1.Tamuera 30:6 - Te B'aib'ara

⁶ E a bon rangi n reke Tawita n te kangaanga irouia ana rorobuaka b'a a rangi ni b'ara nanoia i bukin buan natiia, ao a iaiangoa karean Tawita n atiibu; ma E anganna korakorana te Atua,

1.Tamuera 30:6 ပူးပေါင်းရင်းမြစ်များ

Karikani B'aai 32:7

Ao e maaku Iakob'a ma n raraoma. E bwenauaia ana aomata ake i rouna nakon uakoraki, ao ai uana naba ma ana nanai n tiibu, ma kooti, ma kaao, ao taian kamero.

2.Tamuera 17:8

I ataia b'a bon taani buaka raoi am koraki ni m'aane. Ti te bo ngkai ngaiia ma te tina ni bea ae e a tia n tiringaki natina. I rarikin anne, e bon rangi ni m'aiti taiani buaka aika e a tia n irii, ao ane e na bon aki konaa ni katairaa ma tabem'aang.

2.Uea 4:27

Ma ngke e a tib'a roko i taubukin te maunga, ao e kawara Eritai ao e taua waena. Ao e kawaria Keati b'a e na kanakoa ma e kaangai Eritai, “Tai kuaia. Ko aki noora rawawatan nanora? Ma e aki roko n te tuangai te UEA bukin te b'ai ae e na riki aei.”

Iobi 13:15

A bane ni bua au kantaninga, ao tera ngkana arona b'a E tiringai te Atua? B'a N nang kaeta taekau nako Ina.

Taian Areru 116:10

I teimatoa n onimaki, e boni ngke I a kainano ni maraki,

Taian Areru 138:3

Ngke I weteiko, ao Ko ongo irou; Ko kakorakoraai ni korakoram.

Taian Areru 18:2

Bon au b'a ni katantan ae rietaata ngkoe te UEA; Bon au nono ae matoatoa, ao te tia kamaiuai ngkoe; Bon Atuau ae nneu ni katanai ae I raba raoi i rouna; mairouia taan ribaai;

Taian Areru 18:6

Ngke e kai nanou, ao I wetea te UEA, ae Atuau b'a E na buokai. E ongo b'anaau man ana tembora, ao E ongora n tangu.

Taian Areru 25:17

Kabebeteai man raraomau, ao kamaiuai mani kainanou.

Taian Areru 27:14

Ko na kaantaninga te UEA, Ko na korakora ma n ninikoria; Ko na kaantaninga te UEA.

Taian Areru 31:24

Kam na korakora ao kam na ninikoria, ngkami ni kabaneingkami akana kam kaantaninga te UEA.

Taian Areru 42:11

E aera ngkae e rawaawata nanou? I aera ngkai I aki rau? N na kaantaninga te Atua, ao N na manga neboia: B'a bon au tia kamaiu ao Atuau.

Taian Areru 42:5

E aera ngkae e rawaawata nanou? E aera ngkai I aki rau? N na kaantaninga te Atua, Ao N na manga neboia: B'a bon au tia kamaiu ao Atuau.

Taian Areru 42:7

A waaki ni b'aro riaou am nao, Kanga ai aroni marawa ae un, Ke te raanga n ran ae rurunga b'arona.

Taian Areru 56:11

I onimakinna ao akea te b'ai ae N na maaku iai. Tera ae e kona te aomata ni karaoia nako iu?

Taian Areru 62:1

I taotaona nanou ni kaantaninga te Atua b'a E na kamaiuai; Ti Ngaia mwiokoni maiu.

Taian Areru 62:5

Ti te Atua mwiokoni maiu, Ao e tiku au kaantaninga i rouna.

Taian Areru 71:4

Atuau, kamaiuai mairouia aomata aika buakaka; Kamaiuai b'a N na aki reke i aani m'akaia aomata aika iowawa ma n aki ako.

Taian Areru 71:5

Te UEA ae ko tautaeka, e tiku au kaantaninga iroum; I mwioko iroum ma ngke te kairake ngai.

Te Otinako 17:4

Ao e kakorakora Moote n tataro nakon te UEA ao e taku, “Tera ae N nang karaoia nakoia aomata aikai? Ae a kaan karebanaai n taian atiibu.”

Taeka n Rabakau 18:10

Bon te taua ae e korakora te UEA ike a konaa ni biri nako iai ana aomata ni kamanoia

Itaia 25:4

Ko a tia n riki b'a te tabo ni kamanomano i bukiia aika a maiu ni kainano ma n tangira buokaia i nanon tain te kaangaanga. A buakaniira ara kairiribai kaanga rokon te karau ae e korakora ke kaanga riringan taai n te tawanou, ma ko bon riki b'a katanara.

Ieremia 16:19

Ara UEA, boni Ngkoe ae Ko anganai te korakora ma ni kaawakinai kaanga te nono ngkana I reke n te kangaanga. Ane a na roko aomata ni kawarai man taiani botannaomata aika a raroa nako ao a na kaangai, A taromauri anti ni kewe aika a akea manenaia Ara bakatibu.

Iona 2:2

“I weteiko te UEA mai buakon rawaawatau, ao ko kaekaai. mai kabin te aonnaba i nanon abaia maate, I tangira buokau ao Ko ongo irou.

Warekaia Iteraera 14:10

Ao a bane aomata ni bononnanoa karebanaia Moote ma Aaron n taian atiibu ni ua mateia. Ma E karina ni kaoti te UEA n te nang i nanon te Um'antabunrianna.

Mataio 21:9

Ao a takarua aomata ake a ri moana ao ake a ri mwina, ni kangai, E na neboaki Natin Tawita! E na kakab'aiaki Teuae nako mai n aran te Atua. E na neboaki te Atua!

Mataio 27:22

E taku Birato nako ia, “Ao tera ngkanne ae N na karaoia nakon Iesu are atongaki b'a Kristo?” A bane n taku, “E na kamateaki n te kaibangaki!”

Ioane 8:59

Ma ngaia are, a anai atibu b'a a na karebanaia, ma E karabaa Iesu, ao E kitana te Tembora.

I-Rom 4:18

E teimatoa n onimaki Aberaam e ngae ngke akea bukin ana kaantaninga, b'a e na riki b'a tamaia botannaomata aika bati, n ai aron are atongaki ni kaangai: “Ai aron naba m'aitiia am kariki taian itoi.”

I-Rom 4:20

Akea te aro ae e na rawa iai Aberaam ni kakoaua te taeka n akoi; ma e riki ni korakora n ana onimaki, ao e neboa te Atua,

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

2.I-Korinto 1:6

Ngkana ti karawawataaki, ao bon i bukini karauan nanomi ao kamaiuami; ao ngkana a karauaki nanora ao bon i bukin naba karauan nanomi are kam kona iai n taotaon nanomi nakoni maraki ake ti maraki naba iai.

2.I-Korinto 4:8

Ti kaaitara ma te rawawata n aaro nako, ma ti aki konaaki iai; ti babanga arora, ma a aki b'ara nanora;

2.I-Korinto 7:5

B'a ngke ti roko i M'aketonia, ao a aki motirawa rab'atara, ma ti karawawataki n aaro nako, n taiani kauntaeka ma aomata, ao n taiani maaku i nanora.

Ebera 13:6

Ma ngaia ae ti na aki maaku ni kangai: “Te Uea bon te tia buokai; N na aki maaku; Tera ae e kona te aomata ni karaoia nako iu?”

Tani Motiki-taeka 18:25

Ao a taku kaain Taan akekei nakoina, Ti aki manga kan ongo riki taekan te b'ai anne, ao ngkana ko kamaraki nanora ao ti na ti tiringko ma am utu.

Tani Motiki-taeka 20:22

Ao a nako Iteraera nakon te tabo n taromauri ao a tang ni karokoa bungin taai. Ao a titirakina te UEA ni kaangai, Tera arora, ti na manga buakana riki te baronga are Beniamin, e aoria ngkana bon ara koraki? Ao E taku te UEA, Eng, manga buakanna riki. Ao a kakorakorai nanoia tautian Iteraera n tatabemaniia nako b'a a na ninikoria ma ni kakorakoraia ni buaka. Ao n te bong are i mwiina, ao a manga nako n okira Kibea ao manga baaireia naba n aron are mai m'aaina.

1.Tamuera 1:10

Ao e bon rangi n uruaki nanon Nei Anna ao e tang ngke e tataro ao e taku,

1.Tamuera 23:16

E m'ananga Ionatan ni kawaria ikekei ao e kakorakoraa i aan ana kakawakin te Atua,

1.Tamuera 28:15

Ao e taku Tamuera nakon Tauro, “E aera ngkai ko aki karauai? E aera ngkai ko a manga kaokai?” Ao e kaeka Tauro ni kaangai, “I a reke n te kangaanga ae e korakora! I a boo ni buaka ngkai ma kaain Biritia, ao E a tia ni kiitanai te Atua. E aki manga kaekai au titiraki, ai uana naba rinanoia burabeti ke n taiani mii. Ma ngaia ae, I a weteiko b'a ko na tuangai b'a tera ae N na karaoia.”