1.Tamuera 31:1 - Te B'aib'ara

¹ A buakana Iteraera kaain Biritia n te Maunga are Kireboa. A m'aiti Iteraera ake a mate ikekei, ao nikiraia, n reitaki ma te Uea are Tauro ao natina rorobuaka, a bane ni biri nako.

1.Tamuera 31:1 ပူးပေါင်းရင်းမြစ်များ

2.Tamuera 1:21

Ko na aki kab'aka te aoi ke te karau i aon tabukin nako Kireboa. Ko na aki karikirakei taian uita n te tawaana i bukin karikirakean taian uita i bukin taian karea nakon te Atua. A takanana aia otanga taani buaka n taiani bokaboka, ao e a tiku oin ana otanga Tauro n aki karaneaneaaki.

2.Tamuera 1:6

Ao e taku te rorobuaka arei: I mena i aon te tabuki are Kireboa, ao I noora te uea are Tauro b'a e b'aka nako aon ana kainiwai. E kakioaki irouia ana kairiribai aika a aki rangi n raroa mai akuuna i aon aia kaanibuaka ao taan toka i aoia aoti.

2.Tamuera 4:4

Temanna man ana baronga Tauro, bon natin Ionatan ae arana Mebiboteta, ae ai tib'a nimaua ana ririki ni maiu ngke a tiringaki Tauro ma Ionatan. Ngke roko rongorongon mateia uakai man te kaawa are Ietireera, ao e roko ana tia tob'a n anaia mani birinako ma ngaia; ma E nang katawe ana tia tob'a aio n te aro are e b'aka teteei aei, ao n riki b'a te m'auku.

1.Tamuera 12:25

Ma ngkana kam karaoa te m'akuri ae buakaka ma ami uea, ao E na kamaunaingkami te UEA.

1.Tamuera 28:1

Tabeua te tai i mwiina, a bootia aia taanga ni buaka kaain Biritia b'a a na buakana Iteraera, ao e taku Rakiti nakon Tawita, “I bon kakoauai ngkami b'a kam na bon buaka ngkoe ma am rorobuaka man au itera.”

1.Tamuera 28:15

Ao e taku Tamuera nakon Tauro, “E aera ngkai ko aki karauai? E aera ngkai ko a manga kaokai?” Ao e kaeka Tauro ni kaangai, “I a reke n te kangaanga ae e korakora! I a boo ni buaka ngkai ma kaain Biritia, ao E a tia ni kiitanai te Atua. E aki manga kaekai au titiraki, ai uana naba rinanoia burabeti ke n taiani mii. Ma ngaia ae, I a weteiko b'a ko na tuangai b'a tera ae N na karaoia.”

1.Tamuera 28:19

E na anga ngkoe ma Iteraera nakoia kaain Biritia. A na raoniko natim rorobuaka nakon te ingabong, ao E na anga naba ana taanga ni buaka Iteraera nakoia kaain Biritia.”

1.Tamuera 28:4

A ikotaki aia taanga ni buaka kaain Biritia ao a kaemb'a i rarikin te kaawa are Tunem; E ikotiia Iteraera Tauro ao a kaemb'a n te Maunga are Kireboa.

1.Tamuera 29:1

Ao a karokoia aia taanga ni buaka ni kabane ma n ikotiia i Abeki, ngke a kaemb'a Iteraera n te koburake n ran are ni M'aruan Ietireera.