1.Uea 12:20 - Te B'aib'ara

²⁰ Ao ngke a ongo Iteraera ae e a oki Ieroboam, ao a butiia aomata ni kabane b'a a na boowi. Ao i mwiina ao a kanaanako wetean Ieroboam ao a karikia b'a uean Iteraera. Bon tii kaain te baronga are Iuta ae e teimatoa ni kakaonimaki nakon ana utu Tawita.

1.Uea 12:20 ပူးပေါင်းရင်းမြစ်များ

2.Tamuera 20:2

Ma ngaia are, a aki ira Tawita ao a m'ananga nako ma Tieba. Ma a bon tiku i rarikin Tawita kaain Iuta ni moa man te Ioretan nako Ierutarem.

1.Uea 11:13

Ngkana I karaoa aei, ao N na anganna naba teuana te baronga b'a e na tautaekanna, i bukin au tia m'akuri are Tawita, ao i bukin naba Au kaawa are Ierutarem.

1.Uea 11:26

Boni kaain te kaawa ae Tereta i Eberaim teuae Ieroboam. E a tia ni mate tamana are Nebata, ma e boni maiu tinana are Nei Terua. Bon temanna naba ngaia ana aobitia Toromon, e ngae ngke e aki toki ni kakaitaraa Toromon.

1.Uea 11:32

Ma e na bon tiku teuana te baronga b'a e na tautaekanna Toromon i bukina ngke bon natin Tawita are au tia m'akuri, ao i bukina naba ngke Ierutarem are te kaawa ae e rineaki.

1.Uea 11:35

Ao i mwiina, N na anganiko te bwiina te baronga b'a kona tautaekani,

1.Uea 11:36

ma e na teimatoa natin Toromon te m'aane n tautaekana teuana te baronga. Ao e na teimatoa iai ana kariki Tawita are au tia m'akuri n tautaeka i Ierutarem, te kaawa are I tia n rineia b'a te tabo are N na taromauriakaki iai.

1.Uea 11:37

Ko na riki b'a uean Iteraera, ao ko na tautaekaniia botannaomata ni kabane ake ko bon tangiriia.

2.Uea 17:21

I mwiina, ngke E a tia ni kaokoroa Iteraera ma Iuta, ao Iteraera a rinea te m'aane are Ieroboam are natin Nebata b'a aia uea i aon Iteraera Meang. E kareketatiia Iteraera Ieroboam ni karaoan te bure korakora i matan te UEA.

Otea 11:12

E b'anga ni kewe Iteraera nako iu, Ngai ae Atuaia ae kakaonimaki ma n tabu; a otab'aniniai n aia kewe, ao e taromauri anti tabem'aang Iuta.

Otea 8:4

Kam rineia taiani uea ma taan kairiiri ao kam aki moa kaetai; Kam karaoi taian bouannanti man te tirewa ma te koora ake a karika b'akami.

1.Tamuera 10:24

Ao e taku Tamuera nakoia aomata, “Karaua n tara te aomata ae a tia n rineia te UEA! Bon akea te aomata ae ai arona!” Ao a takaarua aomata, “E na anaanau maiun te uea!”