1.Uea 14:6 - Te B'aib'ara

⁶ Ma ngke e ongo m'akaikaina Aiia ngke e nakon te mataroa, ao e taku: Rin nako! I bon ataiko b'a buun Ieroboam ngkoe. E aera ngkai ko kataia ni bitiko b'a aongkoa te aomata temanna? Bon iai au rongorongo ae kananokawaki nakoim.

1.Uea 14:6 ပူးပေါင်းရင်းမြစ်များ

1.Uea 14:2

Ao e taku Ieroboam nakon buuna. Bita teim b'a a aonga n ae akea ae ataiko b'a buu ngkoe. Ao i mwiina ko na nako Tiro, are e maeka iai te burabeti are Aiia, uoti nakoina tebwina kariki, tabeua keeke aika a uarereke, ana karewe te manibeeru, ao bubutiia b'a e na tuangko te b'ai ae e na riki nakon natira te m'aane. E konaa n tuangko b'a boni ngaia are e tuangai b'a N na riki b'a te uea.

1.Uea 14:5

ma E tuangnga te UEA ni kaangai, Ane e na roko buun Ieroboam n titirakiniko i bukin natina te m'aane. N na tuangko te b'ai ae ko na tuangnga. Ao ngke e roko buun Ieroboam n ana auti Aiia, ao e karikia b'a te aomata temanna.

1.Uea 14:7

Ko na tuanga buum te rongorongo aei, ae e roko mai roun te UEA ae Atuan Iteraera. Ko bon ataai Ieroboam b'a boni ngai ae te UEA ae I rineiko mai buakoia aomata b'a ko na tia kairiiri i aon au Aomata ae Iteraera.

1.Uea 20:42

Ao e taku te burabeti, “E bon tuangko ngkoa te UEA b'a ko na tiringa Benatata, ma ko a tia ni kainaomata. Ao ngkai ko nangi manga tiringaki n onea mwiina, ao a na tiringaki naba am aomata n onea mwiia ana aomata.”

1.Uea 22:8

Ao e taku Aaba, “Ti konaa naba n titirakina te burabeti are Mikaia are natin Imra, ma I rangi n ribaia b'a e aki toki n tataekin taeka aika a aki kakukurei nako iu.” Ao e taku Iotiab'ata, “Ko na aki taetae ni kaanganne.”

Iobi 5:13

ao E karaoia aomata aika rabakau b'a a na m'ane ni bon oin aia babaire n te aro are e aki koro bukin te b'ai teuana ae a karaoia;

Taian Areru 33:10

E uru aia iango botannaomata te UEA ake a tia ni bairei b'a a na karaoi, Ao E tukiia b'a a na aki kakoroi bukiia.

Taeka n Rabakau 21:30

Kam bon aki konaa ni konaa te UEA e ngae ngkana e m'aiti ami atatai ke tera ami kawai.

Mareko 14:21

Ane E na mate Natin te Aomata n ai aron taekana n te B'aib'ara; ma e na reke kain te aomata ae kam'aneaki Natin te Aomata i rouna! E raoiroi riki iroun te aomata anne ngke e aki bungiaki.”

Ebera 4:13

Bon akea te b'ai teuana ae karikaki ae na raba mai Rouna; ma a bane b'aai ni kakiaki rabunaia ma ni kaotaki raoi i matan Teuare Ngaia ae ti nangi taekin arora nako Ina.

1.Tamuera 15:16

Ao e taku Tamuera, “Katokia ikanne. N na tuangko te b'ai ae taekinna te UEA ngke tairiki.” Ao e taku Tauro, “E raoiroi.”

1.Tamuera 15:26

Ao e taku Tamuera, “I aki! Ko aki ongotaeka i roun te UEA, ao n na aki okirikaaki ma ngkoe. Ngkai E a tia te UEA n taku b'a ko nang aki uea i aon Iteraera.”

1.Tamuera 28:18

Ko a tia n aki ongotaeka nakon ana tua te UEA ao ko aki tiringiia ni kabane kaain Amareka ma aia b'ai ni kabane. Ao bon anne ngkai ae E nang karaoia te UEA nakoim.