1.Uea 12:15 - Te B'aib'ara

^15-19 Ao ngke a ataia aomata b'a e aki kan ongo Reoboam irouia ao a takaarua ni kaangai, Ti na aki kakaonimaki nakon ana utu Tawita. Ti a kona ni karaoa are ti bon tangiri, nakomai Iteraera. Ti a okira mwengara. Ke e bon tautaekaniia ake bon oin ana botannaomata Reoboam. E mataniwi Atoram i aoia reib'a ake a kam'akuraki ma te matoa, ao e kanakoaki iroun Roboam b'a e na taetae nakoia aomata. Ma a karebanaia aomata n te atibu ni karokoa matena, e a manga birinako Roboam nakon ana kaa ni buaka ao e kawaekoaa n okira Ierutarem. Ma ngaia are, a okira mwengaia aomatan te baronga are meang mai Iteraera, ao a katuka Roboam b'a e na tii tautaekaniia kaain te kaawa are Iuta. Ao a teimatoa aomatan Iteraera ni moa man te bong anne ni kakaitaraa ana utu Tawita i Iuta. A bane n riki b'aai aikai n aron are e tia n tuanga Ieroboam ana burabeti te uea are Aiia.

1.Uea 12:15 ပူးပေါင်းရင်းမြစ်များ

Karikani B'aai 24:50

Ao a kaeka Raab'an ma Betuera ao a taku, “Ngkai e bon roko te baei mairoun te UEA, ao bon akea ara b'ai ni baireia.

2.Tamuera 17:14

Ao a kukurei riki Abetarom ma aomata nako n ana iango Utiai nakon ana iango Aitobera. E riki aei b'a E karaoa ana iango Aitobera te UEA b'a e na aki b'ai b'a e aonga n reke te kangaanga nakon Abetarom.

1.Uea 11:11

ao E taku nakon Toromon, Ko boni karaoa ae ko tangiria, ao ko aki karaoa are I tuangko. Ma ngaia ae ngkai N nang anaa abanueam mai iroum, ao N na angan temanna mai buakoia am aobitia.

1.Uea 12:24

“Kam na aki nako ni buakaniia aomatan Iteraera-bon ami koraki. Nako okirii mwengami. Bon te UEA ngai, ao I bon kariki baikai.” Ao e ongo taeka Roboam ma ana taanga ni buaka, ao a okirii mwengaia.

1.Uea 22:23

Bon aei te b'ai ae e riki Aaba. E karaoia am burabeti ni kabane b'a a na keweiko, ao E ataia b'a ko nang mate n te tai ae e waekoa.

2.Uea 10:10

Ongora irou. A na riai ni bane ni koro bukin ana berita ana toro te UEA are Eria i bukiia ana utu Aaba.”

2.Uea 9:36

A tuanga Ieu taekani baikai, ao e taku Ieu, “E tuangaki ngkoa Eritai iroun te UEA b'a e na kanaki rab'atan Nei Ietebera irouia kamea i Ietireera ikai.”

2.Rongorongo 10:15

Ao ngke a ataia aomata b'a e aki kan ongo Reoboam irouia, ao a takaarua ni kaangai, “Ti na aki kakaonimaki nakon ana utu Tawita.

2.Rongorongo 22:7

Bon i nanon te kaaitibo anne are E a tiringa iai Aatia te Atua. Ngke e roko Aatia i Ietireera, ao e nako ma Ioram ni kaaitibo ma Ieu are tibun Nimti te m'aane. E a kaman tuanga Ieu te UEA b'a e na tiringiia m'aane ni kabane aika ana utu Aaba,

2.Rongorongo 25:16

Ma I m'aain banen ana taeka te burabeti, ao e a kamangaoa naba Amatia man taku, “Bon tiaki ngkoe ara tia iango temanna! Ko na aki manga taetae, b'a I kaawa n tiringko.” E toki ana taeka te burabeti. Ao e a manga taku, “Ko karaoa te bure, ao ngkai ko a manga aki kan ongo n au kauring, E bon rangi n teretere raoi b'a e nang katuaaeko te Atua!”

2.Rongorongo 25:20

Ma e karika Amatia te UEA b'a e na taningabono i bukina ngke e nang iangoa katuaaeana i bukina ngke e taromauri antiia kaain Etom. E rawa Amatia n ongo n ana kauring Ieoaati,

Taian Areru 5:10

Te Atua, katuaaia; ao karika b'akaia boni man aia babaire. Kakionakoia mai matam i bukin aia bure aika a bati ma aia kakaitara nakoim.

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Amota 3:6

Ana kona n aki maaku aomata ngkana e tang te bu ni kaota buakanakin te kawa? Ana kona n roko buaka n orea te kaawa ngkana e aki karokoa te UEA?

M'akuri 2:23

E a kaman tia ni baireia te Atua, ao E a kaman ataia naba, ae E na tauaki Iesu nakoimi, ao kam kamatea, b'a kam anga nako nanoni baiia aomata aika riri aon te tua, b'a a na tauria n te kaibangaki;

M'akuri 3:17

Ma ngaia aei, raou, I ataia b'a te baere kam karaoia ma ami mataniwi nakon Iesu, kam karaoia ma te aki oota.

M'akuri 4:28

B'a a na karaoi b'aai ni kabane ake Ko a tia ni bairei ni m'aakam ma nanom b'a a na karaoaki.

Te Tua-Kaua 2:30

Ma e rawa Taion ni kariaia b'a ti na ri nanon abana, i bukina b'a E boni karikia te UEA b'a e na taningamatoa, ma ni ingainga ni kan buakaniira.

Tani Motiki-taeka 14:4

N taai akanne, a tautaekanaki Iteraera irouia kaain Biritia, ao E karaoa aei te UEA b'a E na karekea te mangao i marenaia. Ao bon anne bukina are E karaoa iai Tamton b'a e na tangira te aine arei.

1.Tamuera 15:29

Ao i rarikin anne, bon tiaki te aomata Atuaia Iteraera ae akea tokina E aki taetaekina te kewe ke ni bibitaki nanona.”