1.Tamuera 5:9 - Te B'aib'ara

⁹ ao E karokoa te kinaka ae warebwerebwe i aoia aomata ni kabane n te kaawa arei. Ao a bane ni maaku kaain Kata,

1.Tamuera 5:9 ပူးပေါင်းရင်းမြစ်များ

Taian Areru 78:66

E katotoro rikakiia aiana ni kataenikaiia n te aro are a mamaa iai n aki toki.

Amota 5:19

Kanga ai aron temanna ae birinako mai m'ain te raian ao e kaitibo ma te bea! Ke kanga ai aron temanna are e roko n te mwenga ao ni kaaki baina i aon te oo-b'a e na tenaaki n te naeta!

Te Tua-Kaua 2:15

Ao E teimatoa te UEA n tiringiia ni karokoa a bane ni mate.”

1.Tamuera 12:15

Ma ngkana kam taningabono ma n kamoamoaingkami nakon te UEA, ao ane na kaaitaraingkami ma ami uea.

1.Tamuera 5:10

ma ngaia are, a manga kanakoa te Atiniberita nako Ekeron. Ma i m'aiin are a karinna ni mataroan te kaawa, ao a bane n takaarua kaain Ekeron ni kaangai, “A uotaamai te Atiniberita are Ana b'ai Atuaia Iteraera! Ane na tiringiira ma ara utu!”

1.Tamuera 5:11

Ao a manga tewea riki aia bowi taan tautaeka i Biritia kaain Ekeron ao a taku nako ia, “Kaoka te Atiniberita aei nakoia ake bon aia b'ai, b'a ti kaawa ni mate.” Ao a bane ni maaku aomata ni kabane, i bukina ngke E katuaaia te UEA n te aro ae moan te rawawata,

1.Tamuera 5:6

Ao E karaoi kangaanga aika m'aiti te UEA nakoia kaain Atitota ma kaain rarikiia. E kariki taian kinaka aika wawarebwe i aon rab'ataia, ao a bane ni maaku aomata.

1.Tamuera 6:11

Ao i mwiina, a katoka te Atiniberita i aon te kaa are katikitikaki irouia maan, n reitaki ma te baeki are kanoana taiani kimoa ma kinaka aika warebwerebwe aika taiani koora.

1.Tamuera 7:13

Ao i mwiin te bobuaka, ao e katea te kanuringa Tamuera i marenan Mitib'a ma taiani b'a aika rietaata mataniwiia. Ao e aranna b'a, “Te Kanuringa are te Buoka” b'a kauringaia Iteraera buokaia i Roun te UEA. Ao E buobuoka Iteraera te UEA ni buakaniia kaain Biritia i nanon ana tai ni maiu Tamuera.