1.Tamuera 9:16 - Te B'aib'ara

¹⁶ “I a tia n noora rawawataia Au aomata, ao I ongo aia wewete ni kani buokaki. Nakon te ingabong, ao N na kanakoa te m'aane man te baronga are Beniamin, ae na kamaiuia aomata mairouia kaain Biritia. I tangiriko b'a ko na kab'aroa b'aan te oriwa i aon atuuna ni kaotia b'a e na riki b'a aia tia kairiiri.”

1.Tamuera 9:16 ပူးပေါင်းရင်းမြစ်များ

2.Tamuera 3:18

Ma ngaia are, kam riai ni karaoa anne! B'a E a tia n taekinna te UEA b'a E na kamanenaa Tawita ni kamaiuia Iteraera mairouia aia kairiribai, ma ai moara ra riki mairouia kaain Biritia.”

2.Uea 20:5

ao E kaokia te UEA nakon Etekia ma te rongorongo ae kaangai: Etekia, bon Au tia tautaeka ngkoe i aoia au Aomata, ao boni Ngai te UEA ae te Atua, are E taromauriaki iroun am bakatibu are Tawita. I ongo am tataro, ao I nooriko ngke ko tang. N na boni kamarurungko, b'a ko aonga ni konaa ni manga taromauriai n au Tembora i mwiin tenibong mangkai.

Taian Areru 102:1

Te UEA, ongo au tataro, ao ongora ni b'anaan au bubuti!

Taian Areru 106:44

E ngae n anne, ao E bon ongo naba aia tataro n aia tai n rawaawata.

Taian Areru 25:18

Ko na mutiakin rawaawatau ma marakiu; ao kab'arai au bure ni kabane.

Taeka n Rabakau 16:9

Ti karaoi ara babaaire, ma bon te UEA ae e baairei kawaira ake ti na nako iai.

Ieremia 32:8

Ao e roko Ananera, n aron are E a tia ni berita iai te UEA ao e taku, “Taiaoka kabooa te tawaana are i rarikin Anatota i abaia te baronga are Beniamin. Bon iai riaina iroum ni kabooa, ao ngkana ko kabooa e na tiku iai i nanon ara utu.” E a tia n tuangai te UEA b'a N na kabooa

1.Tamuera 10:1

Ao e anaa te tiaeki ni b'a n oriwa ae uarereke Tamuera ao e kab'aroa i aon atuun Tauro. Ao i mwiina, e kiitina Tauro ao e taku nako ina: E a tia n rineiko te UEA b'a te tia kairiiri ao te tia tautaeka i aoia Ana aomata.

1.Tamuera 14:20

Ao e kawaekoa ni bootia ana taanga ni buaka, ao i mwiina e kairiia nakon aia kaemb'a kaain Biritia. Ao n te tai aei, a rangi ni mangaongao kaain Biritia ao a bon tiringiia i bon irouia.

1.Tamuera 14:23

Ma ngaia are, E buoka Iteraera te Atua ni katokanikaia n te bong arei. E a tia n tuangiia mai m'aaina ana tautia Tauro ni kaangai, “N na kabooa mwiin aia m'akuri kaain Biritia i m'ain bungin taai, ma ngaia are, akea ae na am'arake i m'aain bungintaai. Ao ane am'arake i m'aain bungintaai ao e na maraia!” Ma ngaia are, e tuangiia b'a a na berita ke n tuea b'a a na aki am'arake. Ao n te tai anne, e a tia n ri rarikin te kaawa are Beta-Awen te buaka, ao a rootaki n te baki ae korakora ana taanga ni buaka Iteraera.

1.Tamuera 15:1

Ao n te bong teuana ao e taku Tamuera nakon Tauro: E kabonganaai te UEA n rineiko b'a aia uea Ana aomata aika Iteraera. Ao ngkai ko na ongora n te rongorongo mairoun te UEA:

1.Tamuera 16:1

Ao E taku n te bong teuana, “Tamuera, I a tia n ribaa Tauro, ao I aki tangiria b'a e na riki b'a te uea. Ko na aki nanoangaia. Uota b'aan te oriwa teutana n te kaonteina ae uarereke ao naako kawara te aomata ae arana Iete, ae maeka i Betereem. I a tia n rinea natina te m'aane temanna b'a e na uea.”

1.Tamuera 16:3

ao e kaooa Iete nakon te angakarea. Ngkana I tia n tuangko b'a antai natina te m'aane ae I rineia, ao ko a kab'aroa naba i aon atuuna b'aan te oriwa.”