1.Uea 1:13 - Te B'aib'ara

¹³ Naako taetae nakon Tawita ni kaangai, “Ko bon aki berita ngkoa nako iu b'a e na uea Toromon i mwiim, ma e aera ngkai e a uea Atoniia?

1.Uea 1:13 ပူးပေါင်းရင်းမြစ်များ

1.Uea 1:11

Ao ngke e ongo Naatan te b'ai are e riki, ao e titirakina Nei B'atateb'a are tinan Toromon ni kaangai: “Ko bon tuai n ongo ae e a tia n aaia ueana i boni i rouna Ten Atoniia are natin Nei Akita? Ma e aki ataa te b'ai teuana Tawita.

1.Uea 1:14

Ngke ko bon tabe n taetae ma Tawita ao I a roko naba ni manga tuanga Tawita b'a a koaua ni kabane b'aai ake ko taekin.”

1.Uea 1:17

Ao e taku Nei B'atateb'a: “Te uea ae ko karineaki. Ko berita ngkoa nako iu n aran te UEA ae Atuam b'a e na uea natiu ae Toromon i mwiim.

1.Uea 1:24

ao e taku: “Te uea ae ko karineaki, ko bon tua b'a e na kaueaaki Atoniia?

1.Uea 1:30

N na kakoroa bukin te berita are I karaoia ngkoa nakoim n aran te UEA. E na riki Toromon b'a te uea ae e boou.”

1.Uea 1:35

Kaokia rikaaki nako ikai b'a e na onea mwiiu ni uea. Boni ngaia ae I a tia n rineia b'a e na uea i aon Iteraera ma Iuta.”

1.Uea 1:48

ao e tataro ni kaangai, “I neboiko Atuan Iteraera. Ko a tia ni karika natiu ae Toromon b'a te uea ao ko kateimatoa maiu b'a N na kauia.”

1.Uea 2:12

E a manga uea natina te m'aane are Toromon ao e a tautaekana abanuean Tawita.

1.Rongorongo 28:5

E a tia ni kakab'aiaai te UEA n anganai natiu m'aane aika a m'aiti, ma E rinea natiu te m'aane ae Toromon b'a e na manga uea imwiiu i aon Iteraera.

1.Rongorongo 29:23

Ma ngaia are, e a manga uea Toromon i mwiin Tawita are tamana. Ao e totokanikai Toromon ni b'aai ni kabane ake e karaoi, ao a bane Iteraera n ongotaeka i rouna.

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Ieremia 33:21

ao kam aki konaa n urua te boraraoi ae I a tia ni karaoia ma ana utu Tawita, ibonga man kanoan Rewi ake a m'akuri n te baonikarea. A na tautaeka n taai nako ana kariki Tawita ma ni uea i aon Iteraera,

Te Tua-Kaua 17:18

E na kaawakinaki katotoon ana Tua te UEA irouia taian ibonga ake te baronga are Rewi. Ma ngaia are, n te tai naba are e uea iai temanna, ao e na riai n nakoia ibonga ma ni korea te katoto man taian tua aikai ngke a tabe n tarataraia ibonga.