1.Tamuera 8:7 - Te B'aib'ara

⁷ Ao E kaeka te UEA: Tamuera, karaoi b'aai ni kabane akana a tangiri. B'a a bon ribaai b'a N na riki b'a aia uea.

1.Tamuera 8:7 ပူးပေါင်းရင်းမြစ်များ

Te Otinako 16:8

Ao e taku Moote, “Bon te UEA ae na anganingkami te iriko are kam na kanna nakon te tairiki, n ai aron m'aitin te kariki ae kam kakanna n te ingabong, i bukina b'a E a tia n ongo m'aitin ngurenguremi nako Ina. B'a ngkana kam ngurengure nako ira, ao kam boni ngurengure iai nakon te UEA.”

Itaia 66:4

Kam rawa n ongo weteami ngke I weteingkami; Kam aki kan ongo nakon au Kaetieti. Ma kam a manga karaoi baika a ribaaki, ngke kam bon ataia b'a a bon kaairua. Ao ngkai N nang katuaaingkami n te aro ae kam na rangi ni maaku iai.

Ieremia 34:14

Ao e taekinaki ni m'akoron te boraraoi anne b'a kam na riai ni kainaomataia tooro aika kaain Ebera i mwiin onoua aia ririki ni m'akuri iroumi. Ma a aki kan kubarai ke n ongo n te b'ai are I taekinna ami bakatibu.

Etekiera 2:3

Etekiera, I kanakoko nakoia Iteraera. Ti te bo aroia ma aia bakatibu aika a kakaitaraai ao a aki tangiria ni katoka aroia arei.

Etekiera 3:7

Ma ane a na rawa n ongo iroum Iteraera, i bukina b'a a rawa n ongo i Rou. A bane n taningabono ao a matoatoa atuuia,

Warekaia Iteraera 22:20

Ao e taku te UEA n te tairiki arei, “B'araam N na kanakoko nako Moaba ma ana taan ua rongorongo B'araka, ma ko na ti karaoi baika I taekin.”

Mataio 10:40

Ane m'aneingkami n akoingkami, ao e m'aneai n akoai; ao ane m'aneai n akoai, ao e m'anea n akoa Teuare kanakoai.

Ruka 10:16

“Ane ongo i roumi, ao e ongo naba i Rou; ao ane e ribaingkami, ao e ribaai naba; ao ane ribaai, ao e ribaa naba Teuare E kanakomaiai.”

Ruka 19:14

Ma e ribaaki teuarei irouia ana aomata, ao a kanakoia taan taetae i bukiia b'a a na ri mwina, ao a na atongi taeka aikai n te aba are e mena iai teuarei: “Tiaki tangira teuaei b'a e na uea i aora.”

Ruka 19:27

Ao i bukiia taan ribaai akanne, akana a aki tangirai b'a N na tautaeka i aoia, kairiia mai, ao tiringiia i matau.”

Ioane 13:16

Bon te koaua ni koaua ae I a tuangngkami, b'a e aki kakannato riki te toro nakon ana mataniwi; ao e aki kakannato riki ane kanakoaki nakon ane kanakoa.

Tani Motiki-taeka 8:23

Ao e taku Kiteon, I aki, I aki kan riki b'a te uea, ao a na aki riki naba b'a uea natiu. B'a bon ti te UEA ami tia tautaeka.

1.Tamuera 10:19

E a tia te Atua ni kamaiungkami man taiani kangaanga ma taiani kabuanib'ai. Ma kam a tia ni kamoamoaingkami nakon Atuami ma n bubuti karekean ami uea. Ma ngaia ae ngkai, kam na bane ni kaaningkami baronga ma kaainga n tatabeua nako nakon te tabo n taromauri b'a E aonga n rinea te uea te UEA.

1.Tamuera 12:1

Ao e taku Tamuera nakoia Iteraera: I a tia n anganingkami te uea, n aron ami bubuti.

1.Tamuera 12:12

Ao kam nooria b'a e nang buakaningkami uean Ammon are Naati. E ngae ngke bon ami UEA ae te Atua ae ami uea, ma kam taku nako iu, “N te tai aei ao e kaokoro, ao ti a tangira te uea ae na tautaekaniira!”

1.Tamuera 8:22

Ao E taku te UEA, “Karaoa te b'ai are a tangiria. Karekea aia uea.” Ao e tuangiia aomata Tamuera b'a a na okiri mwengaia.

1.Tamuera 8:8

Ni moa man te tai are I kaotinakoia iai mai Aikubita ni karokoa te bong aei, a tia ni kiitanai n taromauri taiani bouananti, ao ngkai a manga tannako naba mai Rou.