1.Uea 1:50 - Te B'aib'ara

⁵⁰ Ao e maaku Atoniia b'a tera ngkai ae na karaoia Toromon nakoina, ma ngaia are, e biri nakon te Um'antabunrianna ao e taui ni kamatoa baina i aon koonan te baonikarea.

1.Uea 1:50 ပူးပေါင်းရင်းမြစ်များ

1.Uea 1:49

Ao a ruru ni maaku ana iruwa Atoniia ngke a ongo te rongorongo aei, ao a kabiri m'aakaia ni birinako.

1.Uea 1:51

Ao iai ae e kaongoa Toromon ni kaangai, “E maakuko Atoniia ao e tangiriko b'a ko na berita b'a ko na aki tiringnga.”

1.Uea 2:28

E aki buoka Abetarom teuare Ioaba b'a e na riki b'a te uea, ma e buoka Atoniia. Ma ngaia are, ngke e a ataia Ioaba b'a e a tia n tiringaki Atoniia, ao e biri nakon te Um'antabunrianna ma n taui ni kamatoai koonan te baonikarea ake aua.

Taian Areru 118:27

Bon te Atua te UEA; E a tia n anganiira te oota! Moana te bootaki ni kukurei! Kam na m'ananga ma m'angani kaai ao waaki nakon te baonikarea.

Te Otinako 21:14

Ao ngkana arona b'a kam a kaman iaiangoa tiringan te aomata temanna, ao bon akea maiumi, kam aki maiu naba ngkana arona b'a kam nimta te baonikarea. Kam na katikitikaki nako ma n tiringaki.

Te Otinako 27:2

ao kaoti rakei koonana ake aua kaanga koron te kaomm'aane. Ao i mwiina, kabira te baonikarea ni kabane n te buraonti, n reitaki ma korona ake aua.

Te Otinako 30:10

E na katoa ririki Aaron ni kaitiaka te baonikarea n taauria aon koonana ake aua raraan te man are e kareanaki i bukin te bure, ao e riai n ira te m'akuri aei n taai nako. E a tabu te baonikarea b'a e a tia ni katabuaki b'a au b'ai.

Te Otinako 38:2

ma koonana aika a rine rake kaanga koron te kaomm'aane, ao e rabunaki ni kabane rab'atana n te buraonti.

Etekiera 43:15

Te kabanea ni m'akoro mai eta, are e kakabuokaki iai taiani karea, bon uoua naba te miita rietana. A rietaata riki korona ake ni koonana ake aua nakon tabona ni kabane.