1.Uea 14:23 - Te B'aib'ara

²³ A boni karaoi naba oin aia baangota, ma taamnein anti Ianena n taian atiibu, ao a katei bouannanti i bukin taromaurian te anti are Nei Aatera i aon taian tabuki ao i aan nuun kaai aika a korakora.

1.Uea 14:23 ပူးပေါင်းရင်းမြစ်များ

1.Uea 12:31

Ao e karaoi taabo n taromauri aika a uarereke n taian baangota. Ieroboam, ao e rineia m'aane aika akea rekerekeia ma te baronga are Rewi b'a a na m'akuri b'a ibonga.

1.Uea 14:15

A tia aomatan Iteraera ni kauna te UEA ngke a katei bouanantin Nei Aatera. E na katuaaia te UEA ni karokoa a ioaki kaanga uteute i nanon te karaanga. E na uotia nako mai i aon te aba are E anganira ngkoa aia bakatibu, ao E na kauamaaeia ni karokoa te Karaanga are Iuberetiti.

1.Uea 15:12

E kanakoia ainen matawaan taiani baangota ni kanakoia man te aba, ao e kamaunai bannan anti ake a karaoi ngkoa ana bakatibu.

1.Uea 20:23

Ao a m'ananga ana taani kairiiri Benatata ni kawara Benatata ao a kab'arab'ara aia iango ni kaangai: Bon antin aoni maunga atuaia Iteraera. Ti konaaki irouia i bukina ngke ti buakaniia i aon taian tabuki. Ma ngkana ti buakaniia i aon te tabo ae e boraoi, ao ti na bon aki konaa ni konaaki.

1.Uea 3:2

Ao n te tai anne, bon akea te Tembora i bukin taromaurian te UEA, ao a bane aomata n angaanga karea n taiani baonikarea aika kakaokoro.

1.Uea 3:3

E tangira te UEA Toromon, ao e iriiri ana kaetieti ni kabane tamana ae Tawita, ma e anga naba te karea ma te karea are e boiarara i aon taiani baangota.

2.Uea 10:26

ao a kaotinakoa bannan B'aara. A kabuokia,

2.Uea 16:4

E angaanga karea Aati n taiani baangota, ao ai uana naba ma taian tabuki, ao i aan nuuni kaai aika a buubura.

2.Uea 17:16

A aki ongotaeka Iteraera nakon ana Babaaire te UEA ae Atuaia ni kabane. A karaoi uoua bouananti aika koora, aika katotoongan te kaoteteei, ao a katei baangotan Nei Aatera, a taromauri naba taiani itoi, ao te anti are B'aara.

2.Uea 17:19

ma a bon aki ongotaeka nakon ana babaaire te UEA, ao a karaoi naba aia m'akuri Iteraera.

2.Rongorongo 24:18

Ni bon te tai arei, ao a katoka taromauriia n ana Tembora te UEA ae te Atua kaain Iuta, ao a moana taromauriaia taian bouannanti ao bannan te anti are Nei Atera. Aikai m'akuri aika a buakaka aika e rangi n un iai te UEA ae te Atua irouia kaain Iuta ao Ierutarem,

2.Rongorongo 28:4

E angakarea, Aati ni baangotan te aba ao ai uana naba ma aon taian tabuki ao nuun taian aroka aika a buubura.

Te Otinako 34:13

Kam na onea mwiin anne n urua aia baonikarea ma ni kamaeei taian boua ake a tabu

Itaia 57:5

Ti te b'ai ae kam iaiangoia bon te wene ni bure i aan taian aroka aika a mawaawa aikai ike a mena iai ami bouannanti aika kam taataromauri. Kam kareaniia natimi i aon taiani baonikarea ake a karaoaki i nanon taian m'arua i aan nanganangan b'aa.

Ieremia 17:2

A a tia ni katei taian baonikarea ni beekan te roro teuana i mwiin te roro teuana ao a taromauriia te anti are Nei Atera n taabo nako i aon abami, i aon taian tabuki ao taiani maunga, ao i aan aroka aika a korakora.

Ieremia 2:20

Kam kiitanai n taai ake ngkoa ao kam urui taiani kabae ni kabane ake i marenara, kam rawa n riki b'a Au taani m'akuri. Ao ngkai kam a taromaurii anti tabem'aang n aromi ni wene ni bure i aon taian tabuki ke i aan nuuni kaai aika a korakora.

Ieremia 3:13

Kam na ti kaotia raoi b'a kam bon kamangao ao kam taromaurii antiia ianena i aan kaai aika a korakora n taabo n aki akaaka.

Etekiera 6:13

Aikai aomata ake a aki toki n angaanga te b'ai ni kaboiarara nakoia taian bouannanti n taian baonikarea ake a karaoaki i aon taian tabuki ke taberan maunga ao i aan nuun kaai aika taian oke. Ma ngkana a nooria aomata aika a mate i rarikin taian baonikarea, ao ane a na ataai iai b'a bon te UEA Ngai.

Etekiera 6:3

Kam na ongora, ngkami aika maunga ma tabuki ao taiani m'arua nako ma karaanga aika a uarereke! N nang kaitaraingkami Ngai ae te UEA ma ni kamanatuaingkami taabo ni bane ike a taromauriaki iai antiia ianena.

Etekiera 6:6

A na bane n uruakaki kaawa nako i aon Iteraera b'a e aonga ni kakoauaki b'a a bon bane n uruaki taian baangota, bouannanti, ao taian baonikarea, a na bane b'aai aika a tia ni karaoi Iteraera n riki b'a b'ariko ni b'ai aika a uruaki.

Otea 10:1

Bon te kai te kureebe ngkoe ae e onrake ni uaana. Ma m'aitin riki uaana bon m'aitin naba te baonikarea ae ko karaoia; raoiroin rokom bon raoiroin te oota are ko karikia i bukiia antiia beekan.

Nakoaia Ibonga 26:1

E taku te UEA, “Boni Ngai te UEA ae Atuami. Ma ngaia are, tai karaoa ke n taromauria te bouannanti teuana ke katotoongan b'aai tabeua.

Mika 5:14

N na kab'akai bannan te atua n aine are Nei Aatera akana i abam, ao N na urui am kaawa nako.

Te Tua-Kaua 12:2

Ma a taromaurii atuaia tabeman botannaomata ake a maeka ikekei. Ma ngaia are, ngkana kam tia n taua te aba, ao kam na kamaunai ni kabane aia tabo n taromauri--ake i aoni maunga ao taian tabuki, ke ake i aan nuun kaai aika korakora.

Te Tua-Kaua 16:22

Ao kam na aki naba katei taian baangota. E rangi n ribaai baikai te UEA.