1.Tamuera 30:8 - Te B'aib'ara

⁸ Ao e titirakina te UEA Tawita ni kaangai, “N na riai n rimwiia taan kurib'ai? Ao N na kauiaia?” Ao E kaeka ni kaangai, “Naako rimwiia; ko na kauiaia ao ko na kamaiuia taenikai.”

1.Tamuera 30:8 ပူးပေါင်းရင်းမြစ်များ

Karikani B'aai 14:16

ao Aberam, e anai taiani b'ai mairouia naake a konaaki, ake a uotinako ngkoa b'aai. Ao e kaoka naba ai natina are Roota ma ana b'ai ni kabane, n ikotaki naba ma aine, ao taenikai naba ake tabeman.

2.Tamuera 5:19

Ao e titirakina te UEA Tawita ni kaangai, “N na buakaniia kaain Biritia ke N na aki? Ko na katokanikaiai ke ko na aki? Ao E tuanga Tawita te UEA ni kaangai, “Buaka! N na katokanikaiko.”

2.Tamuera 5:23

E titirakina te UEA Tawita b'a tera ae e na karaoia, ao e kaeka te UEA ni kaangai: Ko na aki buakaniia mai mataia. Naako katobibia mai akuiia ao buakaniia mai buakon taian aroka ake marubere.

Taian Areru 50:15

Kam na weteai n tain te kaangaanga; N na kamaiungkami, ao kam na neboai.

Taian Areru 91:15

Ngkana a weteai, ao N na kaekaia; ngkana a kai nanoia, ao N na mena irouia. N na kamaiuia ma ni kakab'aiaia.

Te Otinako 15:9

E taku te kairiribai, ‘N na kakioia ma n raweia. N na tib'ai kaub'aia ma n anai b'aai ni kabane aika I tangiri; N na buuta au kabaang ma n anai b'aai ni kabane ake i rouia.’

Warekaia Iteraera 27:21

Ma e na riai Iotua ni mwiokoa Ereata i bukin kakaaean te b'ai ae I tangiria b'a e na karaoia ngkana e na kairiia Iteraera nakon te buaka.”

Tani Motiki-taeka 20:18

Ma ngaia are, a nakon te tabo n taromauri i Betaera ao a titirakina te Atua ni kaangai, Antai te baronga ae te moan m'ananga ni buakaniia kaain te baronga are Beniamin?

Tani Motiki-taeka 8:4

Ao ngke a tia Kiteon ma ana tautia ake 300 n kakioia kaain Miiria ni karokoa rokoia n te Karaanga are te Ioretan, ao a rootaki n te kua.

1.Tamuera 10:22

Ao a tataro aomata ni kaangai, “Ara UEA, e mena ikai Tauro ke e aki?” Ao E taku te UEA, “Eng, ane e karaba i buakon b'aai.”

1.Tamuera 14:37

Ao Tauro, e titirakina te UEA ni kaangai, “Ti na buakaniia kaain Biritia? Ko na buokiira ni katokanikaira?” Ma E a aki kaekaia te Atua n te tai aei.

1.Tamuera 23:2

Ma ngaia are, e titirakina te UEA ni kaangai, “E riai b'a N na nako ke N na aki nako ni buakaniia kaain Biritia?” Ao E kaeka te UEA ni kaangai, “Eng, ko na nako ni buaka ni kamaiua Keira.”

1.Tamuera 23:4

Ma ngaia are, e a manga titirakina riki te UEA, ao E taku te UEA nakoina, “Ko na nako ni buakaniia kaain Biritia i Keira, b'a N na anganingkami te tokanikai i aoia kaain Biritia.”

1.Tamuera 28:6

ma ngaia are, e titirakina te UEA b'a tera ae e na karaoia. Ma E aki roko n te kaekaa te UEA, e aki naba anganna te mii ke ni kamanenaan te Urim ma te Tummim ke mairouia burabeti.

1.Tamuera 30:18

E kamaiu b'aai ni kabane ake a anaaki irouia kaain Amareka, n reitaki ma buuna ake uoman;

1.Tamuera 30:19

bon akea te b'ai ae e bua. A kaokiia ni kabane natiia rorobuaka ma natina aine ma rorobuaka ni kabane, ma b'aai ni kabane ake a kurib'aiaki irouia kaain Amareka.