1.Timoteo 3:15 - Te B'aib'ara

¹⁵ Ma ngkana I waeremwe, ao baika I koroi a na tuangko te aroaro ae riai ni b'ainaki i buakoia ana utu te Atua, ae ana ekaretia te Atua ae maiu, ae te ekaretia ae taua te koaua mai aana b'a bouana ao aana.

1.Timoteo 3:15 ပူးပေါင်းရင်းမြစ်များ

1.Uea 2:2

Natiu i aoni kawaiu ni mate n aroia aomata nako ma I tangiriko b'a ko na korakora ma n ninikoria.

1.Uea 2:4

Ko riai ni kakaonimaki n taai nako nakon te UEA ngkoe ma am kariki. Ngkana ko karaoa anne, ao ane E na kaawakina te berita aei ae E karaoia ma ngai b'a a na uea n taai nako ara utu i aon Iteraera.

2.Uea 19:4

Taiaoka tataro i bukira ngaira aika nikira ni maiu. E kanakoa ana taanga ni buaka uean Aturia b'a e na kakaewenakoa te Atua ae e maiu. E na mena ngkoa ao E ongo te UEA te b'ai ae e taekinna ao E na karaoa te b'ai teuana, ngkana ko tataro.

1.Rongorongo 22:13

Ngkana ko ira nanon Ana tua nako ma ana reirei ake E a tia te UEA n angan Moote, ao ko na bon tetekeraoi. Ko na korakora ao ko na ninikoria ao e na aki b'ab'ara nanom ke ni maaku ni b'aai nako.

Taian Areru 42:2

E korakora tangiram irou, te Atua ae ko maiu. N ningai ae N na roko iai i matam n taromauriko?

Taian Areru 84:2

Ti te kan nako ngai ni mena ikekei! I kan nako ni mena n ana Tembora te UEA. I anene ni kakatonga nakon te Atua ae maiu ma nanou ni kabane.

Ieremia 1:18

E na kakorakorako m'aakau kaanga te nono ke taiani boua aika biiti ke te oo ae te buraonti. Ko na kaaitaraia kaain Iuta ni kabane, n reitaki ma ueana ao taani kairiiri, ibonga ao aomata.

Ieremia 10:10

Te UEA, bon ti Ngkoe te Atua ni koaua ae e maiu. Ko na tautaeka n taai nako. E m'aieie te aonnaba ngkana ko un, ao a mauna nako botannaomata.

Ieremia 23:36

E taraa n ae bon iai ami rongorongo n tatabemaningkami nako! Ma ngaia are, ngkana kam kaangai, “Aio te rongorongo mai roun te UEA,” kam a kab'aoua Au rongorongo nakon te kewe. Ururingnga b'a bon Atuam Ngai, te UEA ae Moan te M'aaka.

Taniera 6:26

Au kaetieti nakoimi ni kabane kaain au tautaeka b'a kam na bane ni maaka ao ni karinea Atuan Taniera.

Otea 1:10

Ane a na roko boong ae e na kangaanga iai warekaia Iteraera, b'a a na rangi ni m'aiti kaanga tanon mataniwiin te bike. A atongaki ngkai b'a “Tiaki Au Aomata,” ma ni boong aika a na roko a na atongaki b'a “Natin te Atua ae E Maiu.”

Mataio 16:16

E kaekaa Timon Betero ao e taku, “Bon te Kristo Ngkoe, are Natin te Atua are maiu.”

Mataio 18:18

E koaua ae I a tuangngkami b'a akana kam tabui i aonnaba, ao a na manga katabuaki i karawa; ao akana kam kariai i aonnaba, ao a na manga kariaiaki i karawa.

Ioane 1:17

E anganaki te aba te Tua irouni Mote; ma te akoaki ao te koaua a roko iroun Iesu Kristo.

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

Ioane 18:37

E taku ngkanne Birato nakoina, “Bon te uea Ngkoe ngkanne?” E kaeka Iesu ao E taku, “Ko taku b'a te uea Ngai I bungiaki i bukin ae ti te kaotiota te koaua, ao aei naba bukin ae I roko iai i aon te aba. Ane b'ab'aina te koaua, ao e ongo b'anaau.”

Ioane 6:69

Ti kakoauako ao ti ataiko b'a Teuare Moan te Raoiroi Ngkoe, are Natin te Atua.”

M'akuri 1:2

ni karokoa te bong are E uotaki rake iai nako karawa, i mwin tiana n anga ana mwioko iroun te Tamnei are Raoiroi nakoia taan tuatua ake E a tia n rineia.

M'akuri 14:15

ni kaangai, “Mm'aane, Kam aera ngkai kam karaoi baikai? Bon aomata naba ngaira aika ai aromi! Ao ti tuangngkami te rongorongo ae e raoiroi, b'a kam na rairaki mani baika akea bonganaia nakon te Atua are maiu, are karaoa karawa ma aonnaba, ma marawa, ma b'aai ni kabane ake a mena i nanoia.

I-Rom 3:2

E bati n aaro nako. B'a mai moana ao E mwiokoia I-Iutaia te Atua b'a a na kawakina ana taeka.

I-Rom 9:26

ao n te tabo are e taekinaki iai ae kaangai nakoia, ‘Tiaki au aomata ngkami,’ ao a na atongaki naba iai b'a natin te Atua ae maiu.”

1.I-Korinto 10:32

Tai karaoa te bae e na riki b'a te kanganga nakoia I-Iutaia, ke I-Erene, ke ana ekaretia te Atua;

1.I-Korinto 3:16

Kam na ataingkami b'a ana um'antabu te Atua ngkami, ao E maeka Tamnein te Atua i nanomi!

2.I-Korinto 3:3

ao e teretere b'a bon ana reta Kristo ngkami, ae ti uotia, ae koreaki tiaki n te ingke, ma n Tamnein te Atua ae maiu; ae koreaki tiaki i aoni baaba aika atibu, ma i aoni baaba aika iriko aika nanomi.

2.I-Korinto 6:16

Ao tera reitakin ana um'antabu te Atua ma bouannanti? B'a ngaira bon ana um'antabu te Atua ae maiu, n ai aron ana taeka te Atua are kangai: “N na mamaeka i buakoia ao N na nakonako i buakoia; N na riki b'a Atuaia, ao a na riki b'a au aomata.”

2.I-Korinto 6:7

n taekan te koaua, ao m'aakan te Atua. Ao e riki ara raoiroi b'a ara b'aai ni buaka ao te tia kataniira.

I-Karatia 2:9

ao Iakobo, ma Keeb'a, ma Ioane, ake a atoatongaki b'a boua, ngke a ata ae E anganai te Atua te mwiokoaki aei, ao a anganai ma B'arenaba angaataia, ao ti iobai ma ngaiia, b'a kaotan aroaro n iraorao ni mwiokoara, ngaira nakoia aomata aika tiaki I-Iutaia, ao ngaiia nakoia I-Iutaia.

I-Karatia 3:1

I-Karatia aika kam nanobaba, antai ae m'am'anaingkami, ngkami aika E kaotaki raoi taekani Iesu Kristo i matami, b'a E tauraki n te kaibangaki?

I-Ebeto 4:21

Kam a bon tia n ongo taekana; ao ngkai kam reitaki ma Ngaia, ao kam a reireiaki te koaua are iroun Iesu.

Te Tua-Kaua 31:23

Ao E taku te UEA nakon Iotua, Ko na ninikoria, ao ko na korakora. N na buokiko ni kairiia Iteraera nakon te aba are I a tia ni berita iai nakoia.

Te Tua-Kaua 5:26

Iai aika a tia n ongo b'anaan te Atua ni koaua man te ai n ai arora? Ao ngkana a tia, a kona n teimatoa ni maiu ma n tataekinna?

I-Korote 1:5

i bukin te kaantaninga are e kamenaki i m'aimi i karawa; are kam ongo taekana ngke kam moa n onimakina taekan te koaua, ae bon te euangkerio,

1.I-Tetaronike 1:9

A bane aomata n taekina aron rinra i buakomi, ma aromi ngke kam rairaki mani bouannanti nakon te Atua, n toro iroun te Atua ae maiu ae koaua,

1.Timoteo 3:14

Ngkai I koroi baikai nako im, ao I kaantaninga b'a N na roko i roum i nanon te tai ae aki maan.

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.

1.Timoteo 3:2

E riai iroun te mataniwi n te ekaretia b'a a na akea arona ae na kabuakakaki iai; e riai n ti temanna buna, e na taua baangina, e na b'aina te nanowanawana, e na rabakau te aroaro, e na akoia iruwa, ao e na rabakau n reireiia aomata;

1.Timoteo 3:5

B'a ngkana e babanga te aomata n tau aroia kaain oin ana utu, ao e na kanga ni kawakina ana ekaretia te Atua?

1.Timoteo 4:10

B'a ti kakorakoraira ni m'akuri ao ti kekeiaki m'aaka i bukina ngkai ti onimakina te Atua ae maiu, ae aia Tia Kamaiu aomata ni kabaneia, ai moara riki te koraki aika onimaki.

1.Timoteo 6:16

ae ti Ngaia ae aki mamate, ae maeka n te oota are aki konaaki ni kawaraki; akea te aomata ae e a tia n noria, ao akea ae kona n noria. Ana b'ai te karineaki ma te m'aaka ae aki totoki. Amen.

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

2.Timoteo 2:20

A mena i nanon te auti ae ab'ab'aki tiaki ti m'angko aika karaoaki mani koora ao tirewa, ma iai naba aika karaoaki mani kaai ma taano; iai tabeua i buakoia aika b'aini botaki aika kakannato, ao tabeua a kabonganaki n taai n aki akaaka.

Ebera 10:21

ao ngkai iai ara Ibonga ae Kakannato ae E mataniwi n ana auti te Atua;

Ebera 12:22

Ma kam kaania te maunga are Tion ma ana kawa te Atua ae maiu, are Ierutarem are i karawa, ma anera aika ngaa ma ngaa,

Ebera 3:12

Kam na tarataraingkami, taari, b'a e na aki mena iroun temanna i buakomi, te nano ae buakaka ae aki onimaki, ae te kani kitana te Atua ae maiu.

Ebera 9:14

ao ai bati ra riki kaitiakani mataniwin nanora mani m'akuri aika akea uaaia n raraani Kristo are anga Ngaia iroun te Tamnei are Raoiroi n aki totoki b'a te karea ae akea buakakana nakon te Atua, b'a kam aonga n toro iroun te Atua ae maiu!

Iotua 3:10

E na katotoroianako mai i m'aaimi kaain Kanaan, ma kaain Eta, ma Iwaite, ma Beritaite, ma Kirekataite, ma Amoraite ao kaain Iebuti. Ao ane kam na ataia b'a E memena te Atua ae maiu i buakomi

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.

1.Betero 4:17

B'a e a roko te tai ae na moanaki iai te motiki-taeka mairouia ana aomata te Atua; ao ngkana e moanaki mai roura, ao e na tera mwina nakoia akana aki ira nanon ana euangkerio te Atua?

Te Kaotioti 7:2

Ao I nora te anera temanna b'a e rierake man te tabo are e kaoti taai mai iai, ao iai i rouna te b'ai ni kanikina, ae ana b'ai te Atua ae maiu; ao e taetae n te b'anaa ae korakora nakoia anera ake aman ake a anganaki te kona ni b'ainikirina aonnaba ma karawa.

1.Tamuera 17:26

Ao e titiraki Tawita nakon te tautia are e mena i rarikina ao e taku, “Tera ae na reke nakon te m'aane are tiringa kaain Biritia arei ma ni katokia man kakaotinakoaia ara aomata? Tao e taku b'a tera ngaia kaain Biritia ae akea manenana aei? E b'ainingarea Ana taanga ni buaka te Atua ae maiu!”

1.Tamuera 17:36

Teuae ko karineaki, I a tia n tiringi raian ma taiani bea n te aro anne, ao I bon kona riki n tiringa kaain Biritia ae akea manenana aei. E riai n aki b'ainingareia ana taanga ni buaka te Atua ae maiu!