1.Tamuera 31:6 - Te B'aib'ara

⁶ Ao ai anne aron maten Tauro ma natina m'aane ake teniman; a bane ni mate natin Tauro n te bong anne.

1.Tamuera 31:6 ပူးပေါင်းရင်းမြစ်များ

2.Tamuera 1:1

Ao e mate Tauro. Ao i nanon taai akanne, e a tia Tawita ni kataenikaia kaain Amareka ao e okirikaaki nako Tikeraka.

2.Tamuera 1:12

Ao a tang ni kabongnga ao akea te b'ai teuana ae a kanna. Ao a bane n nanokawaki aomata i bukin natin Tauro are Ionatan, ao i bukiia naba ana aomata te UEA ake a mate n te buaka.

1.Rongorongo 10:6

Ao e mate Tauro ma natina m'aane ake teniman, ao ana koraki ni kabane ake m'aane.

Tani Motiki-taeka 9:54

Ao e uakaan ma ngaia te tautia are e uouota ana b'ai ni buaka, ao e taku nakoina, “Buuta am kabaang n tiringai. I aki tangiria n taekinaki b'a I mate iroun te aine.” Ma ngaia are, e anaa ana kabaang te tautia arei ma n ewara iai Abimereka.

1.Tamuera 11:15

Ao a bane n nako aomata nakon te tabo n taromauri i Kirekara, ike a kabooi iai nanoia b'a e na riki Tauro b'a aia uea. Ao Tauro ma aomata a anga taiani man b'a aia karea ni bubutiia te UEA Ana kakab'aia, ao a karaoa te bootakin ni kukurei ae korakora.

1.Tamuera 12:17

Tiaki aei ngkoa tain te m'auteretere? N na bubutiia te UEA b'a E na karokoa te karau ma te baa. Ngkana kam nooria, ao kam na ataia b'a kam a tia ni bure ngke kam tangira te uea.

1.Tamuera 12:25

Ma ngkana kam karaoa te m'akuri ae buakaka ma ami uea, ao E na kamaunaingkami te UEA.

1.Tamuera 26:10

Ngkai bon iai te UEA ae e maiu, ao I ataia b'a E na bon tiringa Tauro, tao ni bon ana tai ni mate ke e na mate n te buaka.

1.Tamuera 28:19

E na anga ngkoe ma Iteraera nakoia kaain Biritia. A na raoniko natim rorobuaka nakon te ingabong, ao E na anga naba ana taanga ni buaka Iteraera nakoia kaain Biritia.”

1.Tamuera 31:5

Ao e nooria te rorobuaka arei ae e a mate Tauro, ma ngaia are, e a manga bon kab'aka naba i bon i rouna i aon oin ana kabaang ao e mate ma Tauro.

1.Tamuera 31:7

Ao ngke a ongo Iteraera ake a mena n iteran te M'arua are Ietireera ao i mainikun te Karaanga are Ioretan b'a a tia ni biri nako ana taanga ni buaka Iteraera ao a tia ni mate Tauro ma natina m'aane, ao a manga kitana aia kaawa ma ni biri nako. Ao a roko kaain Bitiria ni kaainna.