1.Tamuera 5:10 - Te B'aib'ara

¹⁰ ma ngaia are, a manga kanakoa te Atiniberita nako Ekeron. Ma i m'aiin are a karinna ni mataroan te kaawa, ao a bane n takaarua kaain Ekeron ni kaangai, “A uotaamai te Atiniberita are Ana b'ai Atuaia Iteraera! Ane na tiringiira ma ara utu!”

1.Tamuera 5:10 ပူးပေါင်းရင်းမြစ်များ

2.Tamuera 7:9

I buokiko n taabo nako ike ko nako iai, I buokiko ni kamaunaia am kairiribai i boni matam. Ao I karikiko b'a temanna mai buakoia aomata aika kabanea ni kakannato ao n tanoata n te aonnaba.

2.Uea 1:2

natin aia uea te m'aane are te uea are Aatia, kaain te aba are Moaaba. Ao n te bong teuana, ao e a b'aka te uea are Aatia i nanon kaai aika a irariki are e katobibiaki ana buia iai i taubukin ana bareti are i Tamaria, ao a rangi ni korakora ikoakina. Ma ngaia are, e a kanakoia ana tia uarongorongo nakon te kaawa are Ekiron ma ana titiraki nakon te anti are Baretebub'a b'a e na kona ni marurung man aorakina ke e na aki.

1.Rongorongo 7:21

Tab'ata, ao Tutera. Bon iai riki natin Eberaim aika uoman m'aane, aika Etera, ao Ereata. Ma a kaai n tiringaki ngke a kataia n iraei aia man aomata ake a maeka n te aba are Kata.

Amota 1:8

N na kam'aeia nako taan tautaeka n te kaawa ae Atitota ao Atikeron. N na orea te kaawa ae Ekeron, ao nikiraia I-Biritia ake a maiu ana bane ni mate.”

Amota 6:2

Noora te kaawa are Karene. Noora naba te kaawa ae ab'ab'aki are Amata, ao ruorikaaki n noora naba aia kaawa I-Biritia are Kate: a bon aki roota tamaroan aaba n uea aika Iuta ma Iteraera, a aki roota naba rababan tiaia.

Iotua 13:3

ma abaia naba taian Awim nako maiaki, (aaba ake man te karaanga are Tiora, are n tian Aikubita, nako iaang nakon tian Ekiron e atongaki b'a abaia I-Kanaan; a maeka uean Biritia i Kata, i Atitota, i Atikeron, ao i Ekiron.)

Iotua 15:11

E a manga birinako te tia nakoni maunga ake i meangin Ekiron, ao e a manga b'aoua ni kaitaraa Tikeron, ri rarikin te maunga are B'aara, ni manga biri nako Timna ao e toki n taari are te Mereterenian,

Iotua 15:45

Aikai kaawan te kanimaua ni m'akoro are a anganaki naba utuun te baronga are Iuta b'a abaia, ake taian kaawa ake n abaia I-Biritia are i mataniwiin taari, aika; Ekiron ma kaawana aika a uarereke, ao taian maeka nako i rarikina,

Tani Motiki-taeka 1:18

Ao te UEA E buokiia tautian Iuta n taua Kaata, Atikeron, Ekeron, ao aaba ake i rarikin kaawa aikai. Ao e reke naba irouia te aba are tabukibuki ma a aki konaia, ke ni kanakoia, ke n taua abaia aomata ake a maeka n taian m'arua kaain Iuta i bukina b'a iai aia kaanibuaka aika taiani biti.

1.Tamuera 17:52

Ma a takaarua Iteraera ma Iuta ao a kakioia ni karokoa Kata ao Ekeron. Ao e wenerua rab'ataia kaain Biritia i nanon te kawai mai Taaraim nako Kata ma Ekeron.

1.Tamuera 5:11

Ao a manga tewea riki aia bowi taan tautaeka i Biritia kaain Ekeron ao a taku nako ia, “Kaoka te Atiniberita aei nakoia ake bon aia b'ai, b'a ti kaawa ni mate.” Ao a bane ni maaku aomata ni kabane, i bukina ngke E katuaaia te UEA n te aro ae moan te rawawata,

1.Tamuera 5:9

ao E karokoa te kinaka ae warebwerebwe i aoia aomata ni kabane n te kaawa arei. Ao a bane ni maaku kaain Kata,

1.Tamuera 6:1

Ao ngke a bane itiua ana nam'akaina te Atiniberita i aon Biritia,