1.Uea 12:26 - Te B'aib'ara

^26-27 Ao e tabe ni iango Ieroboam n te bong teuana ao e taku, A teimatoa ni babane nako Iteraera nakon te Tembora are i Ierutarem man anga aia karea nakon te Uea. E na bon riki b'a te kaangaanga teuana ngkana a manga moana aia kakaonimaki nakon Tawita. A na tiringai man riki b'a ana aomata Roboam b'a aia uea.

1.Uea 12:26 ပူးပေါင်းရင်းမြစ်များ

1.Uea 11:38

N na buokiko ngkana ko ongotaeka irou, ao ngkana ko karaoa naba te b'ai ae I tuangko n aron are e karaoia Au tia m'akuri are Tawita. N na teimatoa ni kakauea temanna ma am utu b'a e na uea i aon Ierutarem. E na riki te botannaomata ae Iteraera b'a am b'ai.

1.Uea 12:25

Ao e a manga katea Tekem i Eberaim Ieroboam mani karikiia b'a te kaawa ae e matoatoa riki nakon are mai i m'aaina, ao i mwiina e a m'aing nako ikekei. E nonoa naba te kaawa are Benuera.

1.Uea 15:17

Ao n te tai teuana, e a niniia Iuta uean Iteraera are Baatia man taua te kaawa are Ram'a. Ao e a moana kamatoaan riki te kaawa, n te aro b'a e aonga ni konaa ni kamenakiia ana tautia ikekei n te aro b'a a aonga n toki aomata man te rin ao te otinako mai Iuta.

2.Uea 13:2

ao e aki ongotaeka iroun te uea ngke e karaoa te m'akuri ae e kaairua. E aki toki ni katotoonga Ieroboam, are e a tia ni kairiia Iteraera nakon te bure.

2.Rongorongo 20:20

N te moan ingabong are i mwiina, ngke a katauraoi aomata nako b'a a na nakon te rereua are i rarikin Tekoa, ao e teirake Ieotiab'ata ao e taku, “Kam na ongora raoraou nako, ngkana ti kakoauaa te UEA ae te Atua ma n onimakinna ni b'aai ni kabane aika a taekin taian burabeti aikai nakoira, ao E na buokira te UEA, ao ti na bon tokanikai.”

Taian Areru 14:1

Bon ti te aomata ae e nanobaba ae e kona ni kaangai, “Akea te Atua.” Akea bonganaia aomata aikai; Akea irouia ae karaoa ae e raoiroi, ao akea te raoiroi i nanoia.

Taeka n Rabakau 14:12

Kam na taku b'a kam mena n te kawai ni koaua ao ngaia kam a toki n te mate.

Itaia 7:9

Ma i mwiin ae e aki raka riki nakon onobwi ma nimaua te ririki, ao e na mauna Iteraera. Ao a na konaaki Aati ma ana mataniwi ngkana a aki onimakinai.

Ruka 7:39

Ao te B'aritaio are kaoa Iesu, ngke e nora te baerei, ao e taku i nanona, “Ngke arona b'a te burabeti Teuaei, ao E na kaman ataia b'a antai te aine aei, ae riingnga, ao arona, b'a te aine ae buakaka.”

Ioane 12:19

A i taetae ngkanne B'aritaio i rouia, ni kaangai, “Kam noria b'a akea te bae kam kona ni karaoia; noria, e a bane n nako te aba n iria.”

1.Tamuera 27:1

E taku Tawita i bon i rouna, “E na bae n tiringai Tauro i nanoni boong aikai. E raoiroi riki irou ngkana I biri nako Biritia. Ane e na kakaaeai Tauro i aon Iteraera ao N na bon maiu iai mai rouna.”