1.Uea 1:40 - Te B'aib'ara

⁴⁰ Ao a katangi taiani kaib'ab'aa, ao a kukurei ngke a riri mwiin Toromon n okira Ierutarem. E bon rangi ni korakora karongoaaia n te aro are e a ruru aontano.

1.Uea 1:40 ပူးပေါင်းရင်းမြစ်များ

1.Uea 1:39

E uota b'aan te oriwa Tatoka are te ibonga man te Um'antabunrianna, ao e kab'aroa i aon atuun Toromon ni kaotia b'a e a uea ngkai. E tangi te bu, ao a bane n takaarua aomata ni kaangai, “E na teimatoa maiun te uea ae Toromon.”

1.Uea 1:41

E a tib'a tia n am'arake Atoniia ma ana iruwa ngke a ongo te karongoa. Ao e ongo naba tangin te bu Ioaba, ao e titiraki ni kaangai, “Ai tera te karongoaa ae e korakora ae e nako man te kaawa?”

1.Uea 1:45

Ao ngke a roko ikekei, ao e a karaoaki kaueaan Toromon iroun Tatoka, Natan ao Benaia. Ao a bane ni kukurei aomata i aon kawaia n okira Ierutarem. Bon anne bukin te karongoa are kam ongo are e nako man te kaawa.

2.Uea 11:14

E noora Ioati n tei i rarikin te boua teaina, are boni nnen te uea. A tei taan anene, ao taani katangibu i rarikina, ao a kukurei aomata ma ni katangi taiani bu. E raei kunnikaina Nei Ataria i bukini marakin nanona, ao e takaarua ni kaangai, “Kam kam'aneai ngkami aika taani kam'aam'ane.”

2.Uea 11:20

A bane ni bootaki ni kukurei aomata i bukina ngke e a tia n tiringaki Nei Ataria, ao e a manga reke te rau i aon Ierutarem.

Taian Areru 97:1

E uea te UEA; e na kukurei aonnaba! A na kim'areirei abam'akoro aika bati!

Taniera 3:5

Kam na ongora tangin taiani bu, aika a rimwiaki n tangin te bikura, ma te raea, ma te tita, ma te aabi, ao te bikura; ma taiani b'ai ni katangitang riki tabeua. Ao n te tai naba are kam ongo iai tangin b'aai akanne, ao kam na bane ni bobaraaki n taromauriia te bouananti te koora are e a tia ni kateia te uea are Nebukaneta.

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Ruka 19:37

Ngke E a kaan ma Ierutarem, n te tabo are e mena iai te kawai are ruo ri kaaki man te maunga are Oriweta, ao a bane ni kim'areirei ana reirei aika bati ao a kamoamoa te Atua n te b'ana ae korakora i bukini m'akuri ni kabane aika a kamimii ake a tia n nori.

1.Tamuera 11:15

Ao a bane n nako aomata nakon te tabo n taromauri i Kirekara, ike a kabooi iai nanoia b'a e na riki Tauro b'a aia uea. Ao Tauro ma aomata a anga taiani man b'a aia karea ni bubutiia te UEA Ana kakab'aia, ao a karaoa te bootakin ni kukurei ae korakora.

1.Tamuera 4:5

ni uota te Atiniberita nakon te maeka, ao a takaarua ni kukurei tautia n te b'anaa ae moan te korakora n te aro are e m'aingiing te tano