1.Tamuera 4:19 - Te B'aib'ara

¹⁹ Ao e a kaani bung buun Bineati. Ao n te tai ae aki maan i mwiin ongona b'a e a tia n anaaki te Atiniberita, ao a tia naba ni mate buuna ma tamana, ao e a bungiia te tei. E bon rangi ni matoatoa aron bungina,

1.Tamuera 4:19 ပူးပေါင်းရင်းမြစ်များ

Karikani B'aai 3:16

Ao E a manga taku nakon neierei, “N na kabatiai am kaangaanga n am tai ni bikoukou, ao te maraki n am tai ni bungiia natim. Ao ane e na aki tootoki nanom iroun teuane buum, ao e na taua taekam.”

Karikani B'aai 35:17

Ngke e a bon rangi ni maraki, ao e a taku te tia tobi, “Tai maaku Nei Rakera, b'a e a manga reke naba natim te mm'aane.”

1.Uea 14:1

Ao ni bon te tai naba arei, ao e a aoraki natin Ieroboam te m'aane are Abiia.

Taian Areru 78:64

A mate aia ibonga n te kabaang, Ao a aki kariaiakaki aine ake a mate buia b'a a na tang n nanokawaki.

Ieremia 26:6

ao N na urua te Tembora, n arou naba ngke I urua te kaawa are Tiro. Ao i mwiina, ane a na kamanenaa aran “Ierutarem” b'a te taeka ni karereanti nako ia aomata ni kabane i aon te aonnaba.

1.Tamuera 4:18

Ao e bon tabe naba n tekateka Eri i aon te kaintekateka i rarikin oon mataroan te kaawa. Ao ngke e ongo ana taeka te m'aane arei are a uotaanako te Atiniberita kaain Biritia, ao e einako ni b'aka. E a bon rangi ni kara man aki konab'ai, ma ngaia are, ngke e b'aka ao e m'aoto roroana, ao e mate. E a tia n riki b'a te tia kairiiri Eri i aon Iteraera i nanon 40 te ririki.

1.Tamuera 4:20

ao e mate. Ma e taku te aine are kakaawakinna, “Ko na aki maaku b'a te m'aane!” Ao e aki rangi n tabe ma ngaiia.