1.Timoteo 6:17 - Te B'aib'ara

¹⁷ Ko na tuangiia akana kaub'ai ni b'ain te maiu aei, b'a a na tai kainikatonga ao a na tai onimakina te kaub'ai ae aki teimatoa; ma a na onimakina te Atua, ae kabane b'aai ni kabatiai n anganira b'a ti na kukurei iai.

1.Timoteo 6:17 ပူးပေါင်းရင်းမြစ်များ

Karikani B'aai 13:2

Ao bon te aomata ae rangi ni kaub'ai Aberam n te tiibu, ma te kooti, ma te kao, ao ai uana naba ma te tirewa ma te koora.

2.Rongorongo 26:16

Ao e a rangi ni kamoamoa Utia i bukin m'aakana, ao aei ae e karekea b'akana. N te bong teuana, ao e a aki ongotaeka Utia nakon te UEA ae Atuana ngke e nako n rin te Tembora ao e kabuoka te b'ai ni kaboiarara b'a te angab'ai nako ina.

Taian Areru 104:28

Ko angania kanaia ni baim ao a am'arake ni karokoa ae a rauaki.

Taian Areru 52:7

“Nora te aomata ae rawa n onimakina te Atua i bukini kamanoana, Ma e onimakin kaub'aina aika bati, Ao e iangoia b'a e na reke kab'aiana n arona ni bangaomata.”

Taian Areru 62:10

Tai onimakini ami m'akuri ni bai-tabare, Ao tai kaantaninga rekeni kab'aiami mani kurib'aiaia aomata iroumi. Ao ngkana a rikirake kaub'aimi, ao tai taku b'a e mena iai mwiokoni maiumi.

Taian Areru 62:8

Kam na onimakina te Atua n taai nako, ngkami aika au aomata. Tai toki n tuangnga ami kangaanga ni kabane, b'a Ngaia nera ae ti rau raoi iai.

Taeka n Rabakau 11:28

Ane e na nakobuaka ami bong aika a na roko; ngkana kam onimakin kaub'aimi ma a korakora kaanga aroka aika a marurung ana aomata te Atua.

Taeka n Rabakau 23:5

E na kibanako ami m'ane i m'aain ae kam a ataia, n ai aron te ikare ae e karina ni kiba nako.

Taeka n Rabakau 27:24

b'a a aki teimatoa n aki toki te kaub'ai ma te karineaki.

Taeka n Rabakau 30:9

Ngkana e a manga rangi n rawata kanau, ao ane n na manga m'aninga taekam; ao ngkana e a manga aki tau, ao ane n na manga kimoa ma ni kamamaaea aram.

Te Minita 2:24

Ti te b'ai ae te kabanea n tamaroa, ti riai ni kukurei n am'aam'arake, ni momooi, ao ni m'akuri. I kakoauaa b'a bon aikai ana b'aintangira te Atua nakoira,

Ieremia 2:31

Ao ngkai kam na ongo nakon te b'ai ae I taekinna! Iai te tai ae I kiitaningkami iai i nanon te rereua ke I katobibingkami n te rootongitong? Bon au aomata ngkami, ao i rarikin anne kam a tia ni kaangai nako iu, “Ti na karaoa te b'ai ae ti tangiria, ao ti rawa n taromauriko!”

Ieremia 49:4

Ngkami aika kaain Ammon aika taani kamangao kam onimakin kaub'aimi ao kam titiraki ni kaangai, “Antai ae e konaa ni buakaniira?” Ma I kauringngkami b'a kam na aki kainikatonga ngkana e a tabe ni mauna nako korakorami.

Etekiera 16:56

Ierutarem, ko rangi ni kainikatonga n te aro are ko a manga mata ni kakaniko nakon Totom.

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

Otea 13:6

I kaam'arakeingkami ni karokoa kam rauaki, ao i mwiina, kam a manga kainikatonga ao kam m'aninga taekau.

Mataio 12:32

Ane taetae n ekaanako Natin te Aomata, ao e na kab'araaki ana bure; ma ane taetae n ekaanako te Tamnei are Raoiroi, ao e na bon aki kab'araki ana bure n te aonnaba aei, ke n te aonnaba ae na roko.

Mataio 19:23

Ao E taku Iesu nakoia ana reirei, “E koaua ae I a tuangngkami, b'a e na rangi ni kanganga rinin ane kaub'ai n Uean te Atua!

Mataio 25:16

Teuare e anganaki nimaua te tarena e aki tab'ara ma e a nako naba ni kam'akuria, ao e karekea rakana ae nimaua riki te tarena.

Mataio 27:57

Ngke e a tairiki, ao e roko temanna te aomata ae kaub'ai mai Arimataia; aran teuaei Ioteb'a, ao bon temanna naba ngaia ana reirei Iesu.

Mataio 6:32

B'a a ukoukori baikai ni kabane aomata aika aki onimakina te Atua; ao Tamami are i karawa, E ataia ae kam kainanoi baikai ni kabane.

Mareko 10:24

A mimi ana reirei n ana taeka. Ma E a manga taku nako ia, “Ataei, ai kanganga ra te rin n Uean te Atua!

Ruka 19:2

Ao noria, iai te aomata temanna ae arana Takaio, ae mataniwiia taan anai taekiti, ao e kaub'ai.

Ruka 3:11

E kaekaia ni kangai, “Ane iai i rouna uoua ana kabaraki, ao ke e anga teuana nakon ane akea ana kabaraki; ao ane iai kanana, ao ke e karaoa naba are e karaoia teuare uoua ana kabaraki.”

M'akuri 14:17

ma e boni ngae n anne, ao E a tia ni kaotiota arona n Atua ni baika raraoi ake E karaoi: b'a E anganingkami te karau mai karawa ma boong ake a uaa iai kai n am'arake; E anganingkami kanami, ao E kaon nanomi n te kim'areirei.”

M'akuri 14:27

Ao ngke a roko i Antioka, ao a botiia kaain te ekaretia, ao a karakini b'aai ni kabane ake E karaoi te Atua i rouia, ma arona ngke E kauka mataroan te onimaki nakoia aomata aika tiaki I-Iutaia.

M'akuri 17:25

Ao bon akea te b'ai ae a karaoia aomata i bukina b'a akea te b'ai ae E kainanoia, ngkai boni Ngaia ae anga te maiu, te ikeike, ma b'aai ni kabane nakoia aomata ni kabaneia;

I-Rom 11:20

E koaua ane ko taku; a oteaki i bukin aia aki-onimaki, ma ngkoe, ko mena ni nem ane ko mena iai i bukin am onimaki. Ma ngaia ae tai b'aina te kainikatonga, ma ko na b'aina te mamaku.

I-Ebeto 5:5

B'a kam bon ata aei, b'a akea te aomata ae te tia wene ni bure, ma te tia kammaira, ma te tia mataai ni kanib'aib'ai ae te tia taromauri bouananti, ae na karekea Ueani Kristo ma te Atua.

Te Tua-Kaua 33:15

A na rangi ni m'aiti uaan arokami aika a mena ni karaabeen te tabuki are mangkoa.

Te Tua-Kaua 8:17

Ngkana kam tetekeraoi, ao kam na aki kaangai, I a kaub'ai, I boni karekei ni korakorau.

I-Korote 3:16

E na titiku ni maeka ana taeka Kristo i nanomi; ao kam na anenei taekan Taian Areru ma anene ma kuuna aika kam kairaki iai iroun te Tamnei; kam na anene nakon te Atua ma te nano ni katituaraoi.

1.I-Tetaronike 1:9

A bane aomata n taekina aron rinra i buakomi, ma aromi ngke kam rairaki mani bouannanti nakon te Atua, n toro iroun te Atua ae maiu ae koaua,

1.Timoteo 1:3

Ko na tiku i Ebeto, n ai aron are I tuangko ngkoa ngke I nako M'aketonia; ao tuangiia aomata tabem'aang ikekei b'a a na tai reireia te aba te koaua ae kaokoro,

1.Timoteo 3:15

Ma ngkana I waeremwe, ao baika I koroi a na tuangko te aroaro ae riai ni b'ainaki i buakoia ana utu te Atua, ae ana ekaretia te Atua ae maiu, ae te ekaretia ae taua te koaua mai aana b'a bouana ao aana.

1.Timoteo 4:10

B'a ti kakorakoraira ni m'akuri ao ti kekeiaki m'aaka i bukina ngkai ti onimakina te Atua ae maiu, ae aia Tia Kamaiu aomata ni kabaneia, ai moara riki te koraki aika onimaki.

1.Timoteo 5:21

I tuangko i matan te Atua, ma Kristo Iesu, ma ana anera te Atua, b'a ko na tou mwiini baikai ma te nano ae eti ae aki nanonano.

1.Timoteo 6:13

I tuangko i matan te Atua, ae anga te maiu nakoni b'aai ni kabane, ao i matani Kristo Iesu, are kaota tauani bukin te koaua are raoiroi i matani Bontio Birato,

1.Timoteo 6:9

Ma akana kan riki ni kaub'ai a b'aka nako nanon te kaririaki, a m'ane n te b'ai ni kam'am'ane, ao a reke n naano aika baba ma ni kamaraki, aika taonaki ni kab'ab'aaki iai n tiringaki ma ni kamateaki.

2.Timoteo 4:10

B'a e kitanai Tema, i bukin tangirani b'ain te maiu aei, ao e nako Tetaronike; ao Kiretike e nako Karatia, ao Tito e nako Tarematia.

Tito 2:12

Te akoi anne are reireira b'a ti na rawa nakon te maiu are akea karinean te Atua iai ma te maiu n tangiri b'ain aon te aba, ao ti na b'aina te maiu n iango raoi, ae te maiu ae karaoa nanon te Atua ma n i raorao ma Ngaia n te aonnaba aei,

Tito 3:6

E nurakina ni kabatia te Tamnei are Raoiroi i aora te Atua iroun Iesu Kristo are ara Tia Kamaiu,

2.Betero 1:11

N te aro aei, ao kam na anganaki ni kabatiaki te kona n rin n uean ara Uea ao ara Tia Kamaiu are Iesu Kristo, are ueana are aki toki.