1.Timoteo 5:14 - Te B'aib'ara

¹⁴ Ma ngaia ae I tangiriia riki ateiaine aika a mate buia b'a a na iein, a na karikiia natiia, a na tararuaia aia utu, ao a na aki karekea te anga are e na kabuakakaira iai te kairiribai;

1.Timoteo 5:14 ပူးပေါင်းရင်းမြစ်များ

Karikani B'aai 18:6

Ao e kawaekoa Aberaam nakon ana auti n rianna, ao e taku nakon Nei Taara, “Ienikuriko anaa am baeki ni buraawa are te kabanea n tamaroa, ao karaoa am kariki iai.” E mena Nei Taara i akuun Aberaam ni mataroan te auti n rianna, ao e kakauongo.

Karikani B'aai 18:9

Ao a taku uakekei nako ina, “E ngaara buum are Nei Taara?” Ao e taku, “Bon are i nanon te auti n rianna.”

2.Tamuera 12:14

Ao e taku Natan, “Eng, ko a tia! Ko bon aki tabe ma te b'ai ae e tangiria te UEA. E a tia ni kab'araa am bure, ma ngaia are, ko na aki mate. Ma e na mate natim are e a tia ni bungiaki.”

Taeka n Rabakau 14:1

E tei raoi ana utu te aine n rabakauna, ma e konaa ni uruaki arona n nanobabana.

Ieremia 29:6

Kam na iein ao karikiia natimi, ao i mwiina kam na buokiia natimi mm'aane ni kakaaeia buuia ao buokiia naba natimi aine ni kakaaeia buuia, b'a a aonga ni karikiia naba natiia. I tangiria b'a e na rikirake m'aitimi, e na aki rikirake ni uarereke.

Taniera 6:4

Ma ngaia are, a kakaea kabuakakaan ana kairiiri Taniera n te tautaeka naake raona ni mataniwi ao aobitia aika a rietaata, ma e bon aki reke i bukina ngke bon te aomata ae e onimakinaki Taniera, ao akea ana m'akuri ae e kairua, ke aki nakoraoi.

I-Rom 14:13

Ma ngaia ae ti na katoka arora ae te i-kabuakaka, ao ti na karekea ara baire b'a a na akea ae na kaaki te b'ai ni katatata ke ni kab'akab'aka i matan tarina.

2.I-Korinto 11:12

Ma ae I karaoia ao N na boni karaoia naba, b'a I aonga ni katoki wiia “taan tuatua” ake tabeman ake a taku b'a n aia m'akuri are a kamoamoaia iai ao bon ti te bo aroia ni m'akuri ma arora.

1.Timoteo 2:8

Ma ngaia ae I tangiriia mm'aane b'a a na arori baiia aika aki karaoa ae buakaka ao a na tabeki rake n tataro n taabo nako, n aki un ma n aki kauntaeka.

1.Timoteo 4:3

a tuangiia aomata b'a a na tai iein, ao a na tai kang am'arake nako, aika E kariki te Atua b'a a na kakanaki ma te katituaraoi irouia aika onimaki ma n ata te koaua.

1.Timoteo 5:11

Ma ko na tai korei araia ateiaine aika a mate buia i buakon araia aine aika a mate buia; b'a n te tai are e roko iai nanoia ae korakora ni kan iein, ao ane a na rairaki nako mairouni Kristo;

1.Timoteo 6:1

Aomata aika tooro aika mena i aan te amo n toronaki a riai n iangoia oin aia toka b'a a riai ni kabatiaki karineaia, b'a e aonga n taekinaki ni kamoamoaki te Atua ma ara reirei.

Tito 2:5

a na iango raoi, a na itiaki, a na m'am'akuri ni mwengaia, a na raoiroi aroia nakoia aomata, ao a na aantaeka irouia oini buia, b'a e kawa ni kabuakakaki ana taeka te Atua.

Tito 2:8

ao kamanenai taeka aika oin taeka aika a na aki konaki ni kabuakakaki; b'a e aonga ni mamaa te kairiribai iai, ngkai akea te bae buakaka ae e na taekinira iai.

Ebera 13:4

E na karineaki te mare irouia aomata ni kabaneia, ao a na aki urua aroia ni maiu n taanga te mm'aane ma buuna; b'a te Atua E na motiki taekaia ni kabuakakaia taani wene ni bure ma ainenum'a ke mm'aanenum'a ao taani wene ni bure ma ake akea buia.