1.Uea 1:37 - Te B'aib'ara

³⁷ E bon tararuaiko te UEA n taai nako, ao bon au tataro b'a E na manga tararuaa Toromon ngkai. Tera ngke E buoka Toromon ni karikia b'a te uea ae korakora riki nakoim.

1.Uea 1:37 ပူးပေါင်းရင်းမြစ်များ

2.Tamuera 24:3

Ao e kaeka Ioaba ni kaangai, “Au kaantaninga b'a E na anganiko te UEA ae te Atua tebubua riki okiokin m'aitiia tautia aika a tia n reke iroum. Bon au kaantaninga b'a ko na bon kauia te bong anne! Ma e aera ngkai ko tangiria ni karaoa te aro aei?”

1.Uea 1:36

Ao e kaeka Benaia ni kaangai, “Ti na karaoa anne, te uea ae ko karineaki. Bon au tataro b'a E na kakororaoia te UEA ae Atuam.”

1.Uea 1:47

Ao ongora aia taeka ana aobitia Toromon nakon Tawita, “Bon ara tataro b'a E na buoka Toromon Atuam ni karikia b'a te uea ae e korakora riki nakoim.” E wene Tawita i aon ana kainiwene n te tai arei ma e bobaraaki

2.Uea 2:9

Ao ngke a tia n roko n iteran te karaanga are teuana, ao e taku Eria, “Eritai, ae E nang anaai te UEA n te tai ae e aki maan. Tera ae N na karaoia nakoim i m'aain nakou?” Ao e taku Eritai, “I butiiko b'a ko na anganai uoua te tai okiokin m'aakam are ko anganiia burabeti ake te korakina, b'a I aonga n riki b'a oneani mwiim n riki b'a aia tia kairiiri.”

1.Rongorongo 28:20

Ma ko riai ni kakoaua b'a a na karaoaki b'aai ni kabane n aron taian tamnei aikai. Ko na korakora ao ko na aki maaku n te b'ai teuana ke ni b'arannano. E na buokiko te UEA ae Atuau ni b'aai ni kabane akana a tangiraki i bukin katiaan te Tembora, b'a e aonga ni konaa ni kamanenaaki i bukin taromauriana.

1.Rongorongo 29:25

E karaoa Toromon te UEA b'a te uea ae e kakannato, ao a bane botannaomata ni kabane ni mimi n tanoatan taekana. N te koaua, ao bon akea uean Iteraera ae ai aron kakannaton Toromon.

2.Rongorongo 1:1

Ao e a matoa ana tautaeka n abanueana ni kabutaa ngkai te uea are Toromon are natin Tawita, i bukina b'a e a tia te UEA ae te Atua ni kakab'aia ma ni karikia b'a te uea ae korakora.

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Taian Areru 46:7

Bon raora te UEA ae Moan te M'aaka; Bon otangara Atuan Iakob'a.

Taian Areru 72:8

E na raababa nako ueana nakon tokin tiani marawa, ao man te karaanga are te Iuberetiti nakon tokin tabon aonnaba.

Taian Areru 89:27

N na karikia b'a natiu ae te karimoa, ae te kabanea ni kakannato i buakoia uea.

Te Otinako 3:12

Ao E kaeka te Atua ni kaangai, “N na memena i roum. Ao ane ko na ataia b'a boni Ngai ae I kanakoko, ngkana ko taromauriai i aon te maunga aei ngkana ko tia ni kaotinakoia Au aomata mai Aikubita.”

Itaia 8:10

Ikotingkami ao karaoi ami babaaire nako, ane kam na konaaki b'a e mena iroura te Atua.

Taniera 7:14

E anganaki te kariaia, te karineaki, ao te m'aaka, b'a a na bane aomatan te botannaomata, reeti, ao taetae nako n toro i rouna. E na teimatoa m'aakana n aki toki, ao akea tokin ueana, ao e na bon aki kona n uruaki.

Mataio 1:23

“Noria, ane e na kariki te kibono, ao e na bungia te nati te mm'aane, ao a na aranna b'a “Emmanuera,” ae nanona, “Te Atua i roura.”

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

Iotua 1:17

Ti na ongotaeka raoi i roum n ai arora ngkoa ngke ti ongotaeka raoi naba i roun Moote, ao ke E mena i roum te UEA ae te Atua n ai arona naba ngkoa ngke E mena iroun Moote!

Iotua 1:5

Bon akea ae na kona n eekikonako ni karokoa matem. N na mena i roum n ai arou ngke I mena naba iroun Moote. N na memena i roum n taai nako. N na bon aki kiitaniko.

1.Tamuera 20:13

Ma ngkana iai ana iango n tiringko, e na oreai te UEA ni kamateai ngkana I aki kaongoko taekana ma ni kabiri nakoko n rawea maium. E na meemena te UEA iroum n aron ngkoa memenana iroun tamau!