1.Timoteo 5:20 - Te B'aib'ara

²⁰ Ko na boaiia akana bure i mataia aomata ni kabaneia, b'a a aonga ni maaku naba raoia.

1.Timoteo 5:20 ပူးပေါင်းရင်းမြစ်များ

Nakoaia Ibonga 19:17

Tai tab'ara ni karaoa te kaetieti ae bon riai. E ngae n anne, ao e bure ngkana e aki kaetaki te aomata ane e bon tangira kaetana.

M'akuri 19:17

E a ataaki te baei irouia I-Iutaia ma I-Erene ni kabaneia ake a maeka i Ebeto, ao a rangi ni maku; ao e neboaki aran te UEA are Iesu.

M'akuri 5:11

Ao a taonaki n te maku kaain te ekaretia ni kabaneia, ni botaki ma aomata nako ake a ongo taekani baikekei.

M'akuri 5:5

Ngke e ongo taeka aikai Anania, ao e b'aka b'a e mate; ao a taonaki n te maku ae korakora aomata ake a ongo taekan te baei.

2.I-Korinto 7:11

B'a nora te baei, ae karawawatami n reitaki ma nanon te Atua; ai tera arona ni karika te nano ae korakora, ma te nano ni kani kaota ae kam aki bure, ma te nano n un, ma te nano ni maaku, ma te nano n ingainga, ma te nano ni kani kareke kai. Kam kaotingkami ni b'aai ni kabane b'a kam itiaki n te baerei.

I-Ebeto 5:11

Tai buokanib'ai n ana m'akuri te roo aika akea uaaia, ma kam na kaoti aroia;

Te Tua-Kaua 13:11

Ao ngkana a ongo anne Iteraera ni kabane, ao ane a na maaku, ao akea riki ae e na manga karaoa te m'akuri ae buakaka aei.

Te Tua-Kaua 17:13

Ao ngkana a ongotaeka tabeman Iteraera, ao ane a na maaku, ao a na iri nanon taiani moti man te kabowi aei.

Te Tua-Kaua 21:21

Ao a na karebanaa te nati te m'aane anne n taian atiibu m'anen te kaawa anne ni karokoa matena, b'a e aonga ni mauna nako te m'akuri ae buakaka ae karikirakea te aomata anne man te kaawa anne. Ao ane a na maaku iai Iteraera ngkana a ongo aron katuaaean te aomata anne.

1.Timoteo 1:20

i buakoia te koraki aei bon Umenaio ma Arekantero, are I katikuia nakon Tatan, b'a a aonga n reireiaki b'a a na tai taetaebuaka te Atua.

2.Timoteo 4:2

ko na tataekina ana taeka te Atua, ao ko na kakorakorako ni karaoia i nanon te tai ae riai ke ae e aki; ko na kaoti aroia aomata aika buakaka nakoia, ko na boaiia, ao ko na kaungaia, n reireiia ma te taotaonaki n nano ni kabane.

Tito 1:13

E koaua te taeka aei. Ma ngaia ae ko na boaiia n te aro ae matoatoa, b'a a aonga n onimaki ni koaua,

Tito 2:15

Ko na taekini baikai, ao ko na kaungaia ma ni boaiia am aomata ni m'aakan nakoam. E na tai kakeaa bongam temanna.