1.Timoteo 5:17 - Te B'aib'ara

¹⁷ A riai unimm'aane aika raoiroi aia kairiri n iangoaki b'a e riai ni kataboroaki nakoia booia, ai moa ra riki nakoia te koraki aika korakora aia m'akuri ni kab'arab'ara ma n reirei;

1.Timoteo 5:17 ပူးပေါင်းရင်းမြစ်များ

2.Uea 2:9

Ao ngke a tia n roko n iteran te karaanga are teuana, ao e taku Eria, “Eritai, ae E nang anaai te UEA n te tai ae e aki maan. Tera ae N na karaoia nakoim i m'aain nakou?” Ao e taku Eritai, “I butiiko b'a ko na anganai uoua te tai okiokin m'aakam are ko anganiia burabeti ake te korakina, b'a I aonga n riki b'a oneani mwiim n riki b'a aia tia kairiiri.”

Itaia 40:2

Taetae raoi nakon Ierutarem ao katanoataa ae e kaangai: A toki am bong n tautoronaki. Bon te UEA ngai, are I kataboroa tuaam i bukin am bure nako.”

Ieremia 16:18

N na kataboroa tuaami i bukin ami bure i bukina ngkai kam a tia ni kabuakaka te aba. Kam a tia ni kaonna n taian bouannanti aika a aki maiu kaanga maate.

Ieremia 17:18

Ko na kaakea kab'akau ao b'ainrangiu, ma ko na kab'akaia au kairiribai ma ni kab'ainrangiia. Karokoa te urub'ai irouia b'a e aonga ni kororaoi bukin maakuia.

Tekaria 9:12

ma n anganingkami te kaantaninga. Okira ami nono, b'a N na anganingkami kaniwangami uoua okiokin ami b'ai akana a tia n reke iroumi.

Warekaia Iteraera 18:31

E kona ni kanaki tib'ami n aki akaaka irouia kaain ami utu nako, b'a ai bon anne naba boomi ni m'akuri n te Um'antabunrianna.

Mataio 24:25

Noria, I a tia n tuangngkami ngkai a tuai n roko.

Ruka 10:7

Kam na tiku n te auti naba anne, n nim ao ni kang baike a karekei i bukimi, b'a e riai n reke nakon te tia m'akuri boona; tai bibita nem n tiku man te auti teuana ao i mwina teuana.

Ruka 12:42

Ao E taku te Uea, Antai te touati ae kakaonimaki ae wanawana, are e na mwiokoaki iroun ana mataniwi b'a e na tararuaia ana toro, n angania kanaia ake a tia ni baireaki n taiia?

Ioane 4:38

I kanakoingkami b'a kam na bobooti uaa akana tai nakoni neia man taabo n ununiki ake kam aki m'akurii; a m'akuri tabem'aang, ao ngkami kam kareke kab'aiami man uaani mwin aia m'akuri.”

M'akuri 11:30

A boni karaoia, ao a angani B'arenaba ma Tauro b'a a na nako n nikiri irouia unimm'aane.

M'akuri 20:35

I a tia ni kaotia nakoimi n aaro nako b'a ti riai ni buokiia aika mamara n te aro aei, ae te bekutata, n aki m'aninga ana taeka te UEA are Iesu, are kaangai, “E kakab'aia riki te anga nakon te anganaki.”

M'akuri 28:10

A karineira n aaro ni karinerine aika bati; ao ngke ti nangi borau, ao a katokai baika riai i bukira b'a ara tianaki.

I-Rom 12:8

Ngkana te kona ni kaungaa, ao ti na kaungaia aomata; ngkana te kona ni buokanib'ai, ao ti na i buokanib'ai ma te nanoraoi; ngkana te kona ni kairiri, ao ti na karaoia nakon ara kabanea n tamaroa; ao ngkana ti kona ni karaoa te m'akuri n nanoanga nakoia aomata, ao ti na karaoia ma te nano ni kukurei.

I-Rom 15:27

Boni ngaiia aika kukurei ni karaoa aei. Ma a bon riai ni buokiia ake a aki kaub'ai: b'a ngkai a buokanib'ai I-Iutaia ma aomata aika tiaki I-Iutaia ni baika raraoi mairoun te Atua i bukin tamneia, ao bon te b'ai ae riai irouia Kristian aika tiaki I-Iutaia b'a a na buokiia Kristian aika I-Iutaia, n anganiia baika a kainanoi i bukini maiuia.

I-Rom 16:12

Anga au kamauri nakon Nei Terubaina ma Nei Terubota, ake a m'akuri i bukin te UEA; ao angan naba raoraou are Bereti, are rangi ni m'am'akuri i bukin te UEA.

1.I-Korinto 15:10

Ma n ana akoi te Atua ao I riki n ai arou aei; ao e aki matebuaka ana akoi nako iu: b'a I m'akuri korakora riki nakoia taan tuatua akekei; ma tiaki ngai, b'a bon ana akoi te Atua are i rou.

1.I-Korinto 16:16

kam na karineia n iri nanoia te koraki akana ai aroia nakanne, ma aomata nako akana buobuoka te m'akuri, ao akana m'am'akuri.

1.I-Korinto 3:9

Aboro ao ngai, bon raao ni m'akuri i bukin te Atua; ao ngkami ana o n aroka te Atua. Ao ana auti naba ni maeka ngkoe.

2.I-Korinto 6:1

Ao ngkai raon te Atua ni m'akuri ngaira, ao ti butingkami b'a kam na aki butim'aea ana akoi te Atua n te aro ae akea bonganana;

I-Karatia 6:6

Ao ane reireiaki ana taeka te Atua e na buokanib'ai ni baika raraoi ma te tia reirei.

Te Tua-Kaua 18:8

Tao a na kona n reke aia m'aane kanoan Rewi tabeman man kabonakoakin aia b'ai te utu teuana ma teuana, ao tao e aki reke irouia ake tabeman. Ma kanoan Rewi ni kabane ake a m'akuri n te tabo n taromauri, a na reke kanaia ae boraoi m'aitina i marenaia man te am'arake are man taiani karea ma b'aintangira ake a uotaki mairouia aomata.

I-Biribi 2:16

n aromi n taua ni kamatoa taekan te maiu. Ma ngaia ae ngkana e roko ana bong te UEA, ao N na boni kim'areirei iroumi, ngkai e aki matebuaka au kekeiaki ma au m'akuri.

I-Biribi 2:29

Ma ngaia ae kam na m'aneia i nanon te UEA ma te kim'areirei ni kabanea; ao kam na karineia aomata aika aron teuaei:

I-Biribi 4:3

Eng, ao I butiko naba, ngkoe ae raou ni m'akuri ni koaua, b'a ko na buokiia nakanne, b'a a tia ni kakorakoraia ni m'akuri ma ngai i bukin te euangkerio; ao raoia naba Kiremenito ma raou ni m'akuri ake tabem'aang, ake a mena araia n te boki ni Maiu.

1.Timoteo 3:5

B'a ngkana e babanga te aomata n tau aroia kaain oin ana utu, ao e na kanga ni kawakina ana ekaretia te Atua?

1.Timoteo 4:10

B'a ti kakorakoraira ni m'akuri ao ti kekeiaki m'aaka i bukina ngkai ti onimakina te Atua ae maiu, ae aia Tia Kamaiu aomata ni kabaneia, ai moara riki te koraki aika onimaki.

1.Timoteo 4:14

Ko na tai kaaki taekan te b'ai n tituaraoi ane i roum, are ko anganaki n te tai are a taetae ni burabeti iai burabeti ao a katokai baiia i aom unimm'aanen te ekaretia.

1.Timoteo 4:16

Ko na tarataraiko n arom ni maium, ao tarataraa kanoan am reirei. Ko na kakaraoi baikai; b'a ngkana ko karaoa aei, ao ko na kamaiuaki iai ma ake a ongo i roum.

1.Timoteo 4:6

Ngkana ko anga taeka n reirei aikai nakoia taari, ao ko riki iai b'a a na tia m'akuri ae e raoiroi Kristo Iesu, ae ko nabeaki n taekan te onimaki ma taekan reirei aika raraoi, aika ko tou mwiia.

1.Timoteo 5:19

Ko na tai butim'aea taekani bukinan te unimm'aane, ma ti ngkana iai uoman ke teniman taani kakoauaa bukinana.

1.Timoteo 5:3

Ko na karineia n akoia aine aika boni kananoanga ni koaua ngkai a mate buia.

2.Timoteo 2:6

Te tia ununiki ae m'am'akuri boni ngaia ae e riai n reke nakoina te moa n tib'a n uaan aroka ngkana a taiaki.

2.Timoteo 4:2

ko na tataekina ana taeka te Atua, ao ko na kakorakorako ni karaoia i nanon te tai ae riai ke ae e aki; ko na kaoti aroia aomata aika buakaka nakoia, ko na boaiia, ao ko na kaungaia, n reireiia ma te taotaonaki n nano ni kabane.

Ebera 13:17

Kam na ongeaba nakoia ami taani kairiri, ao kam na aan taeka i rouia: b'a a tantani n aki motirawa i bukini kawakinani maiumi, ngkai a nang taekin aroia ni m'akuri. Ngkana kam ongeaba i rouia ma n iri nanoia, ao a na karaoa aia m'akuri ma te kim'areirei; ma ngkana kam aki, ao a na karaoa aia m'akuri ma te rawawata n nano, ao anne bon akea buokami iai.

Ebera 13:24

Kam na anga au kamauri nakoia ami taani kairiri ma ake a itiaki ni kabaneia. A kamauringkami taari aika I-Itare.

Ebera 13:7

Kam na ururingiia ami taani kairiri ngkoa, ake a tataekina ana taeka te Atua nako imi; kam na taratarai aroia ni maiuia ma mateia, ao kam na kakairi n aia onimaki.