1.Uea 11:23 - Te B'aib'ara

²³ Ao aei aron te UEA ni karika Retom are natin Eriata b'a ana kairiribai Toromon. E a tia ni biri nako Retom mai iroun ana toka, are Atatetera are uean Toba.

1.Uea 11:23 ပူးပေါင်းရင်းမြစ်များ

2.Tamuera 10:8

Ao a otinako ana taanga ni buaka Ammon ao a katauraoi nakon te buaka i matan mataroan aia kaawa. A katea aia koraki ae e kaokoro kaain Aramean (Aram) ake mai Tob'a ao Reoba, ao tautian Toba ma Maaka a katea aia koraki teuana n taian rereua ake a kaan.

2.Tamuera 16:11

Ao e taku Tawita nakon Abitiai ao ana tautia ni kabane: E kataia n tiringai oin natiu te m'aane! Ao e aera ngkai e tangiria riki te m'aane aei man te baronga are Beniamin b'a n na mate riki? Ke kamaraiaia ni kabane akana e tangiriia. E na mena ngkoa ao E bon tuangnga te UEA b'a e na kamaraiaai.

2.Tamuera 8:3

Ao e waaki nakon Tawita nakon te Karaanga are Iuberetiti ao e katea te kanuringa iai. E a manga kataenikaia uean Tob'a, are arana Atatetera are natin Reoba te m'aane.

2.Tamuera 8:5

Ngke e roko ana taanga ni buaka ana tautaeka Aramean mai Tamateko ni buoka Atatetera, ao Tawita e tiringiia uabwi ma uoua te ngaa mai buakoia.

2.Tamuera 8:8

E uoti naba taian buraati aika a bati man kaawan nako Beta ao Berotai, are ana b'ai Atatetera.

1.Uea 11:14

Bon kaain te utu ni uea mai Etom te aomata are Atata, ao e karikaki b'a ana kairiribai Toromon iroun te UEA.

1.Uea 11:22

Ao e titirakinna te uea, “Bukin tera?” “Iai te b'ai teuana ae ko tangiria ae I tuai anganiko?” Ao e taku, “Bon akea ma I a tangiria n okira mwengau.”

1.Uea 15:18

Ao ngke e ongo aei Ata, ao e anaa te koora ma te tirewa man ana bareti ao man ana Tembora te UEA. E anganiia tabeman ana aobitia ao e kanakoia nako Tamateko ma te rongorongo nakon uean Turia are Benatata ae e kaangai:

1.Rongorongo 19:6

Ao a tib'a namakinna kaain Ammon ae a rangi ni kauna Tawita. Ma ngaia are, a kabooi e raka i aon tenibwi ma aua te ngaa te kirokuraem te tirewa i bukin kaboaia te taanga ni buaka ake a toka i aoia aoti mai Metobotamia ao man abanuean Turia ake Maaka ao Tob'a.

Etira 1:1

N ririki ake ngkoa, ao te UEA e kanakoa Ieremia ma rongorongon te berita b'a a na kainaomataaki Iteraera mai B'aburon i mwiin itibwi te ririki i bukiia Iteraera. Ao n ana moan ririki Tairati ni uea i aon Botia, ao e kakoroa nanon ana berita te UEA ngke e karekea Tairati b'a e na kanakoa ana rongorongo ae e taabangaki ataakina ni kabutaa m'akoron nako abanueana:

Taian Areru 60:1

Te Atua, Ko a tia n ribaira, ao Ko uruira; Ko a tia n un iroura-ma an rairaki nakoira ngkai.

Itaia 13:17

A na aki konaa ni kabooaki kaain Miria n te tirewa ma ke koora, ao I kanakoia b'a na buakana B'aburon.

Itaia 37:26

Ko na ongora, ngkai Tennakeriba Irou, Ngai ae te UEA. I baairea te b'ai aei man taai aika a nako. Ao ko tuai man ataia ae bon ti Ngai ni baaireia b'a ngkoe ae ko na karaoi b'aai aikai. I karaoiko b'a ko na urui kaawa aika a buubura.

Itaia 45:5

Bon ti Ngai te UEA! Bon akea riki atua i rarikiu. I a tia ni kakorakorako, e ngae ngke ko aki ataai.

Etekiera 38:16

Ko na buakana Au aomata kaanga nangin te buaka ae rabuna aon te aba. N na kariaia b'a ko na taua abau are Iteraera, b'a a aonga botannaomata nako n te aonnaba n ataia b'a bon te UEA Ngai ae I tabu.