1.Tamuera 6:5 - Te B'aib'ara

⁵ Ma ngaia are, kam na karekei nimaua taian metera aika koora aika tamnein taiani kinaka aika warebwerebwe ao nimaua naba tamnein taiani kimoa aika kang arokara. B'a ngkana kam karinea aia UEA Iteraera n te b'aintangira aei, ao E na bae ni katoka karikan te kangaanga nako ira ma atuara, ao arokara.

1.Tamuera 6:5 ပူးပေါင်းရင်းမြစ်များ

1.Rongorongo 16:28

Tuangiia aomata nako ni botannaomata ni bane, “Neboa mimitongin m'aakan te UEA.

1.Rongorongo 16:29

E kamimii, Neboia ao uotimai ami karea nako nanon ana Tembora. Taromauria te UEA, ae e rine man tabu.

Taian Areru 18:44

A baraaki ni karineai aomata aika ianena; ngkana a ongo taekau, ao a ongeaba.

Taian Areru 32:4

Ko karawawataai ni ngaina ao ni bong; ao E kerikaki n akea nikirani korakorau, n ai aron ae e m'auteretere ni kabuebueni bongin te aumeaang.

Taian Areru 39:10

Kararoa am Rekenikai mairou; I bon rawata n oron baim.

Taian Areru 66:3

Kam na kaangai nakon te Atua, “Ai kamimiira am M'akuri aika Ko karaoi! E korakora M'aakam, ma ngaia ae a bobaraaki aiam i m'aim b'a a makuko.

Te Otinako 12:12

N na ri nanon te aba are Aikubita nakon te tairiki, n tiringiia karimoa mm'aane; natiia aomata ma maan, ao N na katuaaia antin Aikubita. Bon te UEA Ngai.

Te Otinako 8:17

Ao a ongotaeka, ao ngke e orea aontano Aaron n okona, ao a kawakawa naba taian uti i aoia aomata ao taian man. Ni koauana, a boni bane n riki b'a taian uti bubun tanon Aikubita.

Te Otinako 8:24

Ao E kakoroa raoi nanon ana berita te UEA, b'a E kaona te bareti ao mwengaia ana mataniwi te uea n taian nango aika m'aiti, ao e bane n rootaki aon te aba arei ni kabane.

Te Otinako 8:5

N te tai aei, Moote e tuanga Aaron b'a e na taua ana kai i aon te ran. Ao i mwiina, a na tam'arake taian biraoki man taian karaanga ni kabane, taiani kanare, ao taian nei nako i aon Aikubita, ao a kaona aon te aba ni kabane.

Itaia 19:1

Aio rongorongon Aikubita: E roko te UEA mai Aikubita, n toka i aon te nang. A aki konab'ai aomata i bukin maakuia. A rurubenebene aia bouannanti ngke e roko man taku,

Itaia 42:12

Ke a katanoataa aron neboana n taabo nako.

Ieremia 13:16

Ko kaantaningaa te oota, ma e na kanakoa te roo te UEA. E a kaman mena nuun te tairiki i aon taian tabuki. Ma ngaia are, kam na oki nakon te Atua ao kam na kaoti ami bure nakoina i m'aain ae a bae waemi ma ni b'aka.

Ieremia 3:13

Kam na ti kaotia raoi b'a kam bon kamangao ao kam taromaurii antiia ianena i aan kaai aika a korakora n taabo n aki akaaka.

Ioera 2:25

Boni Ngai ae te UEA ae Atuami, ae N na kabooa mwiin b'aai aika a bua ake a riki irouia te taanga n rookati teuana ma teuana ake I kanakoi b'a a na buakaningkami.

Iona 3:9

Antai ae na ataia ao e a ti bita naba nanona te Atua, ao ma n toki unna, ao ti a aki mate!

Maraki 2:2

E raoiroi riki ngke kam kamanenaa raoi karinean arau. B'a rimwi, kam anga te kakab'aia, ao N na onikia nakon te kamaraia. N etina, I a tia ni karaoa aei, i bukina ngke kam taua ma nanomi ni karaoa ami m'akuri n ibonga.

Warekaia Iteraera 33:4

Ma ngaia are, ngke a tabe n tauniia maate, ao a tarataraia Iteraera ngke a tabe ni kakatonga ni m'anangaia ni kiitana abaia.

Ioane 9:24

Ma ngaia are, a manga wetea riki teuare matakii ngkoa, ao a taku nakoina, “Ko na berita i matan te Atua b'a ko na taekina te koaua! Ti ataia b'a te aomata are kaure matam bon te tia bure.”

Iotua 7:19

Ao e taku Iotua nakoina, “Natiu, taekina te koaua i matan te UEA ae Atuaia Iteraera ao ko riai n raraoma. Tuangai b'a tera ae ko a tia ni karaoia. Tai manga kataia ni karaba nako iu.”

Te Kaotioti 11:13

Ao n te aoa naba arei ao e roko te m'aeiei ae korakora; ao e uruaki kabwiani m'akoron te kaawa, ao a mate ni m'aeiein te aba arei aomata aika itinga; ao aomata ake nikiraia a rangi ni maaku, ao a angan Atuani karawa te neboaki.

Te Kaotioti 14:7

Ao e kaangai n te b'anaa ae korakora, “Kam na maka te Atua, ao kam na anganna te neboaki. B'a e a roko te aoa are E na motiki taeka iai. Kam na taromauria Teuare karaoa karawa ma aonnaba ma marawa ma koburaken raan.”

Te Kaotioti 16:9

Ao a bue aomata n te riringa ae korakora; ao a taetaebuaka aran te Atua, ae tauu aroni b'aai ni kamamate akekei; ao a aki rairi nanoia, n anganna te neboaki.

1.Tamuera 5:11

Ao a manga tewea riki aia bowi taan tautaeka i Biritia kaain Ekeron ao a taku nako ia, “Kaoka te Atiniberita aei nakoia ake bon aia b'ai, b'a ti kaawa ni mate.” Ao a bane ni maaku aomata ni kabane, i bukina ngke E katuaaia te UEA n te aro ae moan te rawawata,

1.Tamuera 5:9

ao E karokoa te kinaka ae warebwerebwe i aoia aomata ni kabane n te kaawa arei. Ao a bane ni maaku kaain Kata,

1.Tamuera 6:8

Ao i mwiina, a katoka te Atiniberita i aon te kaa are katikitikaki irouia maan. Karin taiani kimoa ao maneka ake taiani koora i nanon te baeki, ao katokai i aon te kaa i rarikin te Atiniberita. Ao kanakoia i boni irouia.