1.Tamuera 7:6 - Te B'aib'ara

⁶ Ao a bootaki ni kabowi Iteraera i Mitib'a ao a kairaki i roun Tamuera. Ao a itiia te ran man te m'anib'a ao a kab'aroa b'a kaanga aia karea nakon te UEA. Ao ni bon te bong naba anne, ao a aki am'arake ni kaota rawawataia, ao a kaoti aia bure ma aia aki kakaonimaki nakon te UEA.

1.Tamuera 7:6 ပူးပေါင်းရင်းမြစ်များ

Karikani B'aai 31:49

Ao e taku naba Raab'an, “Ke E tarataraira te UEA ngkana ti a raure nako.” Ma ngaia are, e aranaki naba te tabo arei b'a Mitib'a.

2.Tamuera 14:14

Ti na bane ni mate ma ni mauna nako kaanga te ran ae e kab'aroaki i aon te tano. Ma E aki anai maiura te Atua, ma n onea mwiin anne, E a manga bon karekea te kawai are ti na manga oki iai ngkana ti biri nako.

1.Uea 8:47

Rimwi, a na namakina aia bure ao a na butiiko kab'araan aia bure. Kaekaia ngkana a tataro ni kaaitaraa te Tembora aei ae I a tia ni karaoia i bukin n am kaawa ae Ko rineia aei i nanon te aba are Ko anganiia aia bakatibu. Ko na ongora mani mwengam i karawa nakon aia tataro korakora ao kaekai aia buubutii.

1.Rongorongo 11:18

Ao a nako Taani Buaka ake Teniman akekei ni karaba n niniia aia kaemb'a kaain Biritia ao a itiia te ran man te m'anib'a are ni mataroan te kaawa are Betereem. A uotia rikaaki nakon Tawita, ma e aki kan nimma, ao e kab'aroa te ran arei b'a te karea nakon te UEA

2.Rongorongo 20:3

Ao e maaku Ieotiab'ata, ao e titirakina te UEA te b'ai ae e na karaoia. Ao i mwiina, e a tuangiia kaain Iuta b'a a na aki am'am'arake ni kaota rawaawatan nanoia.

Neemia 9:27

Ma ngaia are, Ko anga ngaiia nakoia aia kairiribai, ake a karaoa te m'akuri ae moan te buakaka nakoia. A buubuti buokaia mai i buakon rawawataia. Ko kakauongo nakoia mai karawa nakon aia tataro ko kanakoia taani kairiiri b'a a na kamaiuia i bukin am nanoanga ae e korakora,

Iobi 16:20

A tinanikuai raoraou, ao a tiinako rannimatau nakon te Atua.

Iobi 3:24

Kanau ma nimau, bon te tanginiwenei ma te ngirangira,

Iobi 33:27

Ane a na taetae i mataia aomata ni kaangai, “I a tia ni bure, I a tia ni karaoa te b'ai ae aki raoiroi, ma e aki katuaaeai te Atua ngke I bon riai ni katuaeaki.

Iobi 40:4

I taetae ni baba te UEA, tera ae N na kona ni kaeka? N na bon aki kataia n taekina riki te b'ai teuana.

Iobi 42:6

Ma ngaia are, I mamaa ni b'aai ake I a tia n taekin, ao I raira nanou ma te rawawatau ao te nanomaraki ae korakora.

Taian Areru 106:6

Ti a tia ni bure n ai aroia naba ara bakatibu, Ti a tia ni karaoa ae bure ma ae buakaka.

Taian Areru 119:136

A waanako rannimatau kanga ai aron raangan ranin te karaanga, B'a a aki ongeaba aomata nakon am Tua.

Taian Areru 42:3

Bon ti kanau rannimatau ni ngaina ao ni bong; Ao a aki toki ni kaangai nako iu au kairiribai, “E nga Atuam?”

Taian Areru 6:6

I kua i bukini korakoran rawawatan nanou; e tingo nneu ni wene n te tairiki ae koraki i bukin tangiu; ao e rangi n roto uningau n rannimatau.

Taian Areru 62:8

Kam na onimakina te Atua n taai nako, ngkami aika au aomata. Tai toki n tuangnga ami kangaanga ni kabane, b'a Ngaia nera ae ti rau raoi iai.

Ieremia 31:19

Ngke ti uarereke ngkoa, ti m'aninga nako ao ti bure, ma i mwiina ti uringaaba n te b'ai ae ti a tia ni karaoia. Ti mamaa ao ti b'ainrang. ao ti tangiria n okiriko.”

Ieremia 36:9

N te karuaiwa n nam'akaina n ana kanimaua n ririki ni uea Ieoiakim i aon Iuta, ao a aki am'aam'arake aomata i bukin anaakin nanon te UEA. E karaoaki te aki am'aam'arake irouia ake a maeka i Ierutarem ao irouia aomata ni kabane ake a roko ikekei man kaawan nako Iuta.

Ieremia 9:1

Tera ngke a riki matau b'a koburake n ran ni mata, n te aro are I konaa n tang iai ni bong ao ni ngaina i bukiia Au aomata ake a tia n tiringaki.

B'aeb'aeti 2:11

A tibutibu matau n tang, e a korakai tamneiu. E korakai nanou n rawaawatau i bukin kamaunakiia au aomata. A wene ni baki ataei i nanon te kawai i nuukan te kaawa.

B'aeb'aeti 3:49

A na tiinako rannimatau b'a raan aika a raanga n akea tokiia.

B'aeb'aeti 5:16

Bon akea nikiran kakatongan nanora, Ti bure ao ti a matakii n rannimatara,

Etekiera 20:4

Ko tangiria ni kauringiia, Etekiera? Ao kauringiia n aia bure aika a rangi n ribaaki ake a karaoi aia bakatibu.

Otea 5:1

Ongora, ngkami aika ibonga! Kakauongo raoi, Iteraera! Ongora, ngkami aika kaain te utu n uea. Bon tabemi karaoan te motikitaeka ae eti. Ma kam kam'aneia aomata i Mitib'a ao te Maunga are Tabora.

Ioera 2:12

E taku te UEA: E tuai ni b'aka nako taina. Kam bon konaa naba n okirai ma nanomi ni kabane. Moana tangimi ma tanginiwenei! Kam na aki am'aam'arake.

Nakoaia Ibonga 16:29

Ni katebwinan bongin te kaitiua n nam'akaina: kam na aki am'aam'arake ni kaota nanokawakimi i bukin ami bure, bon akea temanna, n reitaki naba ma Ianena akana a maeka i buakomi, ao akea naba temanna ae kariaiakaki ni m'akuri.

Nakoaia Ibonga 26:40

I mwiina, ao aongkoa kam a ataia ae I a eekinakoingkami ma n uotingkami nakon abaia ami kairiribai i bukin are ngkami ma ami bakatibu kam a tia n rangi ni kamatoaingkami ma ni bure nako Iu.

Ruka 15:18

N na tei rake, ao N na nako n tamau, ao N na kangai nako ina, ‘I a tia ni bure nakon Teuare i karawa ao nako im;

Iotua 18:26

Mitibe, Kebira, Mota,

Tani Motiki-taeka 10:10

Ao a bubutiia te UEA buokaia ao a raraoma nakoina ni kaangai, Ti a tia n aki kakaonimaki nakoim. Ti a tia ni katoka taromauriam ma n taromauriia Bara.

Tani Motiki-taeka 10:15

Ao a taku Iteraera, Ti bon aki kakaonimaki, ma ngaia are, ngkana Ko na katuaaira, ao katuaaira, ma ti butiiko b'a Ko na kamaiura mai rouia kaain Ammon.

Tani Motiki-taeka 2:4

Ao a tang n takaarua Iteraera,

Tani Motiki-taeka 20:26

Ao a nakon te tabo n taromauri Iteraera i Betaera, te tabo ike e kaawakinaki iai te Atiniberita. A tekateka i aon tano, ao a tang ma n aki am'arake ni karokoa te bong. Ao ngke e nang bung taai, ao a angakarea nakon te UEA ao a bubutiia Ana kakab'aia. Ao e tataro Bineati are te ibonga ni kaangai, Ara UEA, bon ara koraki kaain te baronga are Beniamin. Ti nang katoka buakanakiia, ke ti na buakaniia riki? Ao E taku te UEA, Buaka, ao N na katokanikaingkami nakon te ingabong.

Tani Motiki-taeka 3:10

Ao E ninia Oteniera Tamnein te UEA, ao e kairiia Iteraera nakon te buaka ni kaaitaraa Kutian Ritiataim. Ao E anga te tokanikai te UEA nakon Oteniera,

1.Tamuera 1:15

“Teuaei, tai iangoia b'a I aki raoiroi!” E kaeka Nei Anna. “I aki manging. I bon aki momooi manging.

1.Tamuera 10:17

Ao e kanakoa te rongorongo Tamuera nakoia Iteraera b'a ana bootaki i Mitib'a b'a a na kaaitibo ma te UEA.

1.Tamuera 12:10

Ao a manga tang naba nakon te UEA ami bakatibu i bukin buokaia. Ao a taku, “Ti a tia ni bure! Ti aki tataromauriko, ara UEA, ao ti a manga moana taromaurian B'aara ao Nei Atiterota. Ma ngkana Ko kamaiura ngkai mairouia ara kairiribai, ao ti na manga taromauriiko.”

1.Tamuera 7:15

Ao e riki b'a te tia kairiiri Tamuera i aon Iteraera ni kabane bongin maiuna.