1.Uea 13:34 - Te B'aib'ara

³⁴ Ao bon aei te bure ae e rangi n rawawata are e a karika b'akan abanueana.

1.Uea 13:34 ပူးပေါင်းရင်းမြစ်များ

1.Uea 12:26

Ao e tabe ni iango Ieroboam n te bong teuana ao e taku, A teimatoa ni babane nako Iteraera nakon te Tembora are i Ierutarem man anga aia karea nakon te Uea. E na bon riki b'a te kaangaanga teuana ngkana a manga moana aia kakaonimaki nakon Tawita. A na tiringai man riki b'a ana aomata Roboam b'a aia uea.

1.Uea 14:1

Ao ni bon te tai naba arei, ao e a aoraki natin Ieroboam te m'aane are Abiia.

1.Uea 14:10

Ao i bukin aei, ao N na kamaunaa am utu n tiringiia m'anena ni kabane ma ataei ni m'anena, aika tooro ke aika inaomata. N na kamaunaa am utu, n aron te ai ngkana e kabuoka te maange.

1.Uea 14:11

E na kang rab'ataia am koraki ake a mate n te kaawa, taiani kamea, ao e na kang rab'ataia ake a mate i tinanikun te kaawa taian ikare ake taian kia. Aei bon Au taeka Ngai ae te UEA, ao N na bon aki manga bita nanou.

1.Uea 14:16

E tuuriia Iteraera ana bure Ieroboam, ao a riki b'a taani bure Iteraera iai. Ma ngaia are, E nang kamaunaa Iteraera te UEA.

1.Uea 14:7

Ko na tuanga buum te rongorongo aei, ae e roko mai roun te UEA ae Atuan Iteraera. Ko bon ataai Ieroboam b'a boni ngai ae te UEA ae I rineiko mai buakoia aomata b'a ko na tia kairiiri i aon au Aomata ae Iteraera.

1.Uea 15:25

Ao e uea Nataba are natin Ieroboam i aon Iteraera n ana kauoua n ririki ni uea Ata i aon Iuta, ao e uea i nanon uoua te ririki.

1.Uea 15:26

Ao e aki ongotaeka Nataba nakon te UEA ngke e karaoa naba katotongan ana m'akuri ae e buakaka tamana, are e a tia ni karekeia Iteraera n te bure.

1.Uea 21:22

A na kamaunaaki ni kabane am utu, n aron ana utu te uea are Ieroboam ao te uea are Baatia. Ko a tia n rangi ni kauna te UEA n am bure ao ko karekeia Iteraera n te bure.

2.Uea 10:29

Ma e aki katoka taromaurian bouanantin te kaoteteei ae te koora i Taan ao Betaera, are e a tia ni kateia Ieroboam b'a e na taromauriaki irouia aomata.

2.Uea 10:31

Ma e aki kakaonimaki Ieu nakon ana Kaetieti te UEA ae Atuan Iteraera. B'a e a manga teimatoa ni karaoi b'aai ake e karaoi naba Ieroboam are e kairiia iai Iteraera nakoni karaoan te bure.

2.Uea 17:21

I mwiina, ngke E a tia ni kaokoroa Iteraera ma Iuta, ao Iteraera a rinea te m'aane are Ieroboam are natin Nebata b'a aia uea i aon Iteraera Meang. E kareketatiia Iteraera Ieroboam ni karaoan te bure korakora i matan te UEA.

Taeka n Rabakau 13:6

Maiu i nanon te koaua, ao kam na maiu! Ma e na uruana arom te bure.

Ieremia 28:16

Ai ngaia are E taku te UEA b'a e na baairea taekam. Ko na mate i m'aain banen te ririki aei i bukina ngkai ko a tia tuangiia aomata b'a a na kakaitaraa nanon te UEA.”

Otea 10:8

A na uruakaki taian baonikarea ake i Betaera are e bure korakora i bukin karekean Iteraera n te bure; a na rabunaki nako n aroka aika a kateketeke ao taian aroka aika a kateketeke baaia. Ao ane a na bane aomata ni butiia taian maunga ma taian tabuki b'a a na rabuniia ma ni kaawakiniia.