1.Timoteo 6:16 - Te B'aib'ara

¹⁶ ae ti Ngaia ae aki mamate, ae maeka n te oota are aki konaaki ni kawaraki; akea te aomata ae e a tia n noria, ao akea ae kona n noria. Ana b'ai te karineaki ma te m'aaka ae aki totoki. Amen.

1.Timoteo 6:16 ပူးပေါင်းရင်းမြစ်များ

Iobi 37:23

E rangi ni korakora m'aakan te Atua n te aro are ti aki kona ni kaaniia; E rangi n raoiroi man eti raoi nako ira.

Taian Areru 104:2

Ko otab'aniniaki n te oota b'a kanga niniram. Ko taakina karawa b'a kanga te roki.

Taian Areru 90:2

I m'aini karikani maunga iroum, Ngke Ko tuai ni karika aon te aba ma aonnaba, Ao bon te Atua Ngkoe ma ngkoangkoa ao n aki tootoki.

Te Otinako 3:14

E taku te UEA, “Bon te Atua Ngai ae akea tokina. Ma ngaia ae ko na tuangiia aomata b'a e kanakoko te UEA ae arana, “Ngai.”

Te Otinako 33:20

ma N na bon aki kariaia b'a ko na noora matau, i bukina b'a e na bon mate ane e noora matau,

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Ab'akuka 3:4

E roko ma raneaneana; E itinako te oota mai baina, te tabo ike e karabaa iai m'akana.

Ioane 1:18

Bon akea temanna ae e a tia n nora te Atua; te Nati are te rikitemanna, are memena i rarikin te Tama, boni Ngaia ae kaota raoi te Atua nakoia aomata.

Ioane 14:9

E taku Iesu nakoina, “Ai maanraa Ngai ni mena i rarikimi, ao ko tuai man ataai, Biribo? Ane e a tia n norai, ao e a tia naba n nora Tamau; e aera ngkai ko kaangai, ‘Kaota Tamam nako ira’?

Ioane 6:46

Tiaki nanona b'a iai ae e a tia n nora te Tama; ti Teuare mairoun te Atua ae E a tia n nora te Tama.

Ioane 8:58

E taku Iesu nakoia, “Bon te koaua ni koaua ae I a tuangngkami, b'a bon iai Ngai ma ngkoa i m'ain Aberaam.”

I-Ebeto 3:21

ana b'ai te neboaki n te ekaretia ao irouni Kristo Iesu man te rorona nakon te rorona ao n aki totoki. Amen.

Te Tua-Kaua 32:40

I karaoa te berita ae matoa aei: n arou ngkai I maiu n aki toki,

I-Biribi 4:20

Ana b'ai te Atua ae Tamara te neboaki n aki toki. Amen.

I-Korote 1:15

Kristo boni katotongan te Atua ae aki nonoraki, ao bon te moa n Nati ae kakannato i aoni b'aai ni kabane aika karikaki.

1.Timoteo 1:17

Ana b'ai te Uea ae akea tokina, ae aki mamate, ae aki nonoraki, ae te Atua ae ti temanna, te karineaki ma te neboaki n aki totoki. Amen.

Ebera 13:8

Ai uana nako naba Iesu Kristo ngkoananoa, ao n te bong aei, ao n aki toki.

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.

1.Ioane 1:5

Ao aio te taeka are ti ongo mai Rouna, ae ti taekinna nako imi: b'a te Atua bon te oota, ao bon akea te roo teutana i nanona.

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.

1.Ioane 4:12

Akea te aomata ae a tia n nora te Atua; ngkana ti i tangitangiri, ao E nim ma ngaira te Atua, ao e kakoroaki raoi tangirana i nanora.

Iuta 1:25

ana b'ai te Atua ae ti temanna, are ara Tia Kamaiu, iroun Iesu Kristo are ara Uea, te neboaki, ma te karineaki, ma te tau-taeka, ma te m'aaka, ngke a tuai ni karikaki b'aai, ao ngkai, ao n aki toki. Amen.

Te Kaotioti 1:6

ao E karaoira b'a ibonga n ueana, aika taani beku iroun Atuana ma Tamana: ana b'ai te neboaki ma te m'aaka n tautaeka n aki toki! Amen.

Te Kaotioti 1:8

E taku te Uea ae te Atua ae Moan te M'aka, ae iai ngkai, ao iai ngkoa, ao iai rimwi n aki toki, “Boni Ngai te Moa ao te Toki.”

Te Kaotioti 21:3

Ao I ongo te b'ana man te kaintokanuea b'a e kaangai, “Noria, e mena ana um'anrianna te Atua irouia aomata! E na maeka i rouia, ao a na riki b'a ana botannaomata; ao te Atua E na memena i rouia.

Te Kaotioti 22:5

E na akea te bong; ao a aki kainanoa ootan te taura ma taai, b'a E na riki te Atua b'a te oota i aoia; ao a na uea n aki totoki.

Te Kaotioti 4:11

“Ara Uea ao Atuara, Ko bon riai n anganaki te neboaki ma te karineaki ma te m'aaka. B'a Ko kariki b'aai ni kabane, ao a riki i bukin nanom, ao a karikaki iai.”

Te Kaotioti 7:12

ao a kaangai, “Amen! Ana b'ai Atuara te karaoiroaki, ma te neboaki, ma te rabakau, ma te katituaraoaki, ma te karineaki, ma te m'aaka, ma te korakora, n aki totoki. Amen!”