1.Tamuera 6:6 - Te B'aib'ara

⁶ Kam na aki riki kaanga aroia kaain Aikubita ma aia uea. A taningabono, ao ngke E a tia te Atua ni karawawataia, ao a kanakoia Iteraera.

1.Tamuera 6:6 ပူးပေါင်းရင်းမြစ်များ

Iobi 9:4

E rangi n rabakau te Atua ao E m'aaka, ao bon akea te aomata ae kona n teirake ni kaitaraa.

Taian Areru 95:8

“Kam na tai kamatoatoai nanomi, n ai aroia ami bakatibu ngkoa i Merib'a, N ai aroia n te bong arei n te rereua i Mata,

Te Otinako 10:3

Ma ngaia are, a nako Moote ma Aaron nakon te uea ao a taku, “E kaangai ana taeka te UEA ae Atuaia Ebera, “Maan ra riki ngkoe n rawa ni konaaki i rou? Ko na kanakoia au aomata, b'a aonga n taromauriai.

Te Otinako 14:17

N na karaoia kaain Aikubita b'a a na rangi n taningamatoa n te aro are a na bon waaki naba n rimwimi, ao e na manga karineaki naba arau i bukin au tokanikai i aon te uea ma ana taanga ni buaka, ana kaa ni buaka, ao ana taan kabuti kaa ni buaka.

Te Otinako 14:23

Ao kaain Aikubita, a kakioia nako nanon taari ma aia aoti ni kabane, ma aia kaa ni buaka, ao taani kabuti kaa ni buaka.

Te Otinako 4:21

Ao E taku te UEA nakon Moote ngke e tabe ni m'ananga i aoni kawaina: Ngkana ko roko i Aikubita, ko na nakon te uea ao ko na karaoi am kakai ake I a tia ni kaoti nako im. Ma N na karaoia b'a e na rangi ni taningamatoa n te aro are e na rawa ni kanakoia au aomata.

Te Otinako 7:13

Ao e taningamatoa te uea n aron are E taku te UEA ao e aki kan ongo.

Te Otinako 7:14

E taku te UEA nakon Moote: E taningamatoa uean Aikubita ao e rawa ni bita ana iango ma ni kanakoia aomata.

Te Otinako 8:15

Ma ngke e nooria te uea b'a nako raoi b'aai nako, ao e a manga okira naba arona n aron are e a tia n taekinna te UEA ao e kamatoatoaa nanona n rawa n ongo iroun Moote ma Aaron.

Te Otinako 8:32

Ma e a manga taningamatoa naba te uea ao e aki roko n te kanakoia aomata.

Te Otinako 9:16

N na kamaiungkami i bukin kaotan m'aakau nako imi b'a e aonga ni buta nako taekau ni kabutaa te aonnaba.

Te Otinako 9:34

Ao ngke e noora te b'ai are e riki te uea, e a manga bon aki kan ongotaeka naba. A manga bon taningabono naba ngaia ma ana mataniwi n aroia are rimoa

I-Rom 2:5

Ma ngkai a matoatoa nanomi n rawa ni kani kaetaki, ao kam kaikoa te un nakoimi nakon te bong are e na kaotaki iai unin te Atua ma ana motiki-taeka ae eti.

Ebera 3:13

Ma kam na i kaungaingkami n te bong ae koraki, ngkae e atongaki b'a Te bong aei; b'a e kawa temanna i buakomi ni m'am'anaki n te bure ao e riki ni matoatoa iai nanona.