1.Tamuera 8:5 - Te B'aib'ara

⁵ ao a taku, “Ko a boni kara. Ao ko a tia ni katea te banna ae raoiroi nakoia natim m'aane, ma a aki toua mwiina. Ao ngkai ti a tangira te uea ae na kairiira.

1.Tamuera 8:5 ပူးပေါင်းရင်းမြစ်များ

Warekaia Iteraera 23:9

“I taratara rikaaki mai taubukin te Maunga ao I nooriia Iteraera, Ana aomata te Atua aika ongotaeka.

M'akuri 13:21

Ao rimwi riki, a bubuti b'a e na karekeaki aia uea: ao te Atua E anganiia Tauro are natini Kiti are kaain te baronga are Beniamin, b'a e na uea i aoia i nanon te maan ae abwi te ririki.

Tani Motiki-taeka 8:22

Ao i mwiin te buaka ma kaain Miiria, ao a taku Iteraera, Kiteon, ko kamaiura? Ao ngkai ti tangiria b'a ko na riki b'a ara uea. Ao ngkana ko mate, ao e na manga uea natim te m'aane, ao i mwiina tibum te m'aane.

1.Tamuera 10:19

E a tia te Atua ni kamaiungkami man taiani kangaanga ma taiani kabuanib'ai. Ma kam a tia ni kamoamoaingkami nakon Atuami ma n bubuti karekean ami uea. Ma ngaia ae ngkai, kam na bane ni kaaningkami baronga ma kaainga n tatabeua nako nakon te tabo n taromauri b'a E aonga n rinea te uea te UEA.

1.Tamuera 12:13

Kam bubuti karekean ami uea, ao kam rinea temanna. Ao ngkai e tei i rarikira ao kam boni bane n nooria. Ma bon te UEA ae rineia b'a ami uea.

1.Tamuera 12:17

Tiaki aei ngkoa tain te m'auteretere? N na bubutiia te UEA b'a E na karokoa te karau ma te baa. Ngkana kam nooria, ao kam na ataia b'a kam a tia ni bure ngke kam tangira te uea.

1.Tamuera 12:2

Kam a tia n noora aron kairakimi i rou ni moa man te tai are I rorobuaka n ataei iai. I a boni kara, a iaia iran atu, ao a ikawai natiu m'aane. Ao ngkai kam nang noora raoi aron kairakimi iroun ami uea.

1.Tamuera 9:20

Ko na aki raraoma n am aati ake a birinako tenibong te bong n nako. A tia n reke. Am b'ai ma am utu b'aai ni kabane aika rangi ni kakaawaki i aon Iteraera.”