1.Uea 13:18 - Te B'aib'ara

¹⁸ Ao e taku te burabeti are e a kara, “Bon te Burabeti naba ngai. E tuangai ana anera te UEA b'a n na kairiko nakon au auti ma n anganiko te am'arake ma te mooi.” Ao e aki ataia te burabeti mai Iuta are e kewe te burabeti are e a kara,

1.Uea 13:18 ပူးပေါင်းရင်းမြစ်များ

Karikani B'aai 27:24

ao e a manga titirakinna riki, “Bon Etau raoi ngkoe?” Ao e taku, “Eng!”

Karikani B'aai 3:13

Ao E a manga titirakina neierei te UEA ae te Atua ni kaangai, “E aera ngkai ko karaoa aei?” Ao e kaeka neierei ni kaangai, “E kam'aneai te naeta b'a N na kanna.”

1.Uea 13:19

ma ngaia are, e a iria nakon ana auti ao e a am'arake ma ni mooi.

1.Uea 20:35

Ao n te tai aei e a tuangaki te burabeti iroun te UEA b'a e na kaangai nakon raoraona, “Oreai.” Ma e rawa raoraona arei n oreia,

1.Uea 22:22

Ao e taku, “N na karaoia ana burabeti b'a a na kewe nakoina.” Ao E taku te UEA, “E raoiroi. Ko na nako ngkai ni karaoa anne.”

Taeka n Rabakau 12:19

Bon akea tokin te koaua, a na bon waekoa n ataaki taiani kewe.

Taeka n Rabakau 12:22

E ribaia taani kewe ni kabane te UEA ma bon raoraoia aomata ni kabane aika a onimakinaki.

Taeka n Rabakau 19:5

A bon aki konaa ni biri nako ma te katuaaeaki taani kakoaua aika a aki taekina te koaua ma taan b'anganikewe.

Itaia 36:10

Kam na aki m'aninga are bon te UEA ae e kanakomaiai b'a N na tiringiia ami botannaomata!

Itaia 9:15

Bon atuuia taan tautaeka, ao bukibweeia bon taiani burabeti ni kewe.

Ieremia 23:14

Ao kam rangi ni buakaka riki ngkami burabetin Ierutarem. Kam aki kakaonimaki nakon tuan ami mare ao kam aki konaa n taekina te koaua. Ao kam bon kairiia naba tabem'aang nakon te bure ngke kam bon riai ni buokiia ni kaokiia nako iu. Ngkami ma kaain Ierutarem ti te bo ami m'akuri aika a buakaka ma Totom ao Komora.

Ieremia 23:17

A m'ananga burabeti aikai nako ia aomata ake a rawa ni karineai aika a taningabono aika a bon karaoi b'aai ake a bon tangiri. A kaangai burabeti nako ia, E a tia ni berita te UEA b'a a na nako raoi b'aai nako.”

Ieremia 23:32

Kakauongo nakon te b'ai ae N na taekinna Ngai are te UEA! I kaaitaraia burabeti aika a taekin miia aika a on n taian kewe. A taekin taian mii aikai ao a kairiia aomata nako n aia kewe ma aia kainikatonga. I bon aki kanako ia ke n tuangiia b'a a na nako, ao bon akea te buoka ae e konaa n reke mairouia. Bon aei Au taeka Ngai ae te UEA.”

Ieremia 29:31

nako ia kaain Iuta ake a uotaki nako B'aburon. I koreia i nanon te reta aei te b'ai are e taekinna te UEA: Bon te UEA Ngai ae I aki rinea Temaia b'a e na riki b'a temanna te burabeti, ao e kam'aneingkami ngke e keweingkami n arau.

Ieremia 29:32

E a tia n taetae nako imi b'a kam na aki ongotaeka nako iu. Ma ngaia are, N na katuaaea Temaia. Ngaia ma ana kariki a na kaai n aki noora te b'ai ae e raoiroi ae N na karaoia nako ia Au aomata. Bon aei Au taeka Ngai ae te UEA.

Ieremia 5:12

A b'anganikewe aia burabeti ao a taku, “E aki konaa ni katuaaira te UEA. Ti na maeka ma te rau ao a na m'aiti karara.”

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Etekiera 13:22

A karaoi b'aai aika N na bon aki karaoi. A keweia aomata aika a raoiroi ao a kaungaia b'a a na karaoi m'akuri aika a kaairua, ao a anai nanoia aomata aika a buakaka b'a a na teimatoa ni karaoa te bure ma ni kaburei toroni maiuia.

Etekiera 13:8

Ma ngaia ae N nang katuaaia burabeti aika a b'anga ni kewe aikai i bukin burebureaia Iteraera n aia rongorongo aika a kaairua.

Warekaia Iteraera 22:35

Ao e kaeka ana anera te UEA ni kaangai, “E raoiroi b'a ko na nako, ma ko na ti kona n taekin baika N na tuangko.” Ma ngaia are, e a airi nako B'araam ma ana aobitia B'araka.

Mataio 24:24

B'a ane a na kaoti taiani Kristo ni kewe ma burabeti ni kewe, ao ane a na kaoti kanikina aika ab'ab'aki ma b'aai ni kamimii, b'a a na burebureia ana aomata te Atua ake E a tia n rineia, ngkana a konaiia.

Mataio 7:15

Kam na kawakiningkami mairouia burabeti ni kewe, akana nako imi ni bakaaea te nimamannei kaanga ai aroia tiibu, ma bon aroia kameanti aika tiritiri ni koaua uakekei.

I-Rom 16:18

B'a a aki toro iroun ara UEA are Kristo aomata aika aroia akanne, ma a m'akuri i bukini birotoia. A bureburei nanoia aomata aika a kai rairaki aia iango n aia taeka aika kareke nano ao n aia taeka ni karang.

2.I-Korinto 11:3

Ma I maaku b'a a kawa n anaaki nanomi, n ai aron Nei Ewa ngke e m'am'anaki n nanowanawanan te naeta, ao kam kitana aromi n reitaki ma Kristo ae nako raoi ma n itiaki.

I-Karatia 1:8

Ma ngkana tao ngaira ke te anera mai karawa, ae e na taekina te euangkerio riki teuana i rarikin are ti taekinna nakoimi, ao ke e reke kaina.

1.Timoteo 4:1

E taetae te Tamnei are Raoiroi ni kaotia raoi b'a ni boong aika kabanea ni boong, ao bon iai tem'aangina aika na kaaka taekan te onimaki; ao ane a na iri nanoia tamnei aika bureburea te aba, ma aia reirei taimonio,

1.Timoteo 4:2

aika nako mairouia taani kewe aika m'am'anaa te aba, aika mate mataniwin nanoia b'a kanga mwini kabuokaia n te biti ae kabuebue;

2.Betero 2:1

Ma bon iai burabeti ni kewe i buakoia aomata ngkekei, ao ai bon arona naba b'a a na iai i buakomi taan reirei ni kewe, aika a na kaoti n te aro ni karaba ao ana uoti taiani koaua aika kairua aika na urua te onimaki, ao a na kakeaa te Toka are kainaomataia; ao n te aro aei a na karoko mateia iai ni waekoa.

1.Ioane 4:1

Ngkami aika kam tangiraki, kam na tai iri nanoia tamnei ni kabaneia, ma kam na neneri aroia ni kakoauai b'a tao mairoun te Atua ke tiaki: b'a a bati burabeti ni kewe aika a tia ni waki n aia m'akuri i aonnaba, ao ae a boni waki naba ngkai.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

Tani Motiki-taeka 13:3

ma n te tai teuana E kaoti Ana anera te UEA nakoina ao e taku: E tuai man reke natim, ma n te tai ae aki maan ao ko na bikoukou ao e na reke natim te m'aane. E na riki b'a Ana b'ai te Atua man te tai are e moani bungiaki iai, ma ngaia are, e na aki kokoreaki iran atuuna. Ao i m'aain naba bungiakina, ao ko na aki momooi n te wain ke te biia ke ni kang am'arake aika tabuaki kanakiia n aron ake n ana Tua te Atua. E na moana kainaomataia Iteraera natim te m'aane mai rouia kaain Biritia.