1.Tamuera 31:7 - Te B'aib'ara

⁷ Ao ngke a ongo Iteraera ake a mena n iteran te M'arua are Ietireera ao i mainikun te Karaanga are Ioretan b'a a tia ni biri nako ana taanga ni buaka Iteraera ao a tia ni mate Tauro ma natina m'aane, ao a manga kitana aia kaawa ma ni biri nako. Ao a roko kaain Bitiria ni kaainna.

1.Tamuera 31:7 ပူးပေါင်းရင်းမြစ်များ

Nakoaia Ibonga 26:32

E na rangi ni kananoanga abami n te aro ae ami kairiribai naba ake a maeka iai a na rangi ni kubanako ngkana a nooria.

Nakoaia Ibonga 26:36

Ane kam na ruru ni maaku ni m'akaikain baan te aroka, kaanga te kabaang i abaia ami kairiribai.

Te Tua-Kaua 28:33

Ane kam na m'akuri korakora n ami nne n aroka, ma b'aai ni kabane akana kam taii a na manga kanaki ni kabane irouia i anena, ake a na karaoa ae aki raoiroi ao n taekini taeka aika rangi ni buakaka.

Tani Motiki-taeka 6:2

Ao a rangi ni buakaka aroia kaain Miiria nakoia Iteraera, ma ngaia are, a birinako Iteraera nakon te naani maunga ni karabaia n te naan nangananga ni b'a.

1.Tamuera 13:6

Ao tib'a ataia tautian Iteraera b'a a nang bane aia koraki, ao a nang konaaki. Ao a karabaia tabeman m'anen Iteraera n taian nangananga ni b'a ke i nanon taian buakonikai, ke i nanon taian karuarua aika nano aika m'auteretere.

1.Tamuera 13:7

Ao tabeman a nakon te kaawa are Kata ma Kireata n iteran te Karaanga are te Ioretan are teuana. Ao e tiku Tauro i Kirekara, ao a rangi n ruru ni maaku ana tautia,

1.Tamuera 31:6

Ao ai anne aron maten Tauro ma natina m'aane ake teniman; a bane ni mate natin Tauro n te bong anne.

1.Tamuera 31:8

N te bong are i mwiin te buaka ao a m'ananga kaain Biritia b'a a na anai aia b'ai maate, ao a noora rab'atan Tauro ma natina ake teniman ni wene i aon te Maunga are Kireboa.