1.Tamuera 6:17 - Te B'aib'ara

¹⁷ Ao anne aroia kaain Biritia n anga aia b'aintangira i bukin kab'araan aia bure i bukina ngke a anaa te Atiniberita. Ao a kanakoi taiani kinaka ake koora ake nimaua nakon aia kaawa n tatabeua nako ake Atitota, Kata, Atikeron, Kata, ao Ekeron.

1.Tamuera 6:17 ပူးပေါင်းရင်းမြစ်များ

2.Tamuera 1:20

Kam na aki taekinna i Kata ke ni kabutanakoa rongorongona i nanon kawain te kaawa are Atikeron. Ane e na kukurei antin Biritia te aine ao e na kibakibarake ni kim'areirei.

2.Tamuera 21:22

A tiringaki m'aane aikai ake ana kariki Rebaim mai Kata irouia ana tautia Tawita.

2.Uea 1:2

natin aia uea te m'aane are te uea are Aatia, kaain te aba are Moaaba. Ao n te bong teuana, ao e a b'aka te uea are Aatia i nanon kaai aika a irariki are e katobibiaki ana buia iai i taubukin ana bareti are i Tamaria, ao a rangi ni korakora ikoakina. Ma ngaia are, e a kanakoia ana tia uarongorongo nakon te kaawa are Ekiron ma ana titiraki nakon te anti are Baretebub'a b'a e na kona ni marurung man aorakina ke e na aki.

2.Rongorongo 26:6

Ngke e uea Utia, ao e waakina te buaka ni kaitaraia kaain Biritia. E urui oon taiani kaawa aika a buubura ake Kata, Iabene, ao Atota, ao e a manga karaoi taiani kaawa ake i rarikin Atirota ao ni m'akoron Biritia ake tabeua.

Ieremia 25:20

ao ianena ni kabane ake a maeka i aon te aba arei. Ao i mwiina, I nako ia uean Uti, ao i mwiina uean Biritia ake aman, ake a tautaekana Atikeron, Kata, Ekeron, ao nikirani b'aai i Atitota.

Nakoaia Ibonga 5:7

Ngkana arona b'a e aki konaa te aomata ni karekea te tiibu ke te kooti, ao e na uoti nakon te UEA b'a boon ana bure uoman te taobe ke uoman te bitin. Temanna i bukin te karea ni kab'arabure, ao are temanna i bukin te karea ni kabuokaki.

Amota 1:6

E taku te UEA “A teimatoa ni kakaraoa te bure kain Kata, ao N na bon katuaaia i bukin aei. A tia ni uotia nako au botannaomata man kabooia nakoia I-Etom b'a tooro.

Amota 6:2

Noora te kaawa are Karene. Noora naba te kaawa ae ab'ab'aki are Amata, ao ruorikaaki n noora naba aia kaawa I-Biritia are Kate: a bon aki roota tamaroan aaba n uea aika Iuta ma Iteraera, a aki roota naba rababan tiaia.

Te Tua-Kaua 28:27

E na kamarakingkami te UEA n te aoraki ae na kariki taian maneka aika manamana mataia ke te b'ai ae e iku n tabwenabwena i aon te kun ke taian kaboa n aron ake a bon riiriki i Aikubita. Ao bon akea b'ainaorakimi ae na reke.

Tani Motiki-taeka 1:18

Ao te UEA E buokiia tautian Iuta n taua Kaata, Atikeron, Ekeron, ao aaba ake i rarikin kaawa aikai. Ao e reke naba irouia te aba are tabukibuki ma a aki konaia, ke ni kanakoia, ke n taua abaia aomata ake a maeka n taian m'arua kaain Iuta i bukina b'a iai aia kaanibuaka aika taiani biti.

Tani Motiki-taeka 14:19

Ao E ninia Tamton Tamnein te Atua. Ao e nako Tamton nakon te kaawa are Atikeron, ao e tiringiia iai 30 te rorobuaka ao e anai aia kunnikai. Ao i mwiina, e a manga angania rorobuaka ake 30 ake i Timna, ao e okira ana utu ma te maraki n nano ae korakora.

Tani Motiki-taeka 16:1

Ao n te tai teuana ngke e mena Tamton i Kaata, ao e noora temanna ainen mataawa, ao e rinnako n ana auti ni mena iai n te tairiki arei ni kangainaa.

Tani Motiki-taeka 16:21

Ao a taua Tamton kaain Biritia, ao a auta matana ni karebenakoi. A uotia nakon te karabuuti i Kaata ao a kabaea n taian taurekereke. Ao i mwiina, a kam'akuria b'a e na kaminominoa te atiibu n ib'araua.

1.Tamuera 5:1

Ao a anaa te Atiniberita kaain Biritia i rarikin Ebenetera nakon te kaawa are Atitota.

1.Tamuera 5:10

ma ngaia are, a manga kanakoa te Atiniberita nako Ekeron. Ma i m'aiin are a karinna ni mataroan te kaawa, ao a bane n takaarua kaain Ekeron ni kaangai, “A uotaamai te Atiniberita are Ana b'ai Atuaia Iteraera! Ane na tiringiira ma ara utu!”

1.Tamuera 5:8

Ao kaain Atitota a weteia taan tautaeka ni kabane mai Biritia nako Atitota, ao a titirakiniia ni kaangai, “Tera ae ti na karaoia nakon te Atiniberita are Ana b'ai Atuaia Iteraera?” Ao a taku tautaeka akekei, “Kanakoa nako Kata.” Ao i mwiin uotakina nako ikekei,

1.Tamuera 6:4

Ao a taku taiani ibonga ma taani kaiwa: Bon iai niiman taan tautaeka i aon Biritia, ao a bane n ti te bo aorakiia ma aorakimi.