1.Tamuera 31:12 - Te B'aib'ara

¹² a moana m'anangaia rorobuaka aika a ninikoria n te tairiki nako Beta Taan. A anaa rab'ataia Tauro ma natina m'aane man te oo, ao a uotia ni kaokia nako Iabeti, ao a kabuokia.

1.Tamuera 31:12 ပူးပေါင်းရင်းမြစ်များ

1.Rongorongo 10:12

ao a nako tabeman m'aane aika a ninikoria n anaa rab'atana ma rab'atan natina m'aane ake teniman. Ao a uotii rikaaki rab'ataia nako Iabeti, ike a tauniia iai i aan te kai ae te oke. Ao i mwiina, a aki am'aam'arake i nanon itibong ni kaota nanokawakiia.

2.Rongorongo 16:14

Mai m'aaina, ao bon iai ruanimaten Ata ae e a tia n ekeaki n te tabuki are e b'a i Ierutarem. Ma ngaia are, e bon taunaki ikekei, ao e kanoaaki te ruanimate arei ni b'aai ni kaboiarara, ao taiani b'a aika boiarara. Ao i mwiina, a karaoa aia kaura ai aomata i bukin karineana.

Ieremia 34:5

Ko na boni mate i nanon te rau. A na tang aomata ngkana ko mate, ao a na kaura te ai ae e korakora ni kaota karineam, n aron are a karaoia uea ake a tautaeka i m'aaim nako ia ami bakatibu,

Amota 6:10

E na kaotinakoaki rab'atan te mate man te auti iroun teuare a na buu te mate arei, are bon ngaia naba ae mataniwiia te bootaki ni mate arei. E na wewete te buu arei nakoia ake a tiku n te auti ni kaangai, “iai riki raom temanna ikanne?” Ao e na kaekaaki ni kaangai, “akea” Ao e na kaangai ana buu teuare e mate, “Tai karongoaa, ti riai ni kaawakiniira man atoatongan aran te UEA.

1.Tamuera 31:10

Ao i mwiina, a katuka ana b'ainibuaka i nanon ana tembora antiia are Nei Atiterota, ao a neerana rab'atana ma oon te kaawa ae e buubura are Beta Taan.