1.Uea 14:4 - Te B'aib'ara

⁴ E katauraoia ao e nakon ana auti Aiia i Tiro. E a boni kara n te tai aei Aiia ao e a matakii,

1.Uea 14:4 ပူးပေါင်းရင်းမြစ်များ

Karikani B'aai 27:1

Ao e a rangi ni kara Itaaka, ao e a matakii, ao e kawaekoa natina are te karimoa are Etau, ao e taku nakoina, “Natiu!” Ao e kaeka natina, “Aio Ngai!”

Karikani B'aai 48:10

Ao e aki rangi n noraaba matan Iakob'a b'a e a rangi ni kara, ao e a aki kona n taratara raoi. Ao e uotiia ana ataei ni mm'aane Ioteb'a, ao e rab'atiia ma ni kiiti ma ngaiia.

1.Uea 11:29

Ao n te tai teuana ngke e kitana Ierutarem Ieroboam, ao e kaitibo ma Aiia, are te burabeti mai Tiiro.

1.Uea 14:2

Ao e taku Ieroboam nakon buuna. Bita teim b'a a aonga n ae akea ae ataiko b'a buu ngkoe. Ao i mwiina ko na nako Tiro, are e maeka iai te burabeti are Aiia, uoti nakoina tebwina kariki, tabeua keeke aika a uarereke, ana karewe te manibeeru, ao bubutiia b'a e na tuangko te b'ai ae e na riki nakon natira te m'aane. E konaa n tuangko b'a boni ngaia are e tuangai b'a N na riki b'a te uea.

Taian Areru 90:10

Ti itibwi ana ririki ni maiu te aomata, ke tao wanibwi i bukin te matoa ni mauri; Ma iriaia ti te rawaawata ma te aki rau; a kai toki maiura, ti kai nako.

Te Minita 12:3

Ane e na rikirake ni mamaara rab'atam, a na m'aka wiim, ao ane a na keerikaaki korakoran am taratara.

Te Tua-Kaua 34:7

E mate Moote ngke ai 120 ana ririki ni maiu, ao a bon raoiroi naba ana taratara, ao e marurung rab'atana.

Iotua 18:1

Ngke a tia aomatan Iteraera n taua te aba, ao a bane ni ikotaki i Tiro ao a katea ana Um'antabunrianna ni kaota memenana iai.

1.Tamuera 3:2

E aki tataetae te UEA nakoia aomata ni boong akekei, ao E aki naba rangi ni kakaoti nakoia aomata n te mii. Ma n te tairiki teuana, e matu Eri n ana ruu,

1.Tamuera 4:15

ma e ongongo tangiia aomata ni kabane ngke a tang, ao e taku, “Tera te karongoa arei?” Ao e kawaekoa te tautia arei ni kawara Eri ao e taku nako ina,