1.Timoteo 2:15 - Te B'aib'ara

¹⁵ Ma e na kamaiuaki ni bungian natina, ngkana e teimatoa i nanon te onimaki ma te tangira, ao ni b'aina te maiu ae itiaki ma n nanowanawana.

1.Timoteo 2:15 ပူးပေါင်းရင်းမြစ်များ

Itaia 7:14

Ma e na bon teimatoa naba te UEA n anganingkami te b'ai ni kakoaua. E na bikoukou te ataeinaine E na bungiia natina te m'aane ao e na aranna b'a Emmanuera.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Ieremia 31:22

Tera ngke kam teimatoa ni kakaonimaki? N na bon kakoauaa b'a n te tai teuana ao a na manga kaokoro b'aai nako, kaanga kaokoron te aine ae e kaawakina te mm'aane.

Ruka 2:7

E bungiia ana moa n nati te mm'aane ao e niria n te kunnikai ae te ninira, ao e kawenea ni nneni kanaia maan n am'arake b'a akea aia ruu n te auti n iruwa.

1.I-Korinto 12:23

ao ti kabatiai riki karineani b'ain te rab'ata aika ti taku b'a a mangori, ao a m'aiti riki aron tararuani b'ain rab'atara aika aki tau n te noraki;

1.Timoteo 1:14

Ma E rangi n akoi te Uea nako iu, ngke E anganai te onimaki ma te tangira ae ti b'ainna ngkai ti reitaki ma Ngaia.

1.Timoteo 1:5

Te kaantaninga i bukin te bae ti tuangko iai, b'a e na reke i rouia te tangira ae bwebwerake man te nano ae itiaki ao mani mataniwin te nano ae e raoiroi ma te onimaki ni koaua.

1.Timoteo 2:9

I tangiriia naba aine b'a a na kunnikainiia n te kunnikai ae riai ae a na aki taekinaki ni kamoamoaki iai; ao a na tai kunnikainiia ni kunnikai aika bo-buaka;

Tito 2:12

Te akoi anne are reireira b'a ti na rawa nakon te maiu are akea karinean te Atua iai ma te maiu n tangiri b'ain aon te aba, ao ti na b'aina te maiu n iango raoi, ae te maiu ae karaoa nanon te Atua ma n i raorao ma Ngaia n te aonnaba aei,

1.Betero 4:7

E a kaan tokini b'aai ni kabane, ma ngaia ae kam na nanowanawana ma n tatauraoi n tataro.