1.Timoteo 5:22 - Te B'aib'ara

²² Ko na tai kukuri ni katokaa baim i aon temanna ni katabua nakon nakoana i bukin te Uea. Ko na tai buokanib'ai n aia bure tabem'aang; ko na b'aina te maiu ae itiaki.

1.Timoteo 5:22 ပူးပေါင်းရင်းမြစ်များ

Taian Areru 50:18

Ko riki b'a raoia taan iraa akana ko kaitibo ma ngaiia; Ao ko reitiko ma taani wenenibure.

M'akuri 13:3

Ma ngaia are, ngke a tia n aki mamatam, ao a tia naba n tataro, ao a katokai baiia i aoia, ao a kanakoia.

M'akuri 18:6

Ma a ekianako ao a taetaebuakaia, ao ngaia e ioioa ana kunnikai, ao e taku nakoia, “Kam na boni bukintaeka n ami bure! Akea au bure iroumi! I mwini ngkai ao I a nakoia aomata aika tiaki I-Iutaia.”

M'akuri 20:26

Ma ngaia ae I tuangngkami n te bong aei, b'a akea tabeu irouia aomata nako ake a kabuai maiuia.

M'akuri 6:6

A kaakiia i mataia taan tuatua; ao a tataro taan tuatua ao a katokai baiia i aoia.

I-Ebeto 5:11

Tai buokanib'ai n ana m'akuri te roo aika akea uaaia, ma kam na kaoti aroia;

1.Timoteo 3:10

A riai naba ni kakoauaki moa, ao ngkana a noraki b'a a tau, ao a na m'akuri.

1.Timoteo 3:2

E riai iroun te mataniwi n te ekaretia b'a a na akea arona ae na kabuakakaki iai; e riai n ti temanna buna, e na taua baangina, e na b'aina te nanowanawana, e na rabakau te aroaro, e na akoia iruwa, ao e na rabakau n reireiia aomata;

1.Timoteo 3:6

E riai n ikawai i nanon te onimaki, b'a e kaawa ni kaonaki nanona n te kainikatonga ao e motikaki taekana ni karawaawataaki, n aron te riaboro.

1.Timoteo 4:12

E na tai kakeaa bonganam temanna ngkai te rorobuaka n ataei ngkoe; ma ko na riki b'a te banna ni kakairi nakoia aika onimaki, n am taeka, n te bae ko karaoia, n arom n tangira, n am onimaki, ma te aro ni maiu ae itiaki.

1.Timoteo 4:14

Ko na tai kaaki taekan te b'ai n tituaraoi ane i roum, are ko anganaki n te tai are a taetae ni burabeti iai burabeti ao a katokai baiia i aom unimm'aanen te ekaretia.

2.Timoteo 1:6

Ma ngaia ae I tuangko b'a ko na kakorakoraa maiun ana b'ai n tituaraoi te Atua ane i nanom, are e reke i roum ngke I katokaa baiu i aom ni katabuko nakon nakoam.

2.Timoteo 2:2

ao baikana ko ongo i rou ake I taekin i mataia taani kakoaua aika bati, ko na mwiokoi nakoia aomata aika kakaonimaki, aika kona n reireiia naba tabem'aang.

Ebera 6:2

ma taiani b'abetito, ma katokaani b'aai, ma manga utiia maate, ma te motikitaeka ae aki toki.

Iotua 9:14

Ao a katoonga nikiran kanaia taan roko m'aanen Iteraera, b'a kanikinaean kariaiakan te bubuti i bukin te boraraoi n raoi, ma aki kakaea moa nanon te UEA i bukin te boraraoi anne

2.Ioane 1:11

Ane kamauria ao e buokanib'ai ma ngaia n ana m'akuri aika bubuaka.

Te Kaotioti 18:4

Ao I ongo te b'ana teuana mai karawa b'a e kaangai, “Au aomata, kam na oti nako mai rouna! Kam na aki buokanib'ai ma ngaia n ana bure; ao kam na aki buokanib'ai naba ma ngaia ni katuaeana!