1.Uea 11:31 - Te B'aib'ara

³¹ Ao e taku nakon Ieroboam, “Anai tebwina te m'akorokoro man te kunnikai aei, ao kakauongo nakon te b'ai ae E na taekinna te UEA ae Atuan Iteraera nakoim. Ieroboam bon te UEA ae Atuam Ngai, ao N nang anaa abanuean Toromon mai i rouna, ao N nang anganiko mai iai tebwiina te baronga b'a ko na tautaekani.”

1.Uea 11:31 ပူးပေါင်းရင်းမြစ်များ

2.Tamuera 19:43

Ao a taku ake mai Iteraera, “Bon ara b'ai te uea ae Tawita tebwiina okiokin b'ainakina iroumi. E aera ngke kam aki kainanoa buokami mairoura? Ao bon ngaira ae ti moan iangoa kaokan Tawita!” A buakaka riki aia taeka kaain Iuta nakoia Iteraera.

1.Uea 12:15

Ao ngke a ataia aomata b'a e aki kan ongo Reoboam irouia ao a takaarua ni kaangai, Ti na aki kakaonimaki nakon ana utu Tawita. Ti a kona ni karaoa are ti bon tangiri, nakomai Iteraera. Ti a okira mwengara. Ke e bon tautaekaniia ake bon oin ana botannaomata Reoboam. E mataniwi Atoram i aoia reib'a ake a kam'akuraki ma te matoa, ao e kanakoaki iroun Roboam b'a e na taetae nakoia aomata. Ma a karebanaia aomata n te atibu ni karokoa matena, e a manga birinako Roboam nakon ana kaa ni buaka ao e kawaekoaa n okira Ierutarem. Ma ngaia are, a okira mwengaia aomatan te baronga are meang mai Iteraera, ao a katuka Roboam b'a e na tii tautaekaniia kaain te kaawa are Iuta. Ao a teimatoa aomatan Iteraera ni moa man te bong anne ni kakaitaraa ana utu Tawita i Iuta. A bane n riki b'aai aikai n aron are e tia n tuanga Ieroboam ana burabeti te uea are Aiia.

1.Uea 14:2

Ao e taku Ieroboam nakon buuna. Bita teim b'a a aonga n ae akea ae ataiko b'a buu ngkoe. Ao i mwiina ko na nako Tiro, are e maeka iai te burabeti are Aiia, uoti nakoina tebwina kariki, tabeua keeke aika a uarereke, ana karewe te manibeeru, ao bubutiia b'a e na tuangko te b'ai ae e na riki nakon natira te m'aane. E konaa n tuangko b'a boni ngaia are e tuangai b'a N na riki b'a te uea.

1.Uea 14:8

I bon anaa naba abanuean Tawita mai irouia ana utu ao I anganiko. Ma ko bon aki katotonga Au tia m'akuri are Tawita. E rangi n ongotaeka n taai nako irou, ao e kakaraoa ae e eti.

2.Uea 17:21

I mwiina, ngke E a tia ni kaokoroa Iteraera ma Iuta, ao Iteraera a rinea te m'aane are Ieroboam are natin Nebata b'a aia uea i aon Iteraera Meang. E kareketatiia Iteraera Ieroboam ni karaoan te bure korakora i matan te UEA.

2.Rongorongo 10:15

Ao ngke a ataia aomata b'a e aki kan ongo Reoboam irouia, ao a takaarua ni kaangai, “Ti na aki kakaonimaki nakon ana utu Tawita.

1.Tamuera 15:27

Ao ngke a taonnako Tamuera, ao Tauro e rawea niiniiran Tamuera, ao e raeuaaki!

1.Tamuera 15:28

Ao e taku Tamuera, “E a tia te UEA ni bwenaua te tautaeka ni Iteraera man anaia mairoum n te bong aei, ao E na anga nakon temanna ae raoiroi riki nako im.