1.Tamuera 30:22 - Te B'aib'ara

²² Ma a taku tabeman rorobuaka aika a buakaka aika akea manenaia ake a ira Tawita, “A iriira rorobuaka aikai nakon te buaka, ma ngaia are, a na akea te b'ai ae a na anganaki man b'aai ake ti uoti mairouia kaain Amareka. A na ti anganaki buuia ma natiia ao a nako naba!”

1.Tamuera 30:22 ပူးပေါင်းရင်းမြစ်များ

1.Uea 21:10

Ao karekeia uoman aomata aika taani kewe aika a na mena i rarikin Naabota ni kaaitaraa ao a na taetae n tuea b'a e a tia Naabota n taetaebuaka te Atua ao te uea. Ao i mwiina, kaotinakoa Naabota ao karebanaia n taian atiibu ni karokoa matena. Ao e tiainaa n aran Aaba ao e titamb'anna naba n ana titamb'a. Ao e a kanakoa nakoia taani kairiiri n te kaawa.

1.Uea 21:13

Ao a bukinna ni taetaebuaka te Atua ao te uea, ma ngaia are, a uaakinna aomata nako tinaniku ao a karebanaia n atiibu ni karokoa matena.

Mataio 7:12

Ma ngaia aei, b'a b'aai ni kabane aika kam tangiri b'a a na karaoaki nako imi irouia aomata, ao kam na karaoi naba nako ia: b'a aei te reirei ae kanoan tuua ake e anga Moote ma aia boki burabeti.

Te Tua-Kaua 13:13

Ane kam na ongo aia taeka aomata aika akea manenaia n tuangiia aomata ni kabane b'a a na taromauriia anti riki tabeman, e ngae ngke bon akea te b'ai ae a tia ni karaoia anti aikai i bukiia.

Tani Motiki-taeka 19:22

Ao a rangi ni kukurei n te tairiki arei, ngke a ti roko naba kaain te kaawa arei ni katobibia aia auti ma n ororea mataroan te auti ma n takaarua ni kaangai, “Kaotinakoia aomata akana a roko n am auti n te tairiki aei b'a ti na bure ma ngaiia.”

1.Tamuera 22:2

E a raonaki irouia aomata aika iai rawaawatan nanoia ke a aika iai aia taarau ke aika iai te b'ai ae e aki rau nanoia iai, e kaaniia 400 te aomata aika a nakoina, ao e riki b'a aia tia kairiiri.

1.Tamuera 25:17

Taiaoka ma kareerekea riki am iango iai ao karekea am iango b'a tera ae ko na karaoia nako iai. E konaa n riki te b'ai aei b'a rokon te kangaanga nakon ana toka ao kaain ana utu ni kabane. Bon te aomata ngaia ae e raarawa n tuangaki arona, ao bon akea ae e konaa n ongo i rouna!”

1.Tamuera 25:25

I butiiko b'a ko na aki tabe ma Nab'ara, b'a bon akea manenana! Ao bon anne nanon arana: te nanoroo! I aki mena ikekei ngke a roko am taani m'akuri teuae ko karineaki.

1.Tamuera 30:21

Ao i mwiina, e oki rikaaki Tawita nakoia ana rorobuaka ake 200 ake a tia ni mamaara n iria, ao n tiku i tinanikun karaangan Berota ae e uarereke. A roko b'a a na butim'aea Tawita ma rorobuaka ake a iria, ao e kawariia Tawita ao e kamauriia.

1.Tamuera 30:23

Ma e taku Tawita: Raou, tai nanonrang n te b'ai ae e a tia n anganiira te UEA! E kaawakiniira te UEA ao E anganiira te tokanikai i aoia aomata ake ti buakaniia.