1.Tamuera 4:17 - Te B'aib'ara

¹⁷ Ao e taku te tautia arei, “A birinako Iteraera mairouia kaain Biritia. Ao m'aitiia ara aomata ake a tia n tiringaki, n reitaki naba ma natim m'aane ake uoman, ake Obeni ma Bineati. Ma te b'ai riki ae moan te buakaka b'a e a uotakinako te Atiniberita.”

1.Tamuera 4:17 ပူးပေါင်းရင်းမြစ်များ

Taian Areru 78:61

E kariaia aiara b'a a na taua te Atiniberita, are kanikinaeani m'akana ma mimitongina.

Taian Areru 78:64

A mate aia ibonga n te kabaang, Ao a aki kariaiakaki aine ake a mate buia b'a a na tang n nanokawaki.

1.Tamuera 2:34

Ni kakoauaan aei b'a N na bon karaoi baikai; ao natim m'aane, ake Obeni ao Bineati, ana tii teboo mateia n te bong teuana.

1.Tamuera 3:11

Ao E taku te UEA: Tamuera, N nang karaoa te m'akuri teuana i aon i Iteraera ae a na bane n tiaoki iai aomata ngkana a ongo taekana!

1.Tamuera 3:12

N na katuaaea Eri ma ana utu, n aron are I a tia ni berita iai.

1.Tamuera 4:16

“I birinako man te buaka n te bong aei ni birimai.” Ao e taku Eri, “Nao, ao tera ae riki?”

1.Tamuera 4:18

Ao e bon tabe naba n tekateka Eri i aon te kaintekateka i rarikin oon mataroan te kaawa. Ao ngke e ongo ana taeka te m'aane arei are a uotaanako te Atiniberita kaain Biritia, ao e einako ni b'aka. E a bon rangi ni kara man aki konab'ai, ma ngaia are, ngke e b'aka ao e m'aoto roroana, ao e mate. E a tia n riki b'a te tia kairiiri Eri i aon Iteraera i nanon 40 te ririki.