am'arake ni karokoa ngaeia raoi, ao a karaoa aia bootaki ni kukurei i bukin am kakab'aia ae moan te korakora.

Neemia 9:26

Ma e ngae n anne, ao a bon kakaitaraa naba ma n aki ongotaeka nakon am tua. A tiringiia am burabeti ake a aki toki ni kaakauringiia b'a a na rairaki nakoim, ao a karereantia aram.

Taian Areru 106:29

Ao a kaunna n aia m'akuri anne, ao e b'akariia te aoraki are kamaamate.

Taian Areru 50:17

Ko rawa ni kaetan arom, Ao ko ribaai au tua.

Taian Areru 78:40

Ai batiraa aia tai n rarawa ni kan aan-taeka i rouna n te rereua! Ao m'aiti ra te tai ae a kananokawakia iai!

Taian Areru 78:56

A kataa naba te Atua are Moan te Rietaata, Ao a rawa ni kan aan-taeka i rouna; A aki ongeaba nakon ana tua,

Taian Areru 78:58

A rangi ni kauna te Atua i bukin ae a nako ni bangota ao a taromauri bouananti ake iai.

Te Otinako 34:17

Kam na aki karaoi bannan antiia man taian biti.

Ieremia 32:18

Ko kaota am akoi nako ia roro aika ngaa, ma ko bon katuaaia aomata i bukin aia bure aia karo. Bon te UEA Ngkoe ae Moan te M'aaka.

Ieremia 7:18

A rikoi aia ataei, ao a kauraa te ai tamaia, ao tinaia a kabooboa te buraawa b'a a na kariki i bukin antiia te aine are a aranna b'a ueanainen Karawa. A bon anga naba te wain nako ia anti tabem'aang, b'a I aonga ni matauninga.

Ieremia 7:26

Ma kam aki kubarai ao kam karikirakea riki taningabonomi ao karaoan te bure nakon are a karaoia ami bakatibu!

Etekiera 23:35

Ko a tia ni katinanikuai raoi, ma ngaia ae, I berita b'a ko na katuaaeaki i bukin b'aai aika a rangi n ribaaki aika ko karaoi ngkai ainen mataawa ngkoe.

Etekiera 8:17

E taku te Atua, Etekiera, e rangi ni buakaka ngkai a karaoi b'aai aika a rangi n ribaaki kaain Iuta. Ao a bon kabutanakoa naba te tiritiri ma te motibuaka i aon Iteraera ni kabane ao a rangi ni kaunai. A tia ni kamatauningaai ma ni kamamaaeai n aia m'akuri nako aika a rangi ni buakaka.

Etekiera 8:3

E kaaenakoa te b'ai ae kaanga ai aron bain te aomata n taua irau. Ao i nanon miiu arei E a uotai rake Tamnein te UEA nako karawa ma ni uotai nako Ierutarem. E uotai te Tamnei nakon mataroan katawanangin te Tembora are i meaang ike e mena iai te bouannanti are e rangi n ribaia te UEA ao e rangi ni un iai.

Nakoaia Ibonga 19:4

ao tai karaoi bouannanti ke katotoongan te b'ai teuana. Bon te UEA Ngai ae Atuami.

1.I-Korinto 10:22

Ke ti tangira ae E na un te UEA? Ti korakora riki nako Ina?

Te Tua-Kaua 32:21

Kam taromauri bouananti aika akea bonganaia, kam kamaraka nanou ao kam kaunai. Ao ngkai N nang kanakoa nakoimi te botannaomata ae akea bonganaia ae akea manenaia b'a a na kamaraki nanomi, ma ni kauningkami.

Te Tua-Kaua 9:24

Ni koauana raoi, ao kam kakaitaraa te UEA ni moa man te tai are E a tia ni kinaingkami iai.

Tani Motiki-taeka 5:8

A taromauriia atua riki tabeman Iteraera, ao a rina ni buakanaki mataroan aia kaawa nako Ma bon akea aia otanga ke aia kainiwai ni buaka.