1.Timoteo 3:14 - Te B'aib'ara

¹⁴ Ngkai I koroi baikai nako im, ao I kaantaninga b'a N na roko i roum i nanon te tai ae aki maan.

1.Timoteo 3:14 ပူးပေါင်းရင်းမြစ်များ

1.I-Korinto 11:34

Ngkana iai ae baki i buakomi, ao a riai n am'arake n aia auti, b'a kam aonga n aki motikaki taekami iroun te Atua ngkana kam bootaki. Ao i bukin b'aai riki ake tabeua, I a bon kaeti ngkana I roko ikanne.

1.I-Tetaronike 2:18

Ma ngaia ae ti a kan nako imi. Ngai ae B'auro, I kataia moa n te taina, ao manga te taina riki i mwina; ma e tukiira Tatan.

1.Timoteo 3:13

B'a taani buobuoki aika karaoa raoi aia m'akuri a karekei nneia aika raraoi, ao a kona n taekina taekan onimakinan Kristo Iesu i rouia ma te ninikoria.

1.Timoteo 3:15

Ma ngkana I waeremwe, ao baika I koroi a na tuangko te aroaro ae riai ni b'ainaki i buakoia ana utu te Atua, ae ana ekaretia te Atua ae maiu, ae te ekaretia ae taua te koaua mai aana b'a bouana ao aana.

1.Timoteo 4:13

Ko na tabe ma warekan te B'aib'ara, te kab'arab'ara, ao te reireiia aomata ni karokoa rokou.

Biremon 1:22

Ao i rarikin naba aei, ko na katauraoa te tabo ae N na mena iai: b'a I kaantaninga ae kam na anganaki ngai b'a kaekaan ami tataro.

Ebera 13:23

Kam na ata tarira are Timoteo b'a e a tia ni kainaomataki; ao ngkana e aki waeremwe n roko i rou, ao ti na uaia n noringkami.

2.Ioane 1:12

Ngkai a bati au taeka aika I kani koroi nako imi, ao I aki kani koroi n te beb'a ma te anto.

3.Ioane 1:14

Ma I kaantaninga b'a N na waetata n noriko, ao ti na taetae ni kaaitara.