1.Uea 1:39 - Te B'aib'ara

³⁹ E uota b'aan te oriwa Tatoka are te ibonga man te Um'antabunrianna, ao e kab'aroa i aon atuun Toromon ni kaotia b'a e a uea ngkai. E tangi te bu, ao a bane n takaarua aomata ni kaangai, “E na teimatoa maiun te uea ae Toromon.”

1.Uea 1:39 ပူးပေါင်းရင်းမြစ်များ

1.Uea 1:25

Ngke e ingabong riki ao e tiringi taiani kao ma kao ataei ao taian tiibu aika a m'aiti. E kaoiia taiani mataniwi n te taanga ni buaka, Abiata, ao natim m'aane ni kabane nako ikekei. Ao a am'arake ni kukurei ma ni mooi ni karokoa te tai aei ma n tatakarua ni kaangai, ‘E na teimatoa maiun te uea ae Atoniia!’

1.Uea 1:34

Ngkana kam roko ikekei, ao a na karaoa kaueaan Toromon b'a uean Iteraera ae boou Tatoka ma Natan. Ao i mwiin te kauea, ngkana e a b'ara ao kam na karekea temanna ae e na katanga te bu ma n tuangiia aomata b'a a na takaarua ni kaangai, ‘E na teimatoa maiun te uea ae Toromon.!’

1.Uea 1:40

Ao a katangi taiani kaib'ab'aa, ao a kukurei ngke a riri mwiin Toromon n okira Ierutarem. E bon rangi ni korakora karongoaaia n te aro are e a ruru aontano.

1.Uea 2:15

Ao e taku Atoniia, “Ko bon ataia b'a I uea ngkoa i nanon ti tabeua te tai, ao a bane Iteraera ni kariaia b'a N na uea, ma E tangira tariu te Atua b'a e na uea, ao ngkai a bane n tia ni bitaki b'aai ni kabane.

2.Uea 11:12

E kairaki Ioati iroun Ieoiata nako tinaniku, ike e a katokaa te baunuea i aon atuuna, ao e anganna katotongan te kaetieti i bukin kairan te botannaomata. E kab'aroaki b'aan te oriwa i aon atuuna ni kaotia b'a ngaia ngkai te uea, ao a uboubo aomata ma n takaarua ni kaangai, “E na teimatoa maiun te uea.”

2.Uea 11:14

E noora Ioati n tei i rarikin te boua teaina, are boni nnen te uea. A tei taan anene, ao taani katangibu i rarikina, ao a kukurei aomata ma ni katangi taiani bu. E raei kunnikaina Nei Ataria i bukini marakin nanona, ao e takaarua ni kaangai, “Kam kam'aneai ngkami aika taani kam'aam'ane.”

2.Uea 9:1

N te bong teuana ao e wetea temanna mai buakoia burabeti ake tekorakina Eritai, ao e taku, “Anaa te b'atoro ni b'aa n oriwa aei, ao katauraoiko b'a ko na nako nakon te kaawa are Ramota Kireata.

2.Uea 9:13

A kawaekoaia n anai kunnikaiia ma ni kamaenakoia i aon te tabo are e tei iai Ieu. E katanga te bu temanna, ao a bane n takaarua ni kaangai, “E a uea Ieu.”

1.Rongorongo 29:22

Ao a rangi ni kukurei aomata, ao a am'arake ma ni mooi ikekei i rarikin ana baonikarea te UEA. N te bong naba anne, ao e a katokaaki ana baunuea Toromon ni kaueaaki. Ao a bane ni kukurei aomata ao e kab'aroaki te b'a i aon atuun Toromon ni kaotia b'a e na manga uea. Ao e kab'aroaki naba te b'a i aon atuun Tatoka ni kaotia b'a ngaia ngkai aia ibonga.

2.Rongorongo 23:11

Ao Ieoiata ma natina m'aane a kaira Ioati nako tinaniku, ao a katoka te baunuea i aon atuuna ao a anganna katotoon taian tua i bukin tautaekanakiia te botannaomata. E kab'aroaki b'aan te oriwa i aon atuuna ni kaotaki b'a ai te uea ngkai ngaia, ao a bane ni kukurei aomata ma n takaarua, “E na anaanau maiun te uea!”

2.Rongorongo 23:13

Ao e a noora Ioati n tei i rarikin te boua i rarikin mataroa, are bon ana taatabo te uea. A tei i rarikina mataniwi n te taanga ni buaka ao taan katangibu, ao taani katang b'ainikatangitang ake a tabe ni kairiia aomata ngke a tabe ni bukamaru n anene ni kukurei mani katangi taiani bu. E raeuai kunnikaina Nei Ataria i bukin marakin nanona, ao e takaarua ni kaangai, “Kam kam'aneai, ngkami aika taani kam'aam'ane!”

Taian Areru 89:20

I a tia ni kauea au toro are Tawita ngke I kabiria n te b'aa are tabu.

Te Otinako 30:35

ao i mwiina, renganna ma te taoro ni karaoa te rengarenga b'a e na boou ma n tabu.

1.Tamuera 10:24

Ao e taku Tamuera nakoia aomata, “Karaua n tara te aomata ae a tia n rineia te UEA! Bon akea te aomata ae ai arona!” Ao a takaarua aomata, “E na anaanau maiun te uea!”

1.Tamuera 16:13

Ao e atoa te b'a Tamuera i aon atuun Tawita ngke a bon tabe ni mataku tarina nako. Ao n te tai anne, E niniia Tawita Tamnein te UEA ao E moana tikuna i rouna man te tai anne. Ao e oki Tamuera nakon ana auti i Ram'a.