1.Uea 12:24 - Te B'aib'ara

²⁴ “Kam na aki nako ni buakaniia aomatan Iteraera-bon ami koraki. Nako okirii mwengami. Bon te UEA ngai, ao I bon kariki baikai.” Ao e ongo taeka Roboam ma ana taanga ni buaka, ao a okirii mwengaia.

1.Uea 12:24 ပူးပေါင်းရင်းမြစ်များ

Karikani B'aai 24:50

Ao a kaeka Raab'an ma Betuera ao a taku, “Ngkai e bon roko te baei mairoun te UEA, ao bon akea ara b'ai ni baireia.

1.Uea 12:15

Ao ngke a ataia aomata b'a e aki kan ongo Reoboam irouia ao a takaarua ni kaangai, Ti na aki kakaonimaki nakon ana utu Tawita. Ti a kona ni karaoa are ti bon tangiri, nakomai Iteraera. Ti a okira mwengara. Ke e bon tautaekaniia ake bon oin ana botannaomata Reoboam. E mataniwi Atoram i aoia reib'a ake a kam'akuraki ma te matoa, ao e kanakoaki iroun Roboam b'a e na taetae nakoia aomata. Ma a karebanaia aomata n te atibu ni karokoa matena, e a manga birinako Roboam nakon ana kaa ni buaka ao e kawaekoaa n okira Ierutarem. Ma ngaia are, a okira mwengaia aomatan te baronga are meang mai Iteraera, ao a katuka Roboam b'a e na tii tautaekaniia kaain te kaawa are Iuta. Ao a teimatoa aomatan Iteraera ni moa man te bong anne ni kakaitaraa ana utu Tawita i Iuta. A bane n riki b'aai aikai n aron are e tia n tuanga Ieroboam ana burabeti te uea are Aiia.

1.Uea 12:25

Ao e a manga katea Tekem i Eberaim Ieroboam mani karikiia b'a te kaawa ae e matoatoa riki nakon are mai i m'aaina, ao i mwiina e a m'aing nako ikekei. E nonoa naba te kaawa are Benuera.

1.Uea 14:30

A aki toki ni bubuaka ngaia ma Ieroboam.

2.Rongorongo 11:4

“E kauringko te UEA b'a ko na aki nako ni buaka ni kaaitaraia barongan meang b'a bon ami koraki. Kam riai n okiri mwengami! Bon te UEA ae e kariki baikai.” Ao a ongotaeka Reoboam ma ana taanga ni buaka nakon ana rongorongo te UEA ao a aki buakaniia Ieroboam ma ana taanga ni buaka.

2.Rongorongo 22:7

Bon i nanon te kaaitibo anne are E a tiringa iai Aatia te Atua. Ngke e roko Aatia i Ietireera, ao e nako ma Ioram ni kaaitibo ma Ieu are tibun Nimti te m'aane. E a kaman tuanga Ieu te UEA b'a e na tiringiia m'aane ni kabane aika ana utu Aaba,

2.Rongorongo 25:10

Ao e tuangiia taani taanga ni buaka Amatia b'a a na okiri mwengaia, ma ngke a oki ao a rangi ni un irouia kaain Iuta.

Otea 8:4

Kam rineia taiani uea ma taan kairiiri ao kam aki moa kaetai; Kam karaoi taian bouannanti man te tirewa ma te koora ake a karika b'akami.

Warekaia Iteraera 14:42

ma ngaia are, kam na bon riai n aki manga kataia ni karaoia. E aki kani manga buokingkami te UEA, i bukina ngke kam a tia n tannako mai Rouna.

Tani Motiki-taeka 14:4

N taai akanne, a tautaekanaki Iteraera irouia kaain Biritia, ao E karaoa aei te UEA b'a E na karekea te mangao i marenaia. Ao bon anne bukina are E karaoa iai Tamton b'a e na tangira te aine arei.